From Wikipedia, the free encyclopedia
«Ռոքեթմեն» (անգլ. Rocketman), կենսագրական երաժշտական ֆիլմ, որի ռեժիսորն է Դեքսթեր Ֆլեթչերը, իսկ սցենարի հեղինակը Լի Հոլլանը, պատմում է երաժիշտ Էլթոն Ջոնի կյանքի մասին։ Կինոնկարի գլխավոր դերը կատարում է Թերոն Էջերթոնը։ Ֆիլմը անվանվել է Ջոնի, 1972 թվականի, «Rocket Man» երգի անունով։ Ֆիլմը արժանանացել է Օսկարի «(I’m Gonna) Love Me Again» երգի համար «Ֆիլմի լավագույն երգ» անվանակարգում։
Ռոքեթմեն անգլ.՝ Rocketman | |
---|---|
![]() | |
Երկիր | ![]() ![]() ![]() |
Ժանր | երաժշտական ֆիլմ, դրամա[3], կենսագրական ֆիլմ[1], երաժշտական կատակերգություն[1] և ԼԳԲՏ թեմայով ֆիլմ |
Թվական | մայիսի 31, 2019[4], մայիսի 30, 2019, մայիսի 24, 2019, մայիսի 29, 2019[1][5] և հունիսի 6, 2019[6] |
Լեզու | անգլերեն |
Ռեժիսոր | Դեքսթեր Ֆլեթչեր |
Պրոդյուսեր | Լոուրենս Բենդեր, Դեյվիդ Ֆերնիշ, Ադամ Բոհլինգ, Էլթոն Ջոն, Դևիդ Ռեյդ և Մեթյու Վոն |
Սցենարի հեղինակ | Լի Հոլ |
Դերակատարներ | Թերոն Էջերթոն, Ջեյմի Բել, Ռիչարդ Մեդլեն, Բրայս Դալաս Հովարդ, Սթիվեն Մակինտոշ[2], Ջեմմա Ջոնս[2], Սթիվեն Գրեհեմ[2], Հարիեթ Ուոլթեր[2], Թեյթ Դոնովան[2], Չարլի Ռոու[2], Ջիմի Վի[2], Քիթ Քոննոր[2], Layton Williams?[2], Tom Bennett?, Matthew Illesley?, Leigh Francis?, Օֆելյա Լովիբոնդ, Rachel Muldoon? և Celinde Schoenmaker? |
Օպերատոր | Ջորջ Ռիչմոնդ |
Երաժշտություն | Մեթյու Մարգեսոն |
Մոնտաժ | Քրիս Դիքենս |
Պատմվածքի վայր | Լոնդոն |
Կինոընկերություն | Marv Films, Rocket Pictures և Paramount Pictures |
Տևողություն | 121 րոպե[4][3] |
Բյուջե | 40 000 000 $ |
Շահույթ | 182 581 610 $[7] |
![]() |
Երաժիշտ Էլթոն Ջոնի կյանքի պատմությունը՝ ֆենտեզիի ներկայացմամբ։
2012 թվականի հունվարին հայտարարվեց, որ Էլթոն Ջոնը զբաղվում է իր կյանքի մասին պատմող կենսագրական ֆիլմի զարգացման վրա՝ Ջասթին Թիմբերլեյքին անվանելով իր դերի ամենահարմար թեկնածուն։ Լի Հոլլը պետք է սցենար գրեր[8]։
2013 թվականի մարտին հայտարարվեց, որ ֆիլմի ռեժիսուրայով զբաղվելու է Մայքլ Գրեյսին։ Նույն թվականի հոկտեմբերին հայտարարվեց, որ Ջոնի դերը կկատարի Թոմ Հարդին, իսկ Focus Features կինոընկերությունը ԱՄՆ-ի տարածքում ֆիլմը բաշխելու իրավունք է ձեռք բերել[9][10]։
2017 թվականի հուլիսին հայտարարվեց, որ Հարդին լքել է նախագիծը, և Թերոն Էջերթոնը նրան փոխարինելու բանակցություններ է վարում[11]։ 2018 թվականի ապրիլին Էջերթոնը պաշտոնապես միացավ ֆիլմին, Դեքսթեր Ֆլեթչերը հայտարարվեց որպես ռեժիսոր, իսկ բաշխման իրավունքը անցավ Paramount Pictures-ին[12]։ Հարցազրույցներից մեկում Էջերթոնը նշել է, որ ֆիլմը լինելու է ոչ թե սովորական կենսագրական ֆիլմ, այլ ֆենտեզի մյուզիքլ[13]։ Նույն թվականի հունիսին Բեռնի Թոփինի դերի համար ընտրվեց Ջեյմի Բելը[14]։ Հուլիսին ֆիլմին միացան Ռիչարդ Մեդլենը (Ջոն Ռիդ) և Բրայս Դալաս Հովարդը (Շեյլա Այլին)[15][16]։ Հոկտեմբերին ֆիլմին միացավ նաև Ջեմմա Ջոնսը (Այվի)[17]։
Ֆիլմի նկարահանումները սկսվել են 2018 թվականի օգոստոսի 2-ին[18] և ավարտվել են նույն թվականի հոկտեմբերի 31-ին[19]։
Համաշխարհային պրեմիերան տեղի է ունեցել 2019 թվականի մայիսի 16-ին՝ Կանիի 72-րդ կինոփառատոնի ժամանակ[20]։ Մեծ Բրիտանիայում կինոնկարի վարձույթը թողարկվել է 2019 թվականի մայիսի 22-ին[21]։ ԱՄՆ-ում ֆիլմի պրեմիերան նախատեսված էր 2019 թվականի մայիսի 17-ին, սակայն, ավելի ուշ, տեղափոխվել է 2019 թվականի մայիսի 31[22][23]։
Ռուսական տարբերակում ֆիլմից մի քանի տեսարան է հեռացվել, որում առկա էին միասեռ համբույրները, սեքսը և թմրանյութերի օգտագործումը[24]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.