Թոմ Հարդի

Էդվարդ Թոմաս Հարդի (անգլ.՝ Edward Thomas Hardy, սեպտեմբերի 15, 1977(1977-09-15)^{[1][2][3][…]}, Համմերսմիթ, Համերսմիթ և Ֆուլեմ, Մեծ Լոնդոն, Անգլիա, Միացյալ Թագավորություն), առավել հայտնի է որպես Թոմ Հարդի (անգլ.՝ Tom Hardy), անգլիացի դերասան։ Սկսել է նկարահանվել 2001 թվականից։ Առավել հայտնի է դարձել՝ խաղալով «Ռոքնռոլլա», «Սկիզբ», «44 երեխա» ֆիլմերում։

Թոմ Հարդի
Ի ծնե անուն՝	Edward Thomas Hardy
Ծննդյան թիվ՝	սեպտեմբերի 15, 1977(1977-09-15) (47 տարեկան)
Ծննդավայր՝	Լոնդոն, Մեծ Բրիտանիա
Ազգություն՝	անգլիացիներ և իռլանդացի
Քաղաքացիություն՝	Միացյալ Թագավորություն
Մասնագիտություն՝	սցենարիստ, թատրոնի դերասան, կինոդերասան, մոդել, գործադիր պրոդյուսեր, կինոպրոդյուսեր, հեռուստատեսային դերասան և դերասան
Կարիերա՝	2001- մինչ մեր օրերը
Պարգևներ՝	Բրիտանական անկախ կինոմրցանակ բրիտանական անկախ ֆիլմում տղամարդու լավագույն դերակատարման համար և Բրիտանական կինոյի և հեռուստատեսային արվեստի ակադեմիայի «Ծագող աստղ» մրցանակ
IMDb։	ID 0362766
http://tomhardy.org/

Կենսագրություն

Թոմ Հարդին ծնվել է 1977 թվականի սեպտեմբերի 15-ին Հեմերսմիթում^[4]։ Եղել է ընտանիքի միակ զավակը և հասակ է առել Լոնդոնում։ Մայրը՝ Էննը, ունեցել է իռլանդական արմատներ և եղել է նկարիչ, իսկ հայրը՝ Էդուարդ Հարդին, գրել է կատակերգություններ^[5][6][7]։ Թոմ Հարդին սովորել է «Ռիդս» և «Թաուեր Հաուս» դպրոցներում, Ռիչմոնդի թատերական դպրոցում, ինչից հետո ընդունվել է Drama Centre London: Իր կարիերայի սկզբում նա խաղացել է ռազմական դրամաներում՝ կատարելով ԱՄՆ բանակի շարքային Ջոն Յանովեչի դերը «Զենքի եղբայրներ» (2001) սերիալում։ 2001 թվականին Հարդին նկարահանվել է Ռիդլի Սքոթի «Սև ճուռակ» ֆիլմում:2013 թվականին նա խաղացել է «Սուր հովարներ» ֆիլմում, իսկ 2015 թվականին նա խաղացել է «Լեգենդ» ֆիլմում։

Գործունեություն

2002 թվականին Հարդին հանդես է եկել «Dot the i» անկախ կինոնկարում, որտեղ նրա գործընկերն էր Գաել Գարսիա Բեռնալը։ Դրանից հետո տեղափոխվել է Հյուսիսային Աֆրիկա և նկարահանվել «Սայմոն․ Անգլիական լեգիոներ» ֆիլմում (2002)։ Նույն թվականին խաղացել է իր առաջին նշանակալի դերը՝ «Star Trek: Retribution» ֆիլմում՝ հանդես գալով պրետոր Շինզոնի դերում։ Վերադառնալով Անգլիա՝ նկարահանվել է «LD50․ Մահաբեր չափաբաժին» ֆիլմում (2003)։

2003 թվականին Հարդին արժանացել է «London Evening Standard Theatre Award» թատերական մրցանակի՝ Court Theatre և Hampstead Theatre թատրոնների կողմից բեմադրված «Blood» և «In Arabia», «We’d All Be Kings» պիեսների ներկայացումներում ունեցած բացառիկ դեբյուտի համար։ Հաջորդ տարի առաջադրվել է նաև Լոուրենս Օլիվյեի անվան մրցանակին՝ 2003 թվականի ամենահեռանկարային դեբյուտի համար «In Arabia, We’d All Be Kings» բեմականացումում։

Հարդին 2005 թվականին հայտնվել է BBC հեռուստաալիքի «Կույս թագուհին» սերիալում՝ կատարելով Եղիսաբեթ I-ի մանկության ընկեր Ռոբերտ Դադլիի դերը։ Սերիալում նրանց հարաբերությունները պատկերվում են որպես պլատոնական, միաժամանակ շատ ռոմանտիկ։ Հարդին խաղացել է Ջոն Ֆլեմինգի դերը «A for Andromeda» (2006) ֆիլմում, որը հիմնված է Ֆել Ռիչարդի՝ 1960-ական թվականների նույնանուն գիտաֆանտաստիկ սերիալի վրա։

Թոմ Հարդին «Լրտես, դուրս եկ» ֆիլմի լոնդոնյան պրեմիերային, 2011 թվականի սեպտեմբեր

2007 թվականին նկարահանվել է իրական դեպքերի վրա հիմնված «Ստյուարտ. Նախկին կյանք» հեռուստադրամայում։ Հարդին կատարել է գլխավոր հերոսի՝ անօթևան Ստյուարտ Շորտերայի դերը, որին տարիներ շարունակ ծաղրում էին, և որի մահը կարող էր ինքնասպանություն լինել։ 2008 թվականին հայտնվել է Գայ Ռիչիի «Ռոքնռոլլա» գանգստերային կատակերգությունում, որտեղ խաղացել է գեյ հանցագործի՝ Գեղեցիկ Բոբի դերը։ Վերջինս «Վայրի բանդա» հանցախմբի անդամներից մեկն էր։

2009 թվականի սկզբին Հարդին նկարահանվել է «Բրոնսոն» ֆիլմում։ Այն պատմում է բանտարկյալ Չարլզ Բրոնսոնի մասին, որն իր հասուն կյանքի մեծ մասն անցկացրել է միայնակ կալանքի մեջ։ Ֆիլմի համար նա ձեռք է բերել 19 կիլոգրամ մկանային զանգված^[8]։

Նույն թվականի հունիսին Հարդին նկարահանվել է «Գնում» (անգլ.՝ The Take) հեռուստասերիալում՝ խաղալով գանգստեր Ֆրեդդիի դերը, որը գործ ուներ թմրամիջոցների և ալկոհոլի հետ։ Դերի համար ներկայացվել է Crime Thriller Awards մրցանակի՝ 2009 թվականի «Լավագույն դերասան» անվանակարգում^[9]։

2009 թվականի օգոստոսին Հարդին հայտնվել է Էմիլի Բրոնտեի «Մոլեգին հողմերի դարավանդ» վեպի Էկրանավորման մեջ՝ կատարելով Հիթքլիֆի՝ սիրո դասական խորհրդանիշի դերը, որը սիրահարվում է իր մանկության ընկերուհի Քեթրինին (Շարլոտա Ռայլին)։ The Sun թաբլոիդում նա նույնիսկ գրել է, որ ֆիլմի նկարահանումից հետո նրանք սկսեցին հանդիպել, ինչի համար նա լքեց իր կնոջը և փոքրիկ որդուն։ Ռայլին հարցազրույցի ժամանակ հերքել է այդ լուրը^[10]։

2010 թվականի սկզբին Հարդին Չիկագոյի Գուդման թատրոնում խաղացել է Ֆիլիպ Սեյմուր Հոֆմանի «The Long Red Road» ներկայացման մեջ, որը հիմնված էր Բրեթի Սի Լեոնարդի պիեսի վրա^[11]։ Հարբեցող Սեմի դերակատարման համար Հարդին արժանացել է քննադատների դրական արձագանքներին^[12][13]։

Քրիստոֆեր Նոլանի «Սկիզբ» (2010) գիտաֆանտաստիկ ֆիլմում Հարդին խաղացել է գլխավոր հերոսներից Իմսի դերը։

«Մարտիկ» (2011) Հարդին խաղացել է գլխավոր հերոսի՝ Պեդի Կոնլոնի (Նիկ Նոլթի) որդու կերպարը^[14]։

2012 թվականին նկարահանվել է Քրիստոֆեր Նոլանի եռագրության վերջին մասում՝ «Խավարի ասպետը։ Լեգենդի վերածնունդը» ֆիլմում՝ կատարելով չարագործ Բեյնի դերը։

2014 թվականին թողարկվել է Հարդիի գլխավոր դերակատարմամբ 2 ֆիլմ՝ «Լոկ» և «The Drop»: Նույն թվականի դեկտեմբերին դերասանը ստացել է Ռիկ Ֆլագի դերը «Ինքնասպանների ջոկատ» ֆիլմում, սակայն 2015 թվականի սկզբին լքել է նախագիծը^[15]։

2015 թվականին Հարդին հանդես է եկել «Երեխա-44», «Խելագար Մաքս․ զայրույթի ճանապարհը», «Լեգենդ» և «Փրկվածը» ֆիլմերում, իսկ 2017 թվականի սկզբին՝ «Տաբու» դրամատիկական հեռուստասերիալում։

Դերասանը էպիզոդիկ դեր է կատարել «Աստղային պատերազմներ» ֆիլմի ութերորդ մասում^[16]։

2017-ի մայիսին հայտարարվել է, որ Marvel Comics կոմիքսների վրա հիմնված «Վենոմ» ֆիլմում Հարդին կխաղա Էդի Բրոքի/Վենոմի դերը^[17][18]։ Նկարահանումները սկսվել են 2017 թվականի հոկտեմբերի 27-ին Ատլանտաում և Նյու Յորքում^[19]։ «Վենոմը» մեծ էկրաններին հայտնվել է 2018 թվականի հոկտեմբերի 5-ին Հյուսիսային Ամերիկայում^[20], իսկ Ռուսաստանում պրեմիերան կայացել է 2018 թվականի հոկտեմբերի 4-ին^[21]։

Անձնական կյանք

1994 թվականից մինչև 2004 թվականը Հարդին ամուսնացած էր պրոդյուսեր Սառա Ուորդի հետ^[22]։ 2005-2009 թվականներին հարաբերություններ է ունեցել Ռեյչալդ Սպիդի հետ, ունեն որդի՝ Լուի անունով (ծնված 2008 թվականին)^[23]։

«Մոլեգին հողմերի դարավանդ» մինի-սերիալի նկարահանման ժամանակ նա հանդիպել է Շարլոտա Ռայլին։ 2014 թվականի հուլիսին նրանք ամուսնացել են^[24], ունեն 2 երեխա^[22][25]։

Հարդին ունեցել է հակում ալկոհոլի և թմրանյութերի նկատմամբ, սակայն դրանցից ազատվել է 2003 թվականին^[26]։

Ֆիլմագրություն

Դերասան

Տարի		Հայերեն անվանում	Բնօրինակ անվանում	Դեր
2001	ս	«Զենքի եղբայրներ»	Band of Brothers	շարքային Ջոն Յանեովիչ
2001	ֆ	«Սև բազե»	Black Hawk Down	մասնագետ Լենս Թվոմբլի
2002	ֆ	«Սայմոն․ Անգլիական լեգիոներ»	Simon: An English Legionnaire	Պասկալ Դյուպն
2002	ֆ		Dot the I	Թոմ
2002	ֆ		Star Trek: Nemesis	Շինզոն
2003	ֆ	«LD50. Մահացու չափաբաժին»	LD 50 Lethal Dose	Մեթ
2003	ֆ	«Վճարման օր»	The Reckoning	Սթրոու
2004	ֆ	«Էլեկտրամագնիսական ճառագայթում»	EMR	Հենրի
2004	ֆ	«Շերտավոր տորթ»	Layer Cake	Կլարկի
2005	հֆ	«Փախուստ Կոլդից ամրոցից»	Colditz	երկրորդ լեյտենանտ Ջեք Ռոուզ
2005	հֆ	«Գիդեոնի աղջիկը»	Gideon's Daughter	Էնդրյու
2005	ս	«Կույս թագուհի»	The Virgin Queen	Ռոբերտ Դադլի
2006	հֆ	«Սունի Թոդ»	Sweeney Todd	Մեթյու
2006	ֆ	«Մինոտաուր»	Minotaur	Թեո
2006	հֆ	«Անդրոմեդայի համար»	A for Andromeda	Ջոն Ֆլեմինգ
2006	ֆ	«Մարիա-Անտուանետա»	Marie Antoinette	Ռամոն
2006	ֆ	«Սեռական բնույթի տեսարաններ»	Scenes of a Sexual Nature	Նոել
2007	ֆ	«Ջրհեղեղ»	Flood	Զակ
2007	ֆ	«Խոշտանգումների խցիկ»	w Delta z	Պիեր Ջեքսոն
2007	ֆ	«Ժառանգություն»	The Inheritance	հայր
2007	ս	«Մեդոուլենդ»	Cape Wrath	Ջեք Դոնելլի
2007	հֆ	«Ստյուարտ. Նախկին կյանք»	Stuart: A Life Backwards	Ստյուարտ Շորտեր
2007	հֆ	«Օլիվեր Թվիստ»	Oliver Twist	Բիլ Սայքս
2008	ֆ	«Բրոնսոն»	Bronson	Չարլզ Բրոնսոն
2008	ֆ	«Արգելված հարված»	Sucker Punch	Ռոդերս
2008	ֆ	«Գողի օրենսգիրք»	The Code	Մայքլզ
2008	ֆ	«Ռոքնռոլլա»	RocknRolla	գեղեցիկ Բոբ
2009	հֆ	«Մոլեգին հողմերի դարավանդ»	Wuthering Heights	Հիթքլիֆ
2009	ս	«Գնում»	The Take	Ֆրեդի Ջեքսոն
2010	ֆ	«Սկիզբ»	Inception	միստեր Իմս
2011	ֆ	«Լրտես, դուրս եկ»	Tinker, Tailor, Soldier, Spy	Ռիքի Տար
2011	ֆ	«Մարտիկ»	Warrior	Թոմ Կոնլոն
2012	ֆ	«Ուրեմն պատերազմ»	This Means War	Դյուկ
2012	ֆ	«Խավարի ասպետը։ Լեգենդի վերածնունդը»	The Dark Knight Rises	Բեյն
2012	ֆ	«Աշխարհի առավել հարբած շրջանը»	Lawless	Ֆորեսթ Բոնդուրանտ
2014	ֆ	«Լոկ»	Locke	Այվեն Լոկ
2014	ֆ		The Drop	Բոբ Սագինովսկի
2014-2019	ս	«Սուր հովարներ»	Peaky Blinders	Ալֆի Սոլմոնս
2015	ֆ	«Երեխա-44»	Child 44	Լև Դեմիդով
2015	ֆ	«Խելագար Մաքս․ զայրույթի ճանապարհը»	Mad Max: Fury Road	Մաքս Ռոկատանսկի
2015	ֆ	«Լեգենդ»	Legend	Ռոնալդ Քրեյ, Ռեջինալդ Քրեյ
2015	ֆ	«Փրկվածը»	The Revenant	Ջոն Ֆիցջերալդ
2017-մ.օ.	ս	«Տաբու»	Taboo	Ջեյմս Կեզայա Դելեյնի[27]
2017	ֆ	«Դյունկեր»	Dunkirk	Ֆարիեր
2017	ֆ	«Աստղային պատերազմներ. Վերջին ջեդայներ»	Star Wars: The Last Jedi	Հրաձիգ
2018	ֆ	«Վենոմ»	Venom	Էդդի Բրոք/ Վենոմ
2020	ֆ	«Ֆոնզո»	Fonzo	Ալ Կապոնե
2020	ֆ	«Վենոմ 2»	Venom 2	Էդդի Բրոք/ Վենոմ

Սցենարիստ

Տարի	Հայերեն անվանում	Բնօրինակ անվանում
2017	«Տաբու»	Taboo

Պրոդյուսեր

Տարի	Հայերեն անվանում	Բնօրինակ անվանում
2013	«Որսագողության պատերազմներ»	Poaching Wars
2015	«Լեգենդ»	Legend
2017	«Ավար»	Trophy
2017	«Տաբու»	Taboo

Մրցանակներ և անվանակարգեր

• 2018 - Բրիտանական կայսրության շքանշան արվեստի մեջ ունեցած ավանդի համար
• 2011 - BAFTA մրցանակ՝ ծագող աստղ
• 2009 - Բրիտանական անկախ կինոյի մրցանակ՝ լավագույն դերասան, «Բրոնսոն» ֆիլմի համար

Անվանակարգեր

• 2016 - «Օսկար»՝ երկրորդ պլանի տղամարդու լավագույն դեր «Փրկվածը» ֆիլմում
• 2014 - Եվրոպական կինոակադեմիայի մրցանակ՝ լավագույն դերասան «Լոկ» ֆիլմում
• 2013 - MTV Movie Awards՝ լավագույն չարագործ և լավագույն կռիվ «Խավարի ասպետը։ Լեգենդի վերածնունդը» ֆիլմում
• 2012 - MTV Movie Awards՝ լավագույն կռիվ «Մարտիկ» ֆիլմում
• 2011 - «Սատուրն» մրցանակ՝ երկրորդ պլանի լավագույն դերասան «Սկիզբ» ֆիլմում
• 2008 - BAFTA մրցանակ հեռուստատեսության ոլորտում՝ լավագույն դեր «Ստյուարտ. Նախկին կյանք» ֆիլմում

Թատերական մրցանակներ

• 2004 - Լորենս Օլիվյեի մրցանակ՝ «Լավագույն նոր դեմք» անվանակարգ «Արաբիայում մենք թագավորներ կլինեինք» պիեսի համար

Ծանոթագրություններ

1. Augustyn A. Encyclopædia Britannica
2. filmportal.de — 2005.
3. GeneaStar
4. «An Interview with Tom Hardy» (անգլերեն). movies.ign.com. Արխիվացված օրիգինալից 2012 թ․ մայիսի 3-ին. Վերցված է 2010 թ․ հուլիսի 21-ին.
5. «A tough life for Bronson actor Tom Hardy» (անգլերեն). entertainment.timesonline.co.uk. Արխիվացված է օրիգինալից 2009-05-07-ին. Վերցված է 2010 թ․ հուլիսի 21-ին.
6. «Tom Hardy: the rake's progress» (անգլերեն). guardian.co.uk. Արխիվացված օրիգինալից 2012 թ․ մայիսի 3-ին. Վերցված է 2010 թ․ հուլիսի 21-ին.
7. «Article: hardy perennial» (անգլերեն). highbeam.com. Արխիվացված է օրիգինալից 2012 թ․ մայիսի 3-ին. Վերցված է 2010 թ․ հուլիսի 21-ին.
8. «Actors Who've Gone Big». Empire. Bauer Consumer Media. Արխիվացված օրիգինալից 2012 թ․ մայիսի 3-ին. Վերցված է 21 июля 2010-ին.
9. Allen, Kate. «Coben, Cole, Atkinson vie for crime awards». The Bookseller. Արխիվացված է օրիգինալից 2009 թ․ սեպտեմբերի 10-ին. Վերցված է 21 июля 2010-ին.
10. Wigg, David. «Heathcliff and Cathy reach such passionate Heights in ITV adaptation - is it for real?». Daily Mail. Великобритания: Associated Newspapers Ltd. Վերցված է 21 июля 2010-ին.
11. Jones, Kenneth. «Tom Hardy Journeys Goodman's Long Red Road, a World Premiere, Starting Feb. 13». Playbill Web site. Արխիվացված է օրիգինալից 2012 թ․ մայիսի 3-ին. Վերցված է 21 июля 2010-ին.
12. Potempa, Phillip. «OFFBEAT: Goodman Theatre's 'The Long Red Road' is brilliant masterpiece». nwi.com. Արխիվացված օրիգինալից 2012 թ․ մայիսի 3-ին. Վերցված է 21 июля 2010-ին.
13. Hieggelke, Brian. «Review: The Long Red Road/Goodman Theatre». Newcity Stage. Արխիվացված օրիգինալից 2012 թ․ մայիսի 3-ին. Վերցված է 21 июля 2010-ին.
14. «Plot Summary for Warrior» (անգլերեն). IMDB.com. Արխիվացված օրիգինալից 2012 թ․ մայիսի 3-ին. Վերցված է 2010 թ․ հուլիսի 21-ին.
15. Tom Hardy Drops Out of 'Suicide Squad' (Exclusive)
16. «Том Харди снимется в восьмых «Звездных войнах»». Lenta.ru. Վերցված է 2016 թ․ մայիսի 11-ին.
17. «Venom & Black Cat Movies Will Be 'Adjuncts' to the MCU's Spider-Man». 2017 թ․ հունիսի 18.
18. Kroll, Justin (2016 թ․ հոկտեմբերի 10). «Tom Hardy to Star in 'Spider-Man' Movie 'Venom,' Ruben Fleischer to Direct». Variety.
19. Marc, Christopher (2017 թ․ սեպտեմբերի 9). «UPDATE: 'Venom' Production Start Delayed Until Late October». Omega Underground. Արխիվացված է օրիգինալից 2017 թ․ սեպտեմբերի 10-ին. Վերցված է 2017 թ․ սեպտեմբերի 10-ին.
20. «Feature Film Releases». Variety Insight. Վերցված է 2018 թ․ փետրվարի 10-ին.
21. Walt Disney Studios Sony Pictures Realising (2017 թ․ մայիսի 21). «Том Харди сыграл роль Эдди Брока в фильме "Веном"». wdsspr.ru. Արխիվացված է օրիգինալից 2017 թ․ հունիսի 5-ին. Վերցված է 2017 թ․ հունիսի 2-ին.
22. Bacardi, Francesca (2015 թ․ հոկտեմբերի 22). «Tom Hardy and Wife Charlotte Riley Welcome First Child Together». E! News (անգլերեն).
23. Davies, Serena (2009 թ․ հունիսի 11). «Interview: Tom Hardy, from East End gangster to romantic hero». The Telegraph (անգլերեն).
24. Smith, Lauren (2014 թ․ սեպտեմբերի 22). «Tom Hardy got married in secret - two months ago». Glamour (անգլերեն).
25. Schnurr, Samantha (2019 թ․ հունվարի 12). «Tom Hardy and Charlotte Riley Welcome Baby No. 2». E! News (անգլերեն).
26. McLean, G. «'I want adulation'». The Guardian. Англия. էջ 13. Վերցված է 2010 թ․ հուլիսի 21-ին. {{cite news}}: Unknown parameter |= ignored (օգնություն)
27. Том Харди сыграет жулика в сериале по рассказу своего отца

Վիքիպահեստն ունի նյութեր, որոնք վերաբերում են «Թոմ Հարդի» հոդվածին։