Ռոջեր Բոմպաս

Ռոջեր Բոմպաս (անգլ.՝ Rodger Bumpass, նոյեմբերի 20, 1951(1951-11-20)^[1], Լիթլ Ռոք, ԱՄՆ), ամերիկացի հնչյունավորման դերասան, կոմիկ, սթենդ ափ կոմիկ, դերասան, երգիչ։ Առավել հայտնի է «Սպունգ Բոբ Քառակուսի Տաբատ» մուլտսերիալի Սքուիդվարդ Տենտակլես հերոսի հնչյունավորմամբ։

Ռոջեր Բոմպաս անգլ.՝ Rodger Bumpass
Ծնվել է	նոյեմբերի 20, 1951(1951-11-20)[1] (72 տարեկան)
Ծննդավայր	Լիթլ Ռոք, ԱՄՆ
Քաղաքացիություն	ԱՄՆ
Մայրենի լեզու	անգլերեն
Կրթություն	Arkansas State University? և Little Rock Central High School?
Երկեր	Սպունգ Բոբ Քառակուսի Տաբատ
Մասնագիտություն	հնչյունավորող, կատակերգու, դերասան և երգիչ
Rodger Bumpass Վիքիպահեստում

Վաղ տարիներ

Ռոջեր Բամպասը ծնվել է Լիթլ Ռոքում՝ Արիզոնա նահանգում։ Սովորել է Լիթլ Ռոքի Կենտրոնական միջին դպրոցում, որտեղ ստացել է իր առաջին թատերական կրթությունը։ Արկանզաս նահանգի համալսարանում սովորել է ռադիո և հեռուստատեսություն մասնագիտությամբ, նաև թատերական ֆակուլտետում։ Աշխատել է համալսարանական ավանի ռադիոկայանում, KAIT-TV հեռուստակայանում, որը պատկանում էր Raycom Media-ին և ABC-ին․ այստեղ ունեցել է մի քանի պարտականություն՝ հաղորդավարի, կինոռեժիսորի, օպերատորի, աուդիոտեխնիկի և տեխնիկական ռեժիսորի^[2]։ KAIT-ում գտնվելու ընթացքում նաև գրել է, եղել է «Mid-Century Nonsense Festival Featuring Kumquat Theater» կատակերգական նախագծի պրոդյուսերը և կատարողը^[3]։ Համալսարանն ավարտել է 1976 թվականին, այդ ժամանակ նրա պրոֆեսորներից մեկը խորհուրդ է տվել զբաղվել պրոֆեսիոնալ թատրոնով, նա Նյու Յորք է մեկնել 1977 թվականի հունիսին^[2]։

Կարիերա

1977 թվականին դեր է ստացել երաժշտական և կատակերգական «Դա զվարճալի չէ, դա ցավալի է» ռեալիթի շոուում և նրա հետ հյուրախաղերի է մեկնել մինչև 1978 թվականը։ Նույն թվականին մասնակցել է HBO-ի համար «Disco Beaver from Outer Space» հեռուստաշոուում։ 1979 թվականին Բոմպասը գլխավոր դեր է խաղացել «Jaws 3, People 0» ֆիլմում, որտեղ սիրային տեսարան ուներ Բո Դերեկի հետ։ Սակայն ֆիլմը չեղարկվել է «Ծնոտներ» ֆիլմի ստեղծողների առարկության պատճառով^[2]։ 1980 թվականին Բոմպասը ստեղծել է Ֆորտման անունով կերպարը, որը հայտնվել է «National Lampoon White Album» ձայնասկավառակի վրա, որն էլ հետագայում ոգեշնչել է Հովարդ Սթենի կերպարին^[4]։

Բոմպասը առավել հայտնի է Սքուիդվարդ Տենտակլեսի և Nickelodeon-ի «Սպունգ Բոբ Քառակուսի Տաբատ» մուլտսերիալի տարբեր կերպարների հնչյունավորմամբ^[5]։ 2012 թվականին Բոմպասը ստացել է «Էմմի» ցերեկային մրցանակի անվանակարգ՝ Սքուիդվարի կերպարի համար^[6]։ Նա նաև հայտնի է այն բանով, որ հնչյունավորել է «Առյուծ արքա» մուլտֆիլմի բորենուն, «Ձմեռների զավթիչ»-ի պրոֆեսոր Մեմբրանին և «Երիտասարդ տիտաններ»-ի բժիշկ Լեյթին^[2]։ Բոմպասը նաև նկարահանվել է 1960-ական թվականների ֆիլմերում, հայտնվել է նաև բեմում 1970-ական թվականներից մինչև 1980-ական թվականների վերջ^[2][7]։ IMDb տվյալներով՝ Բոմպասը ավելի քան 693 նախագծի հեղինակ է։

Անձնական կյանք

2019 թվականի հուլիսի 27-ին Բոմպասը ամուսնացել է Անժելա Վան Զանդի հետ, որի հետ հարաբերություններ է ունեցել ավելի քան 50 տարի^[8][9]։

Ծանոթագրություններ

1. GeneaStar
2. Rodger Bumpass (1951-)
3. «Reports of Death of Squidward's "Voice" Premature». Արխիվացված է օրիգինալից 2007 թ․ սեպտեմբերի 27-ին. Վերցված է 2020 թ․ դեկտեմբերի 25-ին.
4. Who Cut the Cheese?: A Cultural History of the Fart
5. Television Q&A
6. «The 39th Annual Daytime Entertainment Emmy® Award Nominations». Արխիվացված է օրիգինալից (PDF) 2013 թ․ հոկտեմբերի 10-ին. Վերցված է 2021 թ․ հունիսի 23-ին.
7. Low Moan Farce Almost Nimble Bumbles In 'Footlight Frenzy'(չաշխատող հղում)
8. Angela VanZandt and Rodger Bumpass’s Wedding Website
9. Squidward’s Wedding | Arkansas actor in town to tie the knot

Վիքիպահեստն ունի նյութեր, որոնք վերաբերում են «Ռոջեր Բոմպաս» հոդվածին։