Չոռնիե Զեմլի արգելոց
From Wikipedia, the free encyclopedia
From Wikipedia, the free encyclopedia
Չոռնիե Զեմլի արգելոց ( ռուս.՝ заповедник Чёрные земли. ռուսերենից թարգմանած՝ անվանումը նշանակում է «Սև հողեր»), արգելոց Ռուսաստանի Դաշնությունում՝ Կասպից ծովից դեպի հյուսիս - արեւմուտք։ Արգելոցի հիմնական մասը գտնվում է Մերձկասպյան իջվածքում։ Ստեղծվել է 1990 թվականին։ Սկզբնապես նպատակ էր դրվել արգելոցի հիմնադրմամբ նպաստել սայգա այծքաղի (Saiga tatarica) վտանգված պոպուլյացիայի պաշտպանությանը։ Բանն այն է, որ այդ ժամանակ Կալմիկիայի տնտեսությունը փլուզվել էր, և սայգաների թիվը աղետալի չափերով նվազել էր որսագողության ու ընտանի կենդանիների գերարածեցման հետևանքով առաջացած անապատացման պատճառով (որսագողերին գրավում էին սայգաների միսը և չինական բժշկության մեջ օգտագործվելու պատճառով մեծ պահանջարկ ունեցող եղջյուրները)։ Արգելոցում կան նաև թշշան կարապների, արոսների, մրտիմների, կռնչան ու գորշ բադերի և հազվագյուտ հավալուսնի գաղութներ։ Արգելոցը գտնվում է Կալմիկիայի Հանրապետության Չեռնոզեմելսկի շրջանում։ Այն ընդհանուր առմամբ 1219 կմ² տարածք է ընդգրկում իր երկու տեղամասում, որոնց կցված է 900 կմ² բուֆերային գոտի.[2][3]
Չոռնիե Զեմլի արգելոց | |
---|---|
Տեսակ | բնության հատուկ պահպանվող տարածք և Ռուսաստանի հատուկ պաշտպանվող տարածք |
Երկիր | Ռուսաստան[1] |
Մակերես | 1219 կմ² |
Ձևավորում | 1990 |
1993 թվականից մինչև 2021 թվականը Չոռնի Զեմլիի արգելոցը համարվել է ՅՈՒՆԵՍԿՕ-ի կենսոլորտային արգելոցներից մեկը[4]։
Չոռնիե Զեմլին գտնվում է Կասպյան ցածրադիր անապատային էկոտարածաշրջանի մեջտեղում, տարածաշրջան, որ ընդգրկում է Կասպից ծովի հյուսիսային և հարավ-արևելյան ափերը՝ ներառյալ Վոլգա և Ուրալ գետերի դելտաները հյուսիսային մասում։ Չնայած տեղումները համեմատաբար քիչ են (տարեկան 200 միլիմետրից պակաս), վայրի բնությանը սատարում են գետային համակարգերն ու հենց ծովը[5]։
Չոռնիե Զեմլիի կլիման զով կիսաչորային է ( Կյոպպենի կլիմայի դասակարգում BSk): Այս կլիման բնութագրվում է ջերմաստիճանի ինչպես օրական, այնպես էլ սեզոնային մեծ տատանումներով, տեղումների սակավությամբ[6][7]։
Արգելոցի վարչակազմի շենքում, որը գտնվում է Կոմսոմոլսկի ավանում, գործում է թանգարան, ուր տեղ են գտել արգելոցի տարածքում հայտնաբերված և ընդհանուր կամ մասնագիտական հետաքրքրություն ներկայացնող նյութեր։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.