Ուիլյամ Բրիմներ

Ուիլյամ Բրիմներ (անգլ.՝ William Brymner, դեկտեմբերի 14, 1855(1855-12-14)^[1][2], Գրինոկ, Greenock, Ռենֆրեյշիր, Շոտլանդիա, Մեծ Բրիտանիայի և Իռլանդիայի միացյալ թագավորություն - հունիսի 18, 1925(1925-06-18)^[1], Ուոլոսի, Մերսիսայդ, Անգլիա, Միացյալ Թագավորություն, Սբ. Միքաելի և Սբ. Գևորգի շքանշանակիր), շոտլանդական ծագմամբ կանադացի նկարիչ, մանկավարժ։

Ուիլյամ Բրիմներ անգլ.՝ William Brymner
Ծնվել է	դեկտեմբերի 14, 1855(1855-12-14)[1][2]
Ծննդավայր	Գրինոկ, Greenock, Ռենֆրեյշիր, Շոտլանդիա, Մեծ Բրիտանիայի և Իռլանդիայի միացյալ թագավորություն
Վախճանվել է	հունիսի 18, 1925(1925-06-18)[1] (69 տարեկան)
Մահվան վայր	Ուոլոսի, Մերսիսայդ, Անգլիա, Միացյալ Թագավորություն
Քաղաքացիություն	Մեծ Բրիտանիայի և Իռլանդիայի միացյալ թագավորություն
Կրթություն	Ժյուլիանի ակադեմիա
Մասնագիտություն	նկարիչ և նկարչության ուսուցիչ
Ոճ	իմպրեսիոնիզմ
Թեմաներ	գեղանկարչություն
Ուսուցիչ	Ուիլյամ Բուգրո
Աշակերտներ	Չարլզ Ուոլթեր Սիմփսոն, Alice Nolin? և Claire Fauteux?
Պարգևներ
Հայր	Դուգլաս Բրիմներ
William Brymner Վիքիպահեստում

Կենսագրություն

Ուիլյամ Բրիմները ծնվել է 1855 թվականին Գրինոկում` կանադացի քաղաքական գործիչ, լրագրող, քաղաքացիական ծառայող և արխիվարիուս Դուգլաս Բրիմների և Ջին Թոմփսոնի ընտանիքում։ 1857 թվականին ընտանիքի հետ միասին տեղափոխվել է Մելբուրն, Ներքին Կանադա, 1864 թվականին նրա ընտանիքը տեղափոխվել է Մոնրեալ։ 1878 թվականին սովորել է Փարիզի Ժյուլիանի ակադեմիայում, որտեղ նրան դասավանդել են Ուիլյամ Բուգրոն և Թոնի Ռոբեր Ֆլյորին^[3], որոնք երկուսն էլ նատուրալիզմի մեծ վարպետներ էին։ Այս ժամանակահատվածում Բրիմները հետաքրքրվել է Ժան-Լուի Էռնեստ Մեյսոնիեի աշխատանքներով^[3]։

Բրիմները մասնագիտացել է ֆիգուրներով տեսարաններ ստեղծելով` խուսափելով պատմական թեմաներից։ 1898 թվականին ստեղծված «Ընթերցող երկու աղջիկները» կտավը պատկերում է «լույսի զգայուն կիրառումը և պարզ շեշտադրական կոմպոզիցիայի ուժի ընկալումը»<sup>[3]</sup>։ 1886 թվականին Բրիմները հաստատվել է Մոնրեալում` Փարիզում շուրջ 7 տարի անցկացնելուց հետո^[3]։ Փարիզից հեռանալուց երկու տարի առաջ Յորքշայրում ավարտել է «Ծաղկեպսակ» գործը։

Գեղարվեստական աշխատանքից բացի, Վիլյամ Բրիմները զբաղվել է մանկավարժական գործունեությամբ։ Նրա աշակերտներից են եղել «Բիվեր Հոլ» խմբի շատ անդամներ։ 1886-1921 թթ. Բրիմները եղել է Մոնրեալի գեղարվեստի ինստիտուտի տնօրեն։ 1883 թվականին դարձել է Կանադայի գեղարվեստի թագավորական ակադեմիայի թղթակից անդամ, փոխնախագահ` 1907 թվականից, նախագահ` 1909-1917 թթ.:

Բրիմների աշխատանքները ցուցադրվել են Մոնրեալի Վալենտին պատկերասրահում^[4]

Մահացել է 1925 թվականի հունիսի 18-ին Ուոլոսիում, Անգլիա։

Պարգևներ

1916 թվականին արժանացել է Սուրբ Միքաելի և Սուրբ Գևորգի շքանշանի։

Պատկերասրահ

• 
  «Բոնսեկուրի եկեղեցին ու շուկան», 1913
• 
  «Այգում (Գարուն), 1892», Կանադայի ազգային պատկերասրահ
• 
  Ile aux Coudres, c. 1900, Կանադայի ազգային պատկերասրահ
• 
  «Լուիզբուրգի մոտ, Քեյփ Բրետոն, մոտ. 1904-1914», Կանադայի ազգային պատկերասրահ
• 
  «Երեկո, 1907», Կանադայի ազգային պատկերասրահ
• 
  ԵՐիտասարդ Լեյդի, մոտ. 1910», Կանադայի ազգային պատկերասրահ

Ծանոթագրություններ

1. Jansma L. Brymner, William // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T011934
2. Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
3. Reid, Dennis (1988). A Concise History Of Canadian Painting: Second Edition. Toronto: Oxford University Press. էջեր 94–95. ISBN 0-19-540663-X.
4. Vie des arts, printemps 1963, n°30, p.40, "Galerie L'Art français, 370 ouest, rue Laurier: Brymner" http://www.erudit.org/feuilletage/index.html?va1081917.va1205271@56 Արխիվացված 2014-04-26 Wayback Machine

Աղբյուրներ

• Reid, Dennis (1988). A Concise History Of Canadian Painting: Second Edition. Toronto: Oxford University Press. էջեր 94–95. ISBN 0-19-540663-X.
• Newlands, Anne (2000). Canadian Art: From Its Beginnings To 2000. Firefly Books Ltd. էջեր 57. ISBN 978-1-55209-450-1.
• Harper, J. Russell (1977). Painting in Canada: a history. University of Toronto Press. էջեր 209–211. ISBN 0-8020-6307-1.

Վիքիպահեստն ունի նյութեր, որոնք վերաբերում են «Ուիլյամ Բրիմներ» հոդվածին։