Միջազգային տնտեսագիտություն

Միջազգային տնտեսագիտություն (անգլ.՝ International economics), ուսումնասիրում է տարբեր պետությունների տնտեսվարող սուբյեկտների փոխգործակցության օրինաչափությունները ապրանքների, ծառայությունների, աշխատանքի, կապիտալի և արտադրության այլ գործոնների միջազգային փոխանակման ոլորտում։

Միջազգային տնտեսագիտություն առարկան

Միջազգային տնտեսության առարկան տնտեսական հարաբերություններն են, որոնք զարգանում են նրա սուբյեկտների միջև առևտրի, արտադրության, ներդրումային, դրամավարկային և ֆինանսական գործունեության հետ կապված։

Միջազգային տնտեսագիտությունը ուսումնասիրում է արտադրական ռեսուրսների և սպառողների նախասիրությունների միջազգային տարբերությունների, ինչպես նաև դրանց վրա ազդող միջազգային ինստիտուտների ազդեցությունը տնտեսական գործունեության վրա։ Այն փորձում է բացատրել տարբեր երկրների ռեզիդենտների միջև գործարքների և փոխազդեցությունների ձևերն ու հետևանքները, ներառյալ առևտուրը, ներդրումները և գործարքները^[1]։

Միջազգային տնտեսագիտության ուսումնասիրության օբյեկտը

Միջազգային տնտեսագիտության ուսումնասիրության օբյեկտը համաշխարհային տնտեսությունն է։

Համաշխարհային տնտեսությունը աշխատանքի միջազգային բաժանմանը մասնակցող և միջազգային տնտեսական հարաբերությունների համակարգով միացած առանձին երկրների ամբողջություն է։

Միջազգային առևտրում շրջանառվող ապրանքներն ու ծառայությունները նույնպես հանդես են գալիս որպես միջազգային տնտեսագիտության օբյեկտ։ Միջազգային տնտեսությունում ապրանքների և ծառայությունների փոխանակումը բնութագրվում է մեծ ծավալներով, տեսականու լայնությամբ, որակի տարբերակմամբ։

Միջազգային տնտեսագիտություն դասընթացի կառուցվածքը

Միջազգային տնտեսագիտության տեսության դասընթացը բաղկացած է 2 մասից.

• Միջազգային միկրոտնտեսագիտությունը ուսումնասիրում է համաշխարհային շուկայի մասնակիցների վարքագծի օրինաչափությունները՝ պայմանավորված նրանց շահերով և հնարավորություններով։
• Միջազգային մակրոտնտեսագիտությունը նվիրված է վճարային հաշվեկշռի վիճակի հետ ներքին հավասարակշռության ներդաշնակեցման գործընթացների ուսումնասիրությանը.
  • Ինչպես է վճարային հաշվեկշիռը կապված հարկաբյուջետային և դրամավարկային քաղաքականության հետ
  • Ինչպես կառավարության և Կենտրոնական բանկի գործողությունները ներքին շուկան կարգավորելու համար կարող են փոխել նրա դիրքն արտաքին աշխարհում։

Միջազգային առևտուր

Ուսումնասիրում է ապրանքների և ծառայությունների հոսքերը միջազգային սահմաններով՝ ելնելով առաջարկի և պահանջարկի գործոններից, տնտեսական ինտեգրումից, միջազգային գործոնների շարժումներից և քաղաքականության փոփոխականներից, ինչպիսիք են սակագների դրույքաչափերը և առևտրային քվոտաները^[2]։

Միջազգային ֆինանսներ

Ուսումնասիրում են կապիտալի հոսքը միջազգային ֆինանսական շուկաներով և այդ շարժումների ազդեցությունը փոխարժեքի վրա^[3]։

Միջազգային արժութային տնտեսագիտությունը և միջազգային մակրոտնտեսագիտություն

Ոււսումնասիրում են փողի հոսքերը երկրների միջև և դրանց հետևանքների ազդեցությունը ընդհանուր առմամբ նրանց տնտեսությունների վրա^[4]։

Միջազգային քաղաքական տնտեսագիտություն

Ուսումնասիրում է, օրինակ, միջազգային հակամարտությունների, միջազգային բանակցությունների և միջազգային պատժամիջոցների խնդիրները և ազդեցությունները, ազգային անվտանգություն և տնտեսական ազգայնականություն, միջազգային պայմանագրերն ու պահպանում^[5]։

Տես նաև

Համաշխարհային տնտեսություն

Ծանոթագրություններ

1. «International Economics - London School of Economics and Political Science».
2. • James E. Anderson (2008). "international trade theory," The New Palgrave Dictionary of Economics, 2nd Edition.Abstract.    • Devashish Mitra, 2008. "trade policy, political economy of," The New Palgrave Dictionary of Economics, 2nd Edition. Abstract.    • A. Venables (2001), "International Trade: Economic Integration," International Encyclopedia of the Social & Behavioral Sciences, pp. 7843-7848. Abstract.
3. Maurice Obstfeld (2008). "international finance," The New Palgrave Dictionary of Economics, 2nd Edition. Abstract.
4. • Giancarlo Corsetti (2008). "new open economy macroeconomics," The New Palgrave Dictionary of Economics, 2nd Edition. Abstract.    • Reuven Glick (2008). "macroeconomic effects of international trade," The New Palgrave Dictionary of Economics, 2nd Edition. Abstract.    • Mario I. Blejer and Jacob A. Frenkel (2008). "monetary approach to the balance of payments," The New Palgrave Dictionary of Economics, 2nd Edition.    • Bennett T. McCallum (1996). International Monetary Economics. Oxford. Description.    • Maurice Obstfeld and Kenneth S. Rogoff (1996). Foundations of International Macroeconomics. MIT Press. Description. Արխիվացված 2010-08-09 Wayback Machine
5. As at the JEL classification codes, JEL: F51-F55. Links to article-abstract examples for each subclassification are at JEL Classification Codes Guide JEL:F5 links.

Վիքիպահեստն ունի նյութեր, որոնք վերաբերում են «Միջազգային տնտեսագիտություն» հոդվածին։