Կերպարվեստի թանգարան (Վրաստան)
From Wikipedia, the free encyclopedia
Վրաստանի կերպարվեստի թանգարան (վրաց.՝ ქართული სახვითი ხელოვნების მუზეუმი), մասնավոր կերպարվեստի թանգարան Թբիլիսիի Ռուսթավելու պողոտայում (Վրաստան)[1]։ Թանգարանում է գտնվում Վրաստանի «Մագտիկոմ» խոշորագույն հեռահաղորդակցական ընկերության հիմնադիրների՝ Գեորգի (Գիա) Ջոխտաբերիձեի և Մանանա Շևարդնաձեի ընտանիքի արվեստի ստեղծագործությունների մասնավոր հավաքածուն։
Կերպարվեստի թանգարան | |
|---|---|
 | |
 | |
| Տեսակ | թանգարան |
| Երկիր |  Վրաստան |
| Տեղագրություն | Թբիլիսի |
| Ղեկավարության նստավայր | Թբիլիսի, Վրաստան |
| Հիմնադրվել է | սեպտեմբերի 26, 2018 |
| Կայք | finearts.ge/en |
 | |
 | |
Գեորգի (Գիա) Ջոխտաբերիձեն և նրա կինը՝ Մանանա Շևարդնաձեն, 1990-ականներին սկսել են արվեստի ստեղծագործություններ հավաքել։ Հաջող ձեռնարկատիրական գործունեությունից հետո Ջոխտաբերիձեն սկսել է արվեստի ստեղծագործություններ գնել իր անձնական հավաքածուի համար։ Նա շուտով հասկացել է, որ եթե իր հավաքածուն տարածվի աշխարհով մեկ՝ առանց համապատասխան պահեստավորման, առանց հանրային ցուցահանդեսների, ապա այն ընդմիշտ կկորչի։ Ստեղծագործությունների մեծ մասը ստեղծվել է Խորհրդային Միության տարիներին, այդ պատճառով էլ նկարները դեռ լայն ճանաչում չունեին աշխարհում։ Ջոխտաբերիձեի մոտ գաղափար է ծնվել հավաքել, վերականգնել և պահպանել վրացական արվեստի ստեղծագործությունները։
Ի սկզբանե թանգարանի նոր շենքի կառուցում չի նախատեսվել, կոլեկցիոները պատրաստվել է բոլոր նկարները փոխանցել Վրաստանի պետական թանգարաններին։ Սակայն ԽՍՀՄ-ի փլուզման և դրան հաջորդած տնտեսական ու քաղաքացիական ցնցումների պատճառով պետական թանգարանները հայտնվել են ծանր վիճակում և չեն կարողացել ընդունել բոլոր աշխատանքները[2]։
Ջոխտաբերիձեն, ով գլխավորել է Վրաստանի հեռահաղորդակցության խոշորագույն ընկերությունը, որոշել է կառուցել շինությունների համալիր, որը կդառնա Վրաստանի կերպարվեստի թանգարան և Արվեստի տուն։
Շինարարությունը սկսվել է 2013 թվականին։ Կառույցը համարվում է Վրաստանում միակ շինությունը, որը կառուցվել է հատուկ արվեստի ստեղծագործությունների ցուցահանդեսների կազմակերման համար։ Թանգարանի պաշտոնական բացումը տեղի է ունեցել 2018 թվականի սեպտեմբերի 26-ին, իսկ այցելուների համար այն բացվել է 2018 թվականի հոկտեմբերի 2-ին։
Թանգարանում պահվում են ավելի քան 3500 արվեստի ստեղծագործություններ, որոնք ստեղծվել են ավելի քան 80 նկարիչների կողմից վերջին 70 տարիների ընթացքում[3], այդ թվում՝ Սերգեյ Փարաջանովի։
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
