![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/59/Euphronios_krater_side_A_MET_L.2006.10.jpg/640px-Euphronios_krater_side_A_MET_L.2006.10.jpg&w=640&q=50)
Թանատոս
From Wikipedia, the free encyclopedia
Թանատոս (հուն՝ Θάνᾰτος, մահ), քնի աստված Հիպնոսի երկվորյակ եղբայրը։ Հին աշխարհում կային հավատալիքներ, որ միայն նրանից է կախված մարդու մահը։ Այս տեսակնետն առաջին անգամ արտահայտել է Եվրիպիդեսը «Ալկեստիդա» գրքում, որտեղ պատմվում է այն մասին, որ Սիսիփոսին հաջողվեց մի քանի տարով շղթայել Թանատոսին, ինչի արդյունքում մարդիկ դարձան անմահ[1]։
Թանատոս | |
---|---|
![]() | |
Տեսակ | հունական դիացաբանության աստված և մահվան աստված |
Դիցաբանություն | հին հունական դիցաբանություն |
Սեռ | արական |
Երևի համընկնում է | Մահվան կերպար |
Հայր | Էրեբոս |
Մայր | Նիքս |
Կողակից | Macaria? |
Զավակներ | Lyncus? |
Ասպարեզ | մահ |
![]() |
![Thumb image](http://upload.wikimedia.org/wikipedia/commons/thumb/c/c2/Hypnos_Thanatos_BM_Vase_D56.jpg/640px-Hypnos_Thanatos_BM_Vase_D56.jpg)
Այսպես մնաց այքան ժամանակ, մինչև Արեսը Զևսի հրամանով չազատեց Թանատոսին, քանի որ մարդիկ սկսել էին զոհեր մատուցել Ստորերկրյա թագավորության աստվածներին։ Հիպնոս աստվածը միշտ հետևում, ընկերակցում է նրան. շատ հաճախ հին հեթանոսական սկահակներին նրանք պատկերվում էին միասին։
Թանատոսի կերպարը նշանակալից չափով ստեղծվել է պոեզիայի ու բանահյուսության միջոցով։ Ըստ Հեսիոդոսի Թանատոսը Նիկսի (Գիշերվա) որդին է, Կիրոսների և Հիպնոսի եղբայրը։ Թանատոսը երկաթե սիրտ ունի և ատելի է աստվածներին։ Նա աստվածների մեջ միակն է, որ ընծաներ չի սիրում։ Ողբերգություններում Թանատոսը ներկայացվում է սև թիկնոցով, թևերով և հնձող սրով։ Թանատոսի պաշտամունքը գոյություն է ունեցել Սպարտայում։ Նա պատկերվել է որպես թևավոր պատանի, հանգած ջահը ձեռքին։ Սիսիփոսի մասին առասպելում Թանատոսը զավեշտական կերպար է, որին հիմարացնում է խորամանկ մարդը։