From Wikipedia, the free encyclopedia
Էմիլի Ջորդան Օսմենթ (անգլ.՝ Emily Jordan Osment, մարտի 10, 1992[1], Լոս Անջելես, Կալիֆոռնիա)[2]-ամերիկացի դերասան, երգչուհի։ Հեռուստատեսությունում մի քանի աշխատանք կատարելուց հետո նա ստացավ առաջարկություն նկարահանվելու «Լրտես երեխաները 2. անիրականալի հույսերի կղզին» և «Լրտես երեխաները 3։ Խաղն ավարտված է» ֆիլմերում Գերտի Գիգլեսի դերով։ Նա Էմմի մրցանակի է արժանացել Լիլի Տրեսկոտ դերի համար, որով հանդես է եկել Հանա Մոնտանա հեռուստասերիալում և Հանա Մոնտանա[3][4] ֆիլմում, որոնք ցուցադրվել են Դիսնեյ հեռուստաալիքով։
 անգլ.՝ Emily Osment | |
|---|---|
.jpg) | |
| Ծնվել է | մարտի 10, 1992[1] (32 տարեկան) |
| Ծննդավայր | Լոս Անջելես, Կալիֆոռնիա, ԱՄՆ |
| Կրթություն | Օքսիդենթալ քոլեջ, Laurel Springs School? և Flintridge Preparatory School? |
| Քաղաքացիություն |  ԱՄՆ |
| Մասնագիտություն | դերասանուհի, երգչուհի, կոմպոզիտոր, գովազդային մոդել |
| Ակտիվ շրջան | 1999-այժմ |
| Ժանրեր | փոփ-ռոք, դանս-ռոք, փոփ |
| Ծնողներ | հայր՝ Յուջին Օսմենթ |
Վերջին ժամանակներում նա ձայնագրել է մի շարք երգեր, որոնք դարձել են փոփ-հիթեր։ Դրանցից են «I Don't Think About It», «If I Didn't Have You» Միտչել Մուսսոյի հետ, «Once Upon a Dream» երգերը։
Էմիլի Օսմենթի Fight or Flight ալբոմը դուրս է եկել 2010 թվականի հոկտեմբերի 5-ին։ Ալբոմի ձայնագրությունը տեղի է ունեցել Wind-up Records ստուդիայում։
Էմիլի Ջորդան Օսմենթը ծնվել է Լոս-Անջելեսում[2][5] դերասան Միխաել Օսմենթի և Թերեզա Օսմենթի-անգլերենի ուսուցչուհի ընտանիքում[6][7]։ Էմիլին ունի մեծ եղբայր՝ Հեյլի Ջոել Օսմենթ, ով նույնպես դերասան է։ Հենց նա էր Էմիլիին դրդել, որ նա դառնա դերասան։
Դաստիարակվել է հույն-կաթոլիկ եկեղեցում։ 2011 թվականին ավարտելով «Clap Your Hands» տուրը, Էմիլին շարունակեց իր բարձրագույն կրթությունը, ընդունվելով «Occidental College» քոլեջը, որը գտնվում էր Լոս-Անջելեսում։
Էմիլի Օսմենթի կարիերան սկսվել է 1998 թվականին, երբ Florists Transworld Delivery ընկերությունում նա դեր ստացավ[8]։ Դրանից հետո նա նկարահանվեց մի շարք գովազդներում։ Էմիլի Օսմենթի կարիերան վերելք ապրեց 1999 թվականին, երբ նա նկարահանվեց «Աղջիկների կյանքի գաղտնիքը» ֆիլմում։ Հենց այդ տարում նա նկարահանվեց Գլեն Կլոուզի հետ «Ձմռան վերջը» հեռուստասերիալում, որից հետո նաարժանացավ Պատանի դերասան մրցանակին[8]։ Դրանից հետո նա շատ դերեր ստացավ․ օրինակ՝ «Հրեշտակի հպումը», «Ընկերներ», «Երրորդ մոլորակը արևից»։
2002 թվականին Էմիլին նկարահանվեց «Լրտես երեխաները 2. անիրականալի հույսերի կղզին» ֆիլմում[9], իսկ «2003 թվականին Լրտես երեխաները 3։ Խաղն ավարտված է» ֆիլմում[10][11]։ Երկուսում էլ նա հանդես է եկել որպես Գերտի Գիգլես։
2006 թվականին Էմիլին ստացավ Լիլի Տրեսկոտի դերը «Հանա Մոնտանա» սերիալում։ Այդ դերի համար 2007 թվականին նա նորից արժանացավ Պատանի դերասան մրցանակին, որպես ամենալավ դերակատար հեռուստասերալում։ Դրանից բացի Էմիլին օգնեց վաստակել մի քանի զգեստ «Հանա Մոնտանա» հավաքածուի համար, որով 2006 թվականի վերջին Դիսնեյը հանդես եկավ[12]։
Դեկտեմբերի 25-ին Օսմենթը հանդես եկավ Համաշխարհային սուրբծննդյան պարադին սերիալի աստղ Հանա Մոնտանայի և Միտչել Մուսոյի հետ։ Օսմենթը նաև հնչյունավորել է «Խարտյաշի ամենատարօրինակ սուրբ ծնունդը»։ Օսմենթը երգել է մի քանի երգեր ֆիլմի համար, դրանցից է «I Don't Think About It»[13][14][15]։
Նա նկարահանվել է Ռ․ Լ․ Ստայնի ֆիլմում՝ «Չարություն։ Մի մտածիր դրա մասին»[16][17][18][19][20][21][22], որը նրան ևս մեկ անգամ 2008 թվականին բերեց Պատանի դերասան կոչմանը։ Կուլիսների ետևում նա հարցազրույցի ժամանակ ասաց, որ նկարահանվելու է նոր ֆիլմում՝ Ֆուտբոլի մայրիկը[23]։ 2008 թվականիին «Parad» և «Forbes» ամսագրերում նա Hot Kid Stars To Watch շարքում հայտնվում է առաջին տեղում[24]։ Նկարահանվել է նաև «Հայրիկի առևանգումը» ֆիլմում, որի պրեմիերան տեղի ունեցավ 2009 թվականի փետրվարին։ Այդ թվականի ապրիլ ամսին տեղի ունեցավ «Հանա Մոնտանա․ ֆիլմ»-ի պրեմիերան։ 2011 թվականի մայիսին Օսմենթը վերջացրեց ABC Family-ի նկարահանումները, որոնք տեղի էին ունենում Վանկուվերում։
Էմիլին երգել է Բիլի Ռեյ Սայրուսի հետ «You’ve Got a Friend» երգը։ Ձայնագրել է «I Don't Think About It» երգը «Չարություն։ Մի մտածիր դրա մասին» ֆիլմի համար[25], դրանից հետո նկարահանեց տեսահոլովակ այդ երգի համար։ Այդ երգը 2009 թվականին դարձավ Radio Disney-ի հիթը։
Օսմենթը ձայնագրեց «If I Didn't Have You» երգը Միտչել Մուսոյի հետ DisneyMania 6-ի հետ, ինչպես նաև «Once Upon a Dream» երգերի ռիմեյք տարբերակները[26]։ Վերջինս առաջին անգամ հեռուստատեսությամբ հեռարձակվեց 2008 թվականի սեպտեմբերի 12-ին[27]։ Ձայնագրել է նաև «Hero in Me» երգը «Հայրիկի առևանգումը» ֆիլմի համար, որը հասանելի դարձավ 2009 թվականի հունիսի 9-ին։
2008 թվականին նա Eve 6-ի հետ համատեղ գրում և ձայնագրում է մի շարք երգեր։ 2008 թվականի Half Taft Blue-ի հետ հանձնած հարցազրույցում նա ասում է, որ աշխատում է իր նոր All the Right Wrongs ալբոմի վրա։
Օսմենթը իր երգերը նկարագրում է որպես լիարժեք փոփ, բայց ալտերնատիվ ռոքի հետ միասին։ 2009 թվականի սեպտեմբերի 18-ին Էմիլին իր Twitter-ի պաշտոնական էջում գրում է թե ինչ երգեր են լինելու իր նոր ալբոմի մեջ[28]։
Մարտի 24-ին նա հաստատում է, որ իր ալբոմը դուրս կգա 2010 թվականին[29]։ Իր ալբոմի առաջին սինգլի՝ «Let’s Be Friends», պրեմիերան տեղի ունեցավ 2010 թվականի հունիսի 7-ին JSYK.com կայքում[30]. Հունիսի 3-ին հայտարարվեց, որ ալբոմի պրեմիերան տեղի կունենա այդ թվականի աշնանը[31], իսկ օգոստոսի 16-ին Օսմենթը հայտարարեց, որ ԱՄՆ-ում ալբոմի պրեմիերան տեղի կունենա հոկտեմբերի 5-ին և կանվանվի Fight or Flight։ Ետնանկարը պատրաստ էր օգոստոսի 17-ին[32]։
2011 թվականին լույս է տեսնում Էմիլիի հաջորդ սինգլը՝ «Hush», որը կարող էիք լսել միայն կանադական ռադիոյով։ Երգը դուետ էր, որտեղ Էմիլին երգում էր Ջոշ Ռամսեյի հետ։
2011 թվականին լույս է տեսնում ևս մեկ սինգլ, որը կոչվում էր «Drift»։ Այն հնչում է Cyberbully ֆիլմում։
Էմիլի Օսմենթի լավագույն ընկերներն են Միտչել Մուսոն և Մայլի Սայրուսը[33]։ Մի հարցազրույցի ժամանակ նա ասաց, որ սիրելի գիրքը «Մթնշաղ»-ն է։ Հաստատել է, որ ունեցել է լուրջ և երկարատև հարաբերություններ ինչ-որ մեկի հետ, և նա իրեն ոգեշնչել է գրել շատ երգեր, դրանցից է «You Are the Only One»՝ All the Right Wrongs ալբոմից[34]։ Նա դուրս է եկել դպրոցից և սովորել տանը[35]։
| Տարի | Հայերեն անվանումը | Օրիգինալ անվանումը | Դերը |
|---|---|---|---|
| 1999 | Աղջիկների կյանքի գաղտնիքը | The Secret Life of Girls | Միրանդա Այքեն |
| Ձմռան վերջը | Sarah, Plain and Tall: Winter’s End | Քեյսի Ուիթինգ | |
| Երրորդ մոլորակը արևից | 3rd Rock from the Sun | Դաշլիյա | |
| 2000 | Հորինող Էդվարդ Ֆուդվապեր | Edwurd Fudwupper Fibbed Big | Վարիոս |
| Հրեշտակի հպումը | Touched by an Angel | Ալիսա | |
| 2001 | Ընկերներ | Friends | Լելանի Մայոլանոֆավիչ |
| 2003 | Լրտեսների երեխաները 2. անիրականալի հույսերի կղզին | Spy Kids 2: The Island of Lost Dreams | Գերտի Գիգլես |
| Լրտեսների երեխաները 3։ Խաղն ավարտված է | Spy Kids 3-D: Game Over | Գերտի Գիգլես | |
| 2005 | Լիլոն և Ստիչը 2։ Ստիչի մեծ խնդիրը | Lilo & Stitch 2: Stitch Has a Glitch | Հնչյունավորում |
| 2006 | Խարտյաշի ամենաարտասովոր սուրբ ծնունդը | Holidaze: The Christmas That Almost Didn’t Happen | Տրիկ |
| 2006-2011 | Հանա Մոնտանա | Hannah Montana | Լիլի Տրեսկոտ |
| 2007 | Չարություն։ Մի մտածիր դրա մասին | The Haunting Hour: Don’t Think About It | Կեսսի Կելլեր |
| Կարճահասակ ՄաքՇորթի կարճ տաբատները | Shorty McShorts' Shorts | Քելի | |
| 2008 | Ֆուտբոլի մայրիկը | Soccer Mom | Բեկկա |
| Ապրելու բանաձևը | Surviving Sid | Քլեր | |
| 2009 | Հանա Մոնտանա։ Ֆիլմ | Hannah Montana: The Movie | Լիլի Տրեսկոտ |
| Հայրիկի առևանգումը | Dadnapped | Մելիսա Մորիս | |
| Կյանքը տախտակամածի վրա | The Suite Life on Deck | Լիլի Տրեսկոտ | |
| 2010 | Jonas L.A. | Jonas L.A. | Կամեո |
| 2010-2012 | Կիկ բուտովսկիի խիզախությունները | Kick Buttowski: Suburban Daredevil | Քենդալ Պերկինս |
| 2011 | Սիրունիկը Բեվերլի Հիլսից 2 | Beverly Hills Chihuahua 2 | Պեպ |
| Կանաչ բլրի վերևից | From Up on Poppy Hill | Նոբուկո Յոկոյամա | |
| Կիբեր-ահաբեկչություն | Cyberbully | Թեյլոր Հիլրիջ | |
| 2012 | Սիրունիկը Բեվերլի Հիլսից 3 | Beverly Hills Chihuahua 3: Viva la Fiesta! | Պեպ |
| Կյանքը տղաների հետ | Life with Boys | Կամեո | |
| 2012-2014 | Ընտանիքի տղան | Family Guy | Վարիոուս |
| 2013 | Երկուսուկես մարդ | Two and a Half Men | Էշլի |
| 2013 | Մաքրողները | Cleaners | Ռոքսի |
| 2014 | Դստեր մղձավանջը | A Daughter’s Nightmare | Էրիել Մորգան |
| 2014-այժմ | Երիտասարդ և քաղցած | Young & Hungry | Գեբի Դայմոնդ |
| 2016 | Համբուրիր ինձ | Kiss Me | Շելբի |
| Տարի | Արդյունք | Մրցանակ | Նոմինացիոն աշխատանք |
|---|---|---|---|
| 1999 | Առաջադրված | Պատանի դերասան | Ձմռան վերջը |
| 2003 | Լրտեսների երեխաները 2. անիրականալի հույսերի կղզին | ||
| 2008 | Հանա Մոնտանա | ||
| Չարություն։ Մի մտածիր դրա մասին | |||
| 2009 | Teen Choice Awards | Հանա Մոնտանա։ Ֆիլմ | |
| Հաղթանակ | Հանա Մոնտանա | ||
| 2010 | Առաջադրված | People's Choice Awards | Հանա Մոնտանա։ Ֆիլմ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
