Դայխթորհալեն

Դայխթորհալեն (գերմ.՝ Deichtorhallen, հայերեն՝ նավամատույցի մուտքի սրահներ), Եվրոպայի ժամանակակից արվեստի և լուսանկարչության արվեստի խոշորագույն կենտրոններից մեկը Գերմանիայի Համբուրգ քաղաքում։ 1911-1913 թվականներին թվագրվող երկու պատմական շենքերն իրենց բաց պողպատ-ապակի կառույցներով պատկերավոր ոճ ունեն։ 2011 թվականից Համբուրգի Kunstmeile և Hafencity երկու շենքերը համալրվել են Համբուրգի Հարբուրգ թաղամասում։

Դայխթորհալեն
Տեսակ	պատկերասրահ, ճարտարապետական անսամբլ, լուսանկարչության թանգարան և մշակութային կենտրոն
Երկիր	Գերմանիա[1]
Տեղագրություն	Համբուրգ Միտտե[2]
Վայր	Ալտշտադտ[2]
Հիմնադրվել է	1989
Կայք	deichtorhallen.de

Պատմություն

Դայթոհալենը հյուսիսից և արևմուտքից

1911-1914 թվականներին «Deichtorhallen» («նավամատույցի մուտքի (դարպասի) սրահներ») կառուցվել է որպես շուկայի սրահներ, նախկին Berliner Bahnhof երկաթուղային կայարանի տեղում։ Դրանք Art Nouveau-ի և 20-րդ դարի ոճերի միջև անցումային շրջանի արդյունաբերական ճարտարապետության մի քանի օրինակներ են։ Երկու սրահները բաց պողպատե կառույցներ են, հյուսիսային դահլիճը երեք անվակունդով կառույց է, ունի 3800 քմ տարածք, հարավային դահլիճը (1800 քմ) լապտերային տանիք ունեցող շենք է։ Ռուպրեխտ Մատիսը ստեղծել է երկու «գլաններ», որոնց միջով այցելուները կարող են քայլել դեպի Դայթորպլաց, որտեղ գտնվում է Ռիչարդ Սերայի ստեղծած քանդակը։ Հյուսիսային սրահում կա Մարիո Մերցի նեոնային գրության տող և Իմի Նոեբելի «Կապույտ սկավառակը»։

Կյորբեր հիմնադրամը վերականգնված Դայթոհալենը նվիրել է Համբուրգ քաղաքին։ 1989 թվականին կառույցի պատասխանատու է նշանակվել Deichtorhallen-Ausstellungs GmbH սահմանափակ պատասխանատվությամբ ընկերությունը։ 1989 թվականի նոյեմբերի 9-ին «Einleuchten» ցուցադրությամբ բացվել է Դայթոհալենի միջազգային արվեստի ցուցահանդեսը, համադրող՝ Հարալդ Զեեման։ Դայթոհալեն Համբուրգը ստեղծվել է որպես լուսանկարչության և ժամանակակից արվեստի ցուցահանդեսային կենտրոն` երեք սրահներով, երեք կառույց Դայթոհալենի անվան ներքո։ 2009 թվականից Դայթոհալեն Համբուրգի գեղարվեստական ղեկավարը Դիրկ Լուկովն է։

Ծանոթագրություններ

1. archINFORM (գերմ.) — 1994.
2. Համբուրգի հուշարձանների ցանկ / DSH Agency

Արտաքին հղումներ

• Պաշտոնական կայք

Վիքիպահեստն ունի նյութեր, որոնք վերաբերում են «Դայխթորհալեն» հոդվածին։