բույսերի տեսակ From Wikipedia, the free encyclopedia
Դաղձ դաշտային (լատին․՝ Mentha arvensis), խուլեղինջազգիների ընտանիքին պատկանող դեղաբույս։
Դաղձ դաշտային | |
Դաղձ դաշտային | |
Դասակարգում | |
Թագավորություն | Բույսեր (Plantae) |
Կարգ | Խուլեղինջածաղկավորներ (Lamiales) |
Ընտանիք | Խուլեղինջազգիներ (Lamiaceae) |
Ենթաընտանիք | Կատվադաղձայիններ (Nepetoideae) |
Տրիբա | Mentheae |
Ենթատրիբա | Menthinae |
Ցեղ | Դաղձ (Mentha) |
Տեսակ | Դաղձ դաշտային (M. arvensis) |
Միջազգային անվանում | |
Mentha arvensis | |
Կարգավիճակ | |
Հատուկ պահպանության կարգավիճակ՝ Քիչ մտահոգող տեսակ |
20-40 սմ բարձրությամբ, երկար կոճղարմատով, մազիկներով և գեղձերով ծածկված բազմամյա բուրավետ խոտաբույս է։ Հակադիր կոթունավոր ձվաձև կամ երկարավուն տերևները ատամնաեզր են։ Մանուշակագույն կամ վարդագույն մանր ծաղիկները հավաքված են հասկանման ծաղկաբույլերում։ Բաժակն ունի կարճ եռանկյունաձև ատամիկներ, պսակի ստորին մասը խողովակաձև է, իսկ վերինը՝ զանգականման։ Պտուղները մանր ձվաձև ընկուզիկներ են[1]։
Աճում է ստորին և միջին լեռնային գոտիների գետափերին, ճահիճներում և խոնավ մարգագետիններում։ Տարածված է Արագածոտնի, Գեղարքունիքի, Արարատի, Լոռու և Տավուշի մարզերում։ Մեղրատու բույս է[1]։
Բուժական նպատակներով օգտագործում են կանաչ զանգվածն ու ծաղիկները։ Տերևների և ցողունի մակերեսին կան մանր գեղձիկներ, ուր կուտակվում է մենթոլ պարունակող եթերային յուղ։ Ծաղիկներից, ցողուններից և տերևներից պատրաստում են թեյ և հրուշակողենի որոշ տեսակների համար համեմունք[1]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.