From Wikipedia, the free encyclopedia
SunStroke Project, խումբ Մոլդովայից։ Նորվեգիայում անցկացված «Եվրատեսիլ 2010» երգի մրցույթում Օլյա Տիրայի հետ միասին ներկայացրեցին Մոլդովայի Հանրապետությունը[1]։ 2010 թվականի մարտի 6-ին Քիշնևում կայացած ազգային ընտրության ժամանակ խումբը «Run Away» երգով ճանաչվել է հաղթող։ 2017 թվականի մայիսին Կիևում կայացած «Եվրատեսիլ 2017» երգի մրցույթում նրանք ներկայացրեցին Մոլդովան «Hey, Mamma» երգով և զբաղեցրեցին 3-րդ տեղը, զիջելով Բուլղարիային և Պորտուգալիային։
SunStroke Project | |
---|---|
![]() | |
Ժանրեր | փոփ |
Կայք | sunstrokeproject.net |
![]() |
SunStroke Project խումբը հիմնադրվել է 2008 թվականին Տիրասպոլում։ Խմբում ընդգրկված են ջութակահար Անտոն Ռագոզան և սաքսոֆոնահար Սերգեյ Ստեփանովը, ովքեր ծանոթացել էին բանակում ծառայելու ընթացքում։ Խմբի անունը ի հայտ է եկել հետաքրքիր իրավիճակի շնորհիվ, երբ Անտոնն ու Սերգեյը ծառայում էին բանակում (նվագախմբում) գնալով դաշտ, Անտոնը արևայրուք ստացավ[2]։ Արդյունքում, տղաները որոշեցին խումբն անվանել «SunStroke Project»[3][4]:
2008-2009 թվականներին խմբի վոկալիստն էր Պավել Պարֆինին, իսկ 2009 թվականին խումբն առաջին անգամ հանդես է եկել «Եվրատեսիլ 2009» երգի մրցույթի ազգային եզրափակչում, որտեղ թիմը երրորդ տեղն է զբաղեցրել «No Crime» երգով[5]։ Պավել Պարֆինիի խմբից հեռանալուց հետո հայտարարվեց քասթինգ, որի շնորհիվ խմբում հայտնվեց նոր վոկալիստ՝ Սերգեյ Յալովիցկին[3]։
2013 թվականին խումբը առաջին անգամ կատարեց ռումիներեն երգ, իսկ «Ce Bine Imi Pare» տեսահոլովակը նկարահանվել է 6 ժամվա ընթացքում։ Այս երգը տղաները կատարել են Alex Calancea Band խմբի հետ մեկտեղ։ Ապագայում «SunStroke Project»-ը նախատեսում է ևս մի քանի ռումիներեն երգ կատարել[6]։ Նույն տարում «Walking in the Rain» երգը աղյուսակում գրավեց առաջին տեղը և դարձավ ՄԳԻՄՕ-ի ՈՒՀԱ-ի «Պարամպարամ» թիմի օրհներգը։ Նույն թվականին «Amor» երգի հիման վրա նկարահանվել է տեսահոլովակ, որը թողարկվել է անգլերեն և իսպաներեն լեզուներով[7]։
2015 թվականին Sunstroke Project-ը մասնակցեց «Եվրատեսիլ 2015» երգի մրցույթի ազգային ընտրական փուլին՝ «Day After Day» երգով, սակայն եզրափակիչում նրանք զբաղեցրեցին 3-րդ տեղը։ 2015 թվականի օգոստոսին Sunstroke Project-ը բացեց իր Ragoza Music երաժշտական լեյբլը և թողարկեց իր նոր՝ «Not Giving It Up» կոչվող երգը[8][9]։
2017 թվականի փետրվարին նրանք հաղթեցին «Եվրատեսիլ 2017»-ի ազգային ընտրությունում, ինչը թույլ տվեց նրանց ներկայացնել Մոլդովան՝ Կիևում, «Hey, Mamma!» երգով, իսկ մարտին թողարկեցին երգի տեսահոլովակը[10][11]։ Մրցույթի եզրափակիչում նրանք զբաղեցրին 3-րդ տեղը, որն այդ ժամանակ Մոլդովայի լավագույն արդյունքն էր։ Մոլդովայի հավաքականի վերադարձի կապակցությամբ երկրի նախագահը Մոլդովայի բարձրագույն՝ Պատվո շքանշանի արժանացրեց խմբի անդամներ` Անտոն Ռագոզային, Օրդեն Պոչյոտին, և նրանց պրոդյուսեր Դմիտրի Սերգեևին։ Մայիսի 17-ին iTunes-ից ստացվող ամենաշատ ներբեռնված երգերի վարկանիշում «Hey, Mamma!» երգը 33-րդ տեղում էր[12]։ Խումբը վերադառնալով Մոլդովա, երկրի նախագահի կողմից արժանացել է բարձրագույն պետական պարգևների։ Խմբի մասնակիցները արժանացան «Պատվո շքանշանի», իսկ իրենց պրոդյուսերը՝ Դմիտրի Սերգեևը, պարգևատրվեց «Քաղաքացիական ծառայություն» մեդալով[13][14][15][16]։
2010 թվականին SunStroke Project-ը և Օլյա Տիրան ներկայացրին Մոլդովան «Եվրատեսիլ 2010» երգի մրցույթում և զբաղեցրին 22-րդ տեղը[19]։
2012 թվականի հուլիսին SunStroke Project-ը և Բորիս Կովալը նվաճեցին ոսկե մեդալներ «World Star» միջազգային մրցույթում[20][21]։
2013 թվականի հունվարին Superchard Radio Record-ում «Walking In the Rain» երգը զբաղեցրեց առաջին տեղը[22]։
Եվրատեսիլ 2010-ից հետո Սերգեյ Ստեփանովը, իր արտառոց տեսքի ու բեմական շարժման շնորհիվ, համացանցում հայտնի է Epic Sax Guy կեղծանունով։ ՅուԹյուբում տեղադրվել են բազմաթիվ հոլովակներ, որտեղ Սերգեյը պարում է կամ ծաղրական նմանակումներով տեսահոլովակներ[23]։
2012 թվականին Օլյա Տիրան և Sunstroke Project-ը «Superman» երգով մեղադրվում էին ռումինացի կատարող Simplu-ի «Mr. Originality» երգը գողանալու մեջ։ Արդյունքում, նրանք նույնիսկ չանցան «Եվրատեսիլ 2012» ազգային ընտրական առաջին փուլը[24]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.