Let It Be (երգ)

Let It Be (անգլ․ թարգ.՝ Թող լինի), բրիտանական The Beatles ռոք խմբի երգը, որը թողարկվել է 1970 թվականին որպես սինգլ, ավելի ուշ ներառվել է Let It Be ալբոմում։ Երգի հեղինակը Փոլ ՄաքՔարթնին է (հեղինակային իրավունքը պատկանում է Ջոն Լենոնին և ՄաքՔարթնիին)^[3][4]։ Երգը դարձավ The Beatles խմբի վերջին սինգլը, նախքան ՄաքՔարթնին հայտարարեց խմբից հեռանալու մասին։

«Let It Be»
Բիթլզի երգը «Let It Be» ալբոմից
Թողարկված	Մայիսի 8, 1970
Ձայնագրված	Մարտի 3-31 և ապրիլի 30 1969, հունվարի 4 1970 Twickenham Film Studios, Apple Corps, Abbey Road Studios
Ժանր	Գոսպել[1]
Լեզու	անգլերեն
Տևողություն	4:03 3:55 (Naked version)
Լեյբլ	Apple
Հեղինակ	Փոլ ՄաքՔարթնի Ջոն Լենոն
Կոմպոզիտոր	Ջոն Լենոն[2] և Փոլ ՄաքՔարթնի
Պրոդյուսեր	Ջորջ Մարթին Քրիս Թոմաս
Let It Be ալբոմի երգացանկ
Dig It (5) «Let It Be» (6) Maggie May (7)

Եվրոպական հիթ-շքերթներում երգը առաջին հորիզոնականն է զբաղեցրել։

Ստեղծագործում և ձայնագրություն

ՄաքՔարթնի ասել է, որ «Let It Be» երգի միտքը իր մոտ եկել է այն բանից հետո, երբ «Սպիտակ ալբոմի» ձայնագրման ժամանակ, երազում իր մորն է տեսել։ ՄաքՔարթնին բացատրել է, որ նրա մայրը (ով մահացել է քաղցկեղից, երբ Փոլը14 տարեկան էր) ոգեշնչել է «Mother Mary» խոսքերը^[5][6]։ Փոլը ասել է՝ «Ես ինձ երջանիկ էի զգում այդ քնից հետո։ Այն ինձ հուշեց, որ գրեմ «Let It Be» երգը»^[7][8]։ Ավելի ուշ ՄաքՔարթնին պատմել է, որ քնի մեջ իր մայրը իրեն ասել է՝ «Ամեն ինչ լավ կլինի, ուղղակի թող լինի (let it be)»^[9]։

«Let It Be»-ի առաջին փորձը տեղի է ունեցել 1969 թվականի հունվարի 3-ին Twickenham Film Studios ստուդիայում, որտեղ Բիթլզը սկսել էր աշխատել նոր՝ «Թող լինի» ֆիլմի վրա։ Ֆոնոգրամման ձայնագրվել է 1969 թվականի հունվարի 31-ին, որպես «Apple ստուդիայի ներկայացման» մի մաս։ ՄաքՔարթնին դաշնամուր է նվագում, Լենոնը բաս կիթառ, Բիլի Պրեստոնը էլեկտրոնային երգեհոն, Ջորջ Հարիսոնը կիթառ, իսկ Ռինգո Սթարը հարվածային գործիքներ^[10]։

1970 թվականի մարտի 6-ին թողարկվել է «Let It Be» սինգլը։ 1970 թվականի մարտի 26-ին Ֆիլ Սպեկտորը «Let It Be» ալբոմի համար ներկայացրել է երգի ռեմիքս տարբերակը^[11]։ Ռեմիքսի մեկ այլ տարբերակ ներառվել է 2003 թվականի «Let It Be… Naked» ալբոմի համար։

Ձայնագրման մասնակիցներ

• Փոլ ՄաքՔարթնի՝ հիմնական վոկալ, բեք վոկալ, դաշնամուր
• Ջոն Լենոն՝ բաս կիթառ, բեք վոկալ
• Ջորջ Հարիսոն՝ կիթառ
• Ռինգո Սթար՝ հարվածային գործիքներ
• Բիլի Պրեստոն՝ Համմոնդ երգեհոն
• Լինդա ՄաքՔարթնի^[12]՝ բեք վոկալ
• Հոգևոր և լարավոր գործիքների անսամբլ (արանժիրովկա՝ Ջ․ Մարթին)

Երգի թողարկում

Երգը թողարկվել է որպես սինգլ (Ա կողմ՝ Let It Be, Բ կողմ՝ You Know My Name) և ներառվել է «Let It Be» ալբոմում, և այս ամենը թողարկվել է 1970 թվականին։ Երգը նաև ներառվել է այն ալբոմներում, որոնք թողարկվել են խմբի լուծարումից հետո։

Հիթ-շքերթներ

Նախորդող՝ «Bridge over Troubled Water» - Simon & Garfunkel

Billboard Hot 100 #1 11 - 24 ապրիլի 1970[13] (երկու շաբաթ)

Հաջորդող՝ «ABC» - The Jackson 5

Ծանոթագրություններ

1. Unterberger, 2009
2. ISWC-Net
3. MacDonald, Ian (2005). Revolution in the Head: The Beatles' Records and the Sixties (Second Revised ed.). London: Pimlico (Rand). p. 337.
4. Sheff, David (2000). All We Are Saying: The Last Major Interview with John Lennon and Yoko Ono (Paperback). St. Martin’s Griffin. p. 202.
5. Miles, Barry (1997). Many Years From Now. Vintage-Random House. p. 20.
6. Spitz, Bob (2005). The Beatles. Little Brown. pp. 73-76.
7. Spitz, Bob (2005). The Beatles. Little Brown. pp. 88-90.
8. The Beatles (2000). Anthology. Chronicle Books. p. 19.
9. «Let It Be». Sold on Song. 2009
10. Lewisohn, Mark (1988). The Beatles Recording Sessions. New York: Harmony Books. p. 170.
11. Lewisohn, Mark (1988). The Beatles Recording Sessions. New York: Harmony Books. p. 198.
12. Փոլ ՄաքՔարթնիի կինը (1969 թվականից մինչ մահ)
13. «Hot 100. Chart Archives. Week of April 11, 1970» (անգլերեն). Music News, Reviews, Articles, Information, News Online & Free Music. Billboard.com. Վերցված է 2017 թ․ հունվարի 3-ին.

Արտաքին հղումներ

• Երգի բառերը
• Երգի բառերը թարգմանության հետ միասին

  Վիքիպահեստն ունի նյութեր, որոնք վերաբերում են «Let It Be (երգ)» հոդվածին։