Օդրի Տոտու

Օդրի Տոտու (ֆր.՝ Audrey Tautou, օգոստոսի 9, 1976(1976-08-09)^{[5][6][7][…]}, Beaumont, Պյուի-դը-Դոմ, Օվերն, Ֆրանսիա^[5]), ֆրանսիացի կինոդերասանուհի և մոդել։ Առաջին անգամ հեռուստադիտողին երևացել է 18 տարեկանում։ Դրանից անմիջապես հետո նա ստացավ «Ցեզար» մրցանակը։ Հետագայում նա էկրան բարձրացավ 1999 և 2000 թվականներին։ Տոտուն մեծ ճանաչում ձեռք բերեց «Ամելի» ֆիլմից հետո, որը նկարահանվել է 2001 թվականին։ Սրանից հետո նա մեծ արագությամբ կառուցեց իր կարիերան։ Հանդիսատեսին հայտնի է «Ամելի» (2001), «Դա Վինչիի ծածկագիրը» (2006), «Կոկո դը Շանել» (2009) և «Քնքշություն» (2011) ֆիլմերից։

Օդրի Տոտու ֆր.՝ Audrey Tautou
Օդրի Տոտուն 2006 թ.-ի Կաննի կինոփառատոնին
Հասակը	160 սմ[1]
Ծնվել է	օգոստոսի 9, 1976 (48 տարեկան)[1]
Ծննդավայր	Բոմոն,  Ֆրանսիա
Կրթություն	Փարիզի կաթոլիկ ինստիտուտ և Ֆլորան դասընթացներ[2]
Քաղաքացիություն	Ֆրանսիա
Ազգություն	Ֆրանսիա
Կրոն	կաթոլիկություն
Մասնագիտություն	Դերասանուհի[1]
Ակտիվ շրջան	1992–այժմ[1]
Ժանրեր	Դրամա, Մելոդրամա[1]
Ընտրանի	"Ճակատագրական գեղեցկուհին", "Դա Վինչիի ծածկագիրը"
Համատեղ ապրող(ներ)	Մատյե Շեդիդ[3]
Պարգևներ և մրցանակներ	[4] Լյումեր ամենախոստումնալից դերասանուհի մրցանակ Սեզար մրցանակ ամենախոստումնալից դերասանուհուն Սյուզաննա Բյանկետիի մրցանակ Lumières Award for Best Actress? և Trophée Chopard?

Վաղ կյանք

Օդրին ծնվել է Բոմոնում և մեծացել է Մոնտլուքոնում։ Հայրը եղել է ատամնաբույժ, իսկ մայրը ուսուցչուհի։ Տոտուն դեռ փոքրուց է ցանկացել դառնալ դերասանուհի, այդ իսկ պատճառով նրա ծնողները նրան տարել են դերասանական պարապմունքների։

Կարիերա

1990-2000 թվականներ

1998 թվականին Օդրին մասնակցեց «Նոր աստղեր» մրցույթին և հաղթեց՝ ստանալով «Լավագույն երիտասարդ դերասանուհի» մրցանակը։ Թոնի Մարշալը «Ցեզար» մրցանակաբաշխությանը Օդրիին հանձնեց մրցանակ՝ «Գեղեցկուհի Վեներայի համալսարանը» ֆիլմի համար։ 2000 թվականին Տոտուն արժանացավ «Ամենախոստումնալից երիտասարդ դերասանուհի» մրցանակին։

2000-2010 թվականներ

2001 թվականին Օդրին հասավ հաջողության խաղալով ռոմանտիկ կատակերգությունում՝ «Ամելի» ֆիլմում (Ֆրանսիական անվանումը « Le Fabuleux Destin d'Amélie Poulain»), որի ռեժիսորն է Ժան-Պիեռ Ժենեն։ Ֆիլմը արագ ճանաչում ձեռք բերեց և գնահատվեց։ «Ամելի» ֆիլմը ճանաչվել է տարվա լավագույն ֆիլմ։

2002 թվականին նա նկարահանվել է «Կեղտոտ հմայքներ» բրիտանական ֆիլմում, որի ռեժիսորն է Սթիվեն Ֆրիրզը։ 2004 թվականին նա խաղացել է «Շատ երկար ներգրավվածություն» ռոմանտիկ, պատերազմական ֆիլմում, որի ռեժիսորն է Ժան Պիեռ Ժենուտը։

2010 թվականից հետո

Օդրի Տոտուն 2012 թվականի Կաննի մրցանակաբաշխությանը

Օդրի Տոտուն նկարահանվել է մի ֆիլմում, որտեղ նա մարմնավորում է նորաձևության թագուհի համարվող Կոկո Շանելին։ Ֆիլմի ռեժիսորն է Աննա Ֆոնտաինը։ Այն էկրան է բարձրացել 2009 թվականի ապրիլի 22-ին Ֆրանսիայում։ Ֆիլմի հիմքում ընկած է Էդմոն Շառլ-Ռուխի «L’Irrégulière» գիրքը։ Այն բանի փոխարեն, որ «Կոկո դը Շանել» ֆիլմը հեռարձակվեր Ամերիկայի Միացյալ Նահանգներում « Warner Bros. Pictures» ընկերության կողմից, ֆիլմով զբաղվեց « Sony Pictures Classics» ընկերությունը։ Ֆիլմի ցուցադրումը Ամերիկայի Միացյալ Նահանգներում արժեց 6 մլն. ամերիկյան դոլար։

Մոդելի կարիերա

Օդրի Տոտուն սկսեց իր մոդելային կարիերան շատ վաղ հասակից՝ մասնակցելով մոդելային դասընթացների և միջոցառումների։ Դրա շնորհիվ նրա նկարները հայտնվեցին հայտնի ամսագրերի շապիկներին, որոնց թվին Vogue, Bazar, Elle, Harpers և այլն։

Տոտուն 2009 թվականին ստացավ Շանել №5-ի հաջորդ գլխավոր մոդելը, փոխարինելով Նիկոլ Քիդմանին։ Գովազդի և ֆիլմի հեռարձակումների տարեթվերը համընկան (2009)։ Նա դարձավ այնպիսի ակցիաների դեմքը, ինչպիսիք էին՝ L'Oreal, Montblanc և շատ ուրիշ ակցիաներ։

Օդրի Տոտուն տարիներ շարունակ հայտարարվել է, որպես «Տարվա նորաձևություն», քանի որ հայտնվել էր տարբեր բնագավառների ամսագրերի շապիկներին (հիմնականում՝ նորաձևության, գեղեկցության և մշակութային թեմաների ամսագրեր)։

Անձնական կյանք

Տոտուն սովորել է Փարիզի կաթոլիկական ինստիտուտում։ Երբ նա սովորում էր ինստիտուտում հայտարարեց, որ նա «կեղծ» կաթոլիկ է։ Տոտուն ասում է, որ նրա ապագան Ֆրանսիայում է, որ նա պետք է իր ապագան կառուցի հենց Ֆրանսիայում, այլ ոչ Ամերիկայի Միացյալ Նահանգներում։

Նա իր հարցազրույցներից մեկում նշել է հետևյալը. «Ես օրվա վերջում ֆրանսուհի դերասան եմ։ Ես չեմ ասում, թե երբեք չեմ նկարահանվի անգլերեն լեզվով, բայց իմ տունը իմ համայնքն է, իմ կարիերան արմատավորված է այստեղ՝ Ֆրանսիայում, ես երբեք չեմ տեղափոխվի Լոս-Անջելես»։

Ֆիլմագրություն

Դերակատարումներ

Թիվ	Ֆիլմի անուն	Բնօրինակի անվանումը	Դերը	Ժանր	Ռեժիսոր	Խաղընկերներ
1992 –	Ժյուլիի Լեսկո	Julie Lescaut	Տրեյսի	Սերիալ, Մարտական, Քրեական	Ալան Վերմուս Դանիել Ժանեու Ժոզե Դայան	Վերոնիկ Ժենե, Ջենիֆեր Լորե, Ալեքսիս Դեսո, Մուս Դիուֆ, Ժոզեֆին Սեր
1992 – 2005	Կորդիե` կարգուկանոնի պահապաններ	Les Cordier, juge et flic	Լեա	Սերիալ, Քրեական	Պոլ Պլանշոն Ժիլ Բեա Ալեն Բոնո	Պեր Մոնդի, Բրունո Մադինե, Անտոնելա Լուալդի, Julien Chatelet, Շարլոթ Վալանդրե
1996	Թիրախի սիրտը	Coeur de cible			Լորան Էյնեմանն	Ֆրանսիս Յուսթեր, Մարիանն Բասլե, Հոսե Գարսիա, Ժան-Իվ Բերտելուտ, Ալադին Ռայբել
1997	Ճշմարտությունը լուրջ թերություն է	La vérité est un vilain défaut	օպերատոր		Ժան-Պոլ Սալոմ	Սեմ Կարմանն, Ֆիլիփին Լերուա-Բոլյո, Մարի-Ֆրանս Պիզե, Նատալիա Դոնչևա, Ժան-Ֆրանսուա Բալմեր
1998	Բեյբի բում	Bébés boum	Էլզա		Մարկ Անջելո	Զաբու Բրայտման, Բերնադեթ Լաֆոն, Սեմ Կարմանն, Քրիստոֆ Էմոն
1998	Տեխասյան քաոս	Chaos technique	Լիզա		Լաուրենտ Զերահ	Պատրիկ Կատալիֆո, Իզաբել Ժելինա, Դիդե Բենյուրո, Ժորժ Տրիլա
1998	«Վեներա» գեղեցկության սրահը	Vénus beauté	Մարի	Դրամա, Մելոդրամա, Կատակերգություն	Թոնի Մարշալ	Նատալի Բեյ, Բյուլ Օժե, Սամյուել Լե Բյան, Ժակ Բոնաֆե, Մատիլդա Սենե
1998	Կաստինգ։ Այ քեզ զզվելի բան	Casting: Archi-dégueulasse		Կարճամետրաժ	Լես Բուկիտին	Քրիստինա Գանեպեն
1998	Հին պահաջոկատ	La vieille barrière	հարևանուհի	Կարճամետրաժ	Լես Բուկիտին	Էրիկ Սավեն, Ֆրանկ Գուրլատ, Լես Բուկիտին, Մահեր Կամուն, Ժիլ Գասթոն-Դրեյֆուս
1999	Կաղը։ Մանկական բլյուզ	Le boiteux: Baby blues	Բլոնդին Պիոնսետ		Պաուլ Զաջդերման	Վինսենտ Վինտերխալտեր, Ֆրանսուա Բերլեան, Բրիժիտ Ռոյուան, Լաուրա Դել Սոլ
1999	Վատ աղջիկները	Voyous voyelles	Աննա-Սոֆի	Դրամա, Կատակերգություն	Սերժ Մեյնար	Օլիվիա Բոնամի, Աքսել Ադե-Պասդելուպ, Դիդե Բեզաս, Սերժ Հազանավիչուս
1999	Մռայլ ամպեր	Triste à mourir	Կարո	Կարճամետրաժ, Դրամա, Կատակերգություն	Ալեքսանդր Բիլոն	Մարինա Ֆոիս, Լյուսի Ջին, Ժյուլի Դյուրան
2000	Ամուսնացիր ինձ հետ	Épouse-moi	Marie-Ange	Մելոդրամա, Կատակերգություն	Հարիետ Մարին	Միշել Լարոկ, Վենսան Պերես, Միկի Մանոյլովիչ, Արնո Ջովանինեթի
2000	Անառակ	Le libertin	Ջուլի դ՜Հոլբախ	Կատակերգություն	Գաբրիել Ագիոն	Վենսան Պերես, Ֆաննի Արդան, Ժոզիան Բալասկո, Միշել Սերո, Առիել Դոմբալ
2000	Թիթեռնիկի թևերի թափահարումը	Le battement d'ailes du papillon	Իռեն	Դրամա, Մելոդրամա, Կատակերգություն	Լորեն Ֆիրոդ	Ֆոդել, Էրիկ Սավեն, Նատալի Բեզանսոն, Լիսիան Մեյս
2001	Ամելի	Le Fabuleux destin d'Amélie Poulain	Ամելի Պաուլիան	Մելոդրամա, Կատակերգություն	Ժան-Պեր Ժյոնե	Մատյո Կասովից, Ռյուֆյուս, Լորելա Կրավոթա, Սերժ Մերլեն
2001	Աստված մեծ է, ես փոքր եմ	Dieu est grand, je suis toute petite	Միշել	Մելոդրամա, Կատակերգություն	Պասկալ Բայի	Էդուարդ Բաեր, Ժյուլի Դեպարդե, Կատրին Ժակոբ, Ֆիլիփ Լոդենբաշ
2002	Սիրում է, չի սիրում	À la folie... pas du tout	Անժելիկա	Թրիլեր, Մելոդրամա	Լետիցիա Կոլոմբանի	Սամյուել Լե Բյան, Իզաբել Կարե, Սոֆի Գիյմեն, Կլեման Սիբոնի
2002	Իսպանուհին	L'auberge espagnole	Մարտին	Դրամա, Մելոդրամա, Կատակերգություն	Սեդրիկ Կլապիշ	Ռոմեն Դյուրիս, Ժյուդիտ Գոդրեշ, Սեսիլ դը Ֆրանս, Քելլի Ռայլի
2002	Կեղտոտ սքանչելի իրեր	Dirty Pretty Things	Սենայ Գելիկ	Թրիլեր, Դրամա, Քրեական	Սթիվեն Ֆրիրզ	Չիվետել Էջիոֆոր, Սերխի Լոպես, Սոֆի Օկոնեդո, Բենեդիկտ Վոնգ
2003	Կորած ծովայինները	Les marins perdus	Լալլա	Դրամա, Արկածային	Կլեր Դևեր	Բերնար Ժիրոդո, Միկի Մանոյլովիչ, Սերջո Պերիս-Մենչետա, Մարի Տրենտինյան
2003	Միայն ոչ շրթունքները	Pas sur la bouche	Հուգուետ Վերբարի	Երաժշտական, Մելոդրամա, Կատակերգություն	Ալեն Ռենե	Սաբին Ազեմա, Իզաբել Նանտի, Պեր Արդիտի, Դարի Կոուլ
2003	Ուրախ վերջաբան	Nowhere to Go But Up	Վալ Չիպզիկ	Դրամա, Մելոդրամա, Կատակերգություն	Ամոս Կոլեկ	Ջասթին Տերու, Ջենիֆեր Տիլի, Լայլա Ռոբինս, Կետի Կուրտին
2004	Երկար նշանադրություն	Un long dimanche de fiançailles	Մատիլդա	Դրամա, Մելոդրամա, Դետեկտիվ, Ռազմական	Ժան-Պեր Ժյոնե	Գասպար Ուլել, Դոմինիկ Պինոն, Շանտալ Նոյվիրտ, Անդրե Դյուսոլե
2005	Գեղեցկուհիները	Les poupées russes	Մարտինե	Դրամա, Մելոդրամա, Կատակերգություն	Սեդրիկ Կլապիշ	Ռոմեն Դյուրիս, Կելի Ռայլի, Սեսիլ դը Ֆրանս, Քևին Բիշոպ
2006	Դա Վինչիի ծածկագիրը	The Da Vinci Code	Սոֆի Նեվեու	Թրիլեր, Դետեկտիվ	Ռոն Հովարդ	Թոմ Հենքս, Յեն ՄակԿելեն, Ժան Ռենո, Պոլ Բեթանի
2006	Ճակատագրական գեղեցկուհին	Hors de prix	Իռեն	Մելոդրամա, Կատակերգություն	Պեր Սալվադորի	Գադ Էլմալեխ, Մարի-Քրիստին Ադամ, Վերնոն Դոբչեֆ, Ժակ Սպիսեր
2007	Պարզապես միասին	Ensemble, c'est tout	Կամիլ Ֆագու	Դրամա, Մելոդրամա	Կլոդ Բերի	Գիյոմ Կանե, Լորեն Ստոկեր, Ֆրանսուազ Բերտեն, Ալեն Սաքս
2009	Կոկո մինչև Շանել	Coco avant Chanel	Գաբրիել 'Կոկո' Շանել	Դրամա, Կենսագրական, Պատմական	Անն Ֆոնտեն	Բենուա Պուլվորդ, Ալեսանդրո Նիվոլա, Մարի Ժիլեն, Էմանուել Դևո
2010	Պատահական սիրավեպ	De vrais mensonges	Էմիլ Դանդրիքս	Մելոդրամա, Կատակերգություն	Պեր Սալվադորի	Նատալի Բեյ, Սամի Բուաժիլա, Ստեֆանի Լագարդ, Ժյուդիտ Շեմլա
2011	Քնքշություն	La délicatesse	Նաթալի Կեռ	Մելոդրամա, Կատակերգություն	Դավիդ Ֆոնկինոս Ստեֆան Ֆոնկինոս	Ֆրանսուա Դամիենս, Բրունո Տոդեսկինի, Մելանի Բերնե, Ժոզեֆին դե Մո
2011	Հանդիպակած քամի	Des vents contraires	Սառա Անդերեն	Դրամա, Դետեկտիվ	Ջալիլ Լեսպեր	Բենուա Մաժիմել, Իզաբել Կարե, Անտուան Դյուլերի, Ռամզի Բեդիա, Բոլի Լաններս
2012	Թերեզա Դեկերու	Thérèse Desqueyroux	Թերեզա Դեկերու	Դրամա	Կլոդ Միլեր	Ժիլ Լելուշ, Անաիս Դեմուսթե, Կատրին Արդիտի, Իզաբել Սադոյան
2013	Օրերի փրփուրը	L'écume des jours	Քլոե	Ֆենտեզի, Դրամա	Միշել Գոնդրի	Օմար Սի, Ռոմեն Դյուրիս, Գադ Էլմալեխ, Ալեն Շաբա
2013	Չինական գլուխկոտրուկ	Casse-tête chinois	Մարտինե	Դրամա, Մելոդրամա, Կատակերգություն	Սեդրիկ Կլապիշ	Քելլի Ռայլի, Ռոմեն Դյուրիս, Սանդրին Հոլտ, Սեսիլ դը Ֆրանս

Ծանոթագրություններ

1. «kinopoisk». Վերցված է 2015 Նոյեմբերի 26-ին.
2. Les anciens du Cours Florent — Cours Florent.
3. https://www.telestar.fr/culture/que-devient-audrey-tautou-la-star-d-amelie-poulain-photos-87709
4. http://www.culture.gouv.fr/Nous-connaitre/Organisation/Conseil-de-l-Ordre-des-Arts-et-des-Lettres/Arretes-de-Nominations-dans-l-ordre-des-Arts-et-des-Lettres/Nomination-dans-l-ordre-des-Arts-et-des-Lettres-ete-2018
5. http://www.lesgensducinema.com/affiche_acteur.php?nom=TAUTOU%20Audrey&from=dvdtoile
6. Encyclopædia Britannica
7. Discogs — 2000.

Վիքիպահեստն ունի նյութեր, որոնք վերաբերում են «Օդրի Տոտու» հոդվածին։