Քեթի (գյուղ)
գյուղ Հայաստանի Շիրակի մարզում From Wikipedia, the free encyclopedia
Քեթի (նախկին անվանումը՝ Մեծ Քեթի), գյուղ Հայաստանի Շիրակի մարզի Ախուրյանի տարածաշրջանում, մարզկենտրոն Գյումրիից մոտ 4 կմ հյուսիս, արևելքից Ուխտի սար և հյուսիսից Պոլոզսար լեռնաշղթաների մեջ փռված գոգավորությունում։ Քեթի գյուղը գտնվում է Երևան-Գյումրի-Վրաստան միջպետական ավտոճանապարհի վրա, Երևանից 135 կմ հեռավորության վրա։
| Գյուղ | ||
|---|---|---|
| Քեթի | ||
| Երկիր |  Հայաստան | |
| Մարզ | Շիրակի | |
| Համայնք | Շիրակի մարզ և Ախուրյանի շրջան | |
| Հիմնադրված է | 1829 թ. | |
| Այլ անվանումներ | Մեծ Քեթի | |
| Մակերես | 17.5 կմ² | |
| ԲԾՄ | 1740 մ | |
| Պաշտոնական լեզու | հայերեն | |
| Բնակչություն | 1117[1] մարդ (2012) | |
| Ազգային կազմ | հայեր | |
| Տեղաբնականուն | քեթեցի | |
| Ժամային գոտի | UTC+4 | |
| Հեռախոսային կոդ | +374 | |
| Փոստային ինդեքս | 2526 | |
| ||
Գյուղը հիմնադրվել է 1829 թ.-ին։ Մեծ Քեթին վերանվանվել է Քեթի 1946 թվականի ապրիլի 26-ին[2]։
Բնակչություն
Ըստ Հայաստանի 2011 թ. մարդահամարի արդյունքների՝ Քեթիի մշտական բնակչությունը կազմել է 993, առկա բնակչությունը՝ 821 մարդ[3]։ Հիմնադրման պահից մինչ օրս բնակիչները հայեր են[4], որոնց նախնիների մի մասը 1828-1829 թթ. գաղթել է Կարսի Ղզըլչախչախ գյուղից, Մուշի և Բասենի գյուղերից[2]։
Քեթիի բնակչության փոփոխությունը ժամանակի ընթացքում՝ ստորև[5].
Տնտեսություն
Բնակչության հիմնական զբաղմունքը անասնապահությունն ու հողագործությունն է՝ ցորենի, գարու, առվույտի, կարտոֆիլի, կաղամբի, բանջարաբոստանային կուլտուրաների և մրգերի արտադրությունը։
Պատմամշակութային կառույցներ
Մ.թ.ա. III-II հազարամյակների կիկլոպյան ամրոցի, դամբարանադաշտերի և բնակատեղիների, V-XIX դարերի և XII-XX դարերի եկեղեցիների և մատուռների հետքերը, VII-XX դարերի և XIX-XX դարերի գերեզմանոցները վկայում են գյուղի՝ որպես բնակատեղի, հազարամյա պատմության մասին։ Պեղումների ժամանակ հայտնաբերվել են հնագիտական բարձրարժեք դրածոներ։
Գյուղից 2 կմ հյուսիս-արևմուտք “Քարոտ հողեր” հանդամասում հայտնաբերվել է դամբարանադաշտ։ Այստեղ է գտնվում մ.թ.ա. X-IV դարերի “Զորանոց” ամրոցը։
Տես նաև
Ծանոթագրություններ
Արտաքին հղումներ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
