Սիզավետ

Սիզավետ (նախկին անվանումները՝ Ծաղկաշեն, Քոռաղբյուր), գյուղ Հայաստանի Շիրակի մարզի Աշոցքի տարածաշրջանում, մարզկենտրոն Գյումրիից մոտ 30 կմ հյուսիս, ծովի մակարդակից 2075 մ բարձրության վրա։ 1946 թվականին վերանվանվել է Ծաղկաշեն, 1967 թ.՝ Սիզավետ։

Անվան այլ կիրառումների համար տե՛ս՝ Ծաղկաշեն (այլ կիրառումներ)

Գյուղ
Սիզավետ
Երկիր	Հայաստան
Մարզ	ՇիրակիՇիրակի մարզ|Շիրակի
Համայնք	Շիրակի մարզ և Ղուկասյանի շրջան
Այլ անվանումներ	Քոռաղբյուր, Ծաղկաշեն
Մակերես	25.6 կմ²
ԲԾՄ	2075 մ
Պաշտոնական լեզու	հայերեն
Բնակչություն	395[1] մարդ (2012)
Ազգային կազմ	հայեր
Կրոնական կազմ	կաթոլիկ հայեր
Ժամային գոտի	UTC+4
Հեռախոսային կոդ	+374 245[2]
Սիզավետ (Հայաստան)

Բնակչություն

Ըստ Հայաստանի 2011 թ. մարդահամարի արդյունքների՝ Սիզավետի մշտական բնակչությունը կազմել է 334, առկա բնակչությունը՝ 306 մարդ^[3]։ Բնակիչերը հայեր են, որոնց նախնիների մի մասը Վրաստանի Նինոծմինդայի շրջանի Հեշտիա և Լոռու գյուղերից գաղթած վերաբնակիչներ են^[4]։

Սիզավետի բնակչության փոփոխությունը ժամանակի ընթացքում՝ ստորև^[5].

Տարի	1873	1897	1926	1931	1939	1959	1970	1979	1989	2001	2011
Բնակիչ	294	729	1031	481	1300	345	321	303	375	318	334[3]

Տնտեսություն

Բնակչությունը զբաղվում է անասնապահությամբ, հացահատիկի և կերային մշակաբույսերի մշակությամբ։

Պատմամշակութային կառույցներ

Սիզավետն ունի Սբ. Ամենափրկիչ եկեղեցի^[6]։ Դպրոցը արձակագիր Պատվական Ղուկասյանի անվամբ է։ Սիզավետում է ծնվել ականավոր բանաստեղծ, թարգմանիչ Հակոբ Մովսեսը։

Գյուղի մոտակայքում գտնվում է Գելոյի ձոր ձորակը։ Այստեղից է սկիզբ առնում Գելոյի ջրանցք անունով ոռոգիչ առուն^[7]։

Տես նաև

• Սիզավետի պատմության և մշակույթի անշարժ հուշարձանների ցանկ (Շիրակի մարզ)

Ծանոթագրություններ

1. ԱՎԾ տվյալներ
2. http://www.cfoa.am/HTML/option/7.htm(չաշխատող+հղում)
3. 2011 թ Հայաստանի մարդահամարի արդյունքները
4. «Հայաստանի և հարակից շրջանների տեղանունների բառարան», հտ. 4, էջ 600
5. «Հայաստանի հանրապետության բնակավայրերի բառարան, էջ 180» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Մայիսի 9-ին.
6. «ՀՀ բնակավայրերի բառարան» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 թ․ հունիսի 6-ին.
7. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 2 [Դ-Կ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 820 — 992 էջ։