Շաղիկ

Շաղիկ (նախկին անվանումը՝ Ղարաբուլաղ), գյուղ Հայաստանի Շիրակի մարզի Ամասիայի տարածաշրջանում, մարզկենտրոն Գյումրիից մոտ 30 կմ հյուսիս-արևմուտք, Արփի լճի հարավարևմտյան ափին։ Շաղիկ է վերանվանվել 1991 թ.-ի ապրիլի 3-ին^[2]։

Գյուղ
Շաղիկ
Երկիր	Հայաստան
Մարզ	ՇիրակիՇիրակի մարզ|Շիրակի
Համայնք	Շիրակի մարզ և Ամասիայի շրջան
Այլ անվանումներ	Ղարաբուլաղ
Մակերես	5.3 կմ²
ԲԾՄ	2050 մ
Պաշտոնական լեզու	հայերեն
Բնակչություն	133[1] մարդ (2012)
Ազգային կազմ	հայեր
Ժամային գոտի	UTC+4
Շաղիկ (Հայաստան)

Բնակչություն

Ըստ Հայաստանի 2011 թ. մարդահամարի արդյունքների՝ Շաղիկի մշտական բնակչությունը կազմել է 88, առկա բնակչությունը՝ 100 մարդ^[3]։ Նախկինում բնակեցված է եղել ադրբեջանցիներով^[4], որոնք հեռացել են Ադրբեջան 1989 թ. հունվար-հունիսին^[5]։ Դրանց փոխարեն 1989-1990 թթ. գյուղում բնակություն են հաստատել Վրաստանի Նինոծմինդայի շրջանից և Բաղրամյանի շրջանի Դալարիկ գյուղից տեղափոխված հայեր^[5]։

Շաղիկի բնակչության փոփոխությունը ժամանակի ընթացքում՝ ստորև^[2].

Տարի	1886	1897	1959	1970	1979	1989	2001	2011
Բնակիչ	185	302	145	217	239	180	85	88[3]

Տնտեսություն

Բնակչությունը զբաղվում է անասնապահությամբ, պտղաբուծությամբ և երկրագործությամբ։

Պատմամշակութային կառույցներ

Շաղիկում կա “Ոսկե ժամ” եկեղեցի, իսկ արևմտյան կողմում է գտնվում Հենաց բերդը։

Տես նաև

• Շաղիկի պատմության և մշակույթի անշարժ հուշարձանների ցանկ (Շիրակի մարզ)

Ծանոթագրություններ

1. ԱՎԾ տվյալներ
2. «Հայաստանի հանրապետության բնակավայրերի բառարան, էջ 153» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2014 Մայիսի 7-ին.
3. 2011 թ Հայաստանի մարդահամարի արդյունքները
4. Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
5. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 4 [Ն-Վ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 64 — 804 էջ։

Արտաքին հղումներ

• Շաղիկ գյուղի էջը CAA կայքում Արխիվացված 2011-08-20 Wayback Machine
• Շաղիկ գյուղի մասին Armeniapedia.org կայքում