Հաշվապահը (ֆիլմ, 2016)

«Հաշվապահը» (անգլ.՝ The Accountant), ամերիկյան թրիլեր մարտաֆիլմ, որի ռեժիսորն է Գևին Օ՛Քոնորը, իսկ սցենարիստն է Բիլ Դուբուքը։ Գլխավոր դերակատարներն են Բեն Աֆլեքը, Աննա Քենդրիկը և Ջեյ Քեյ Սիմոնսը։ Ֆիլմի պրեմիերան կայացել է 2016 թվականի հոկտեմբերի 14-ին^[7]։

Հաշվապահը անգլ.՝ The Accountant
Երկիր	ԱՄՆ
Ժանր	թրիլեր, դրամա, քրեական ֆիլմ, մարտաֆիլմ և միստիկ ֆիլմ
Թեմա	աուտիզմ և քաղաքական սպանություն
Թվական	հոկտեմբերի 20, 2016[1][2], հոկտեմբերի 10, 2016, հոկտեմբերի 14, 2016 և հոկտեմբերի 27, 2016[3]
Լեզու	անգլերեն
Ռեժիսոր	Գևին Օ'Քոննոր[4]
Սցենարի հեղինակ	Բիլ Դյուբյուք
Դերակատարներ	Բեն Աֆլեք[4], Ջեֆրի Թեմբոր[5][4], Աննա Քենդրիկ[4], Ջոն Բերնթալ[4], Ջոնաթան Քիմբլ Սիմոնս[4], Ջոն Լիթգոու[4], Սինթիա-Ադայ Ռոբինսոն, Էլիսոն Ռայթ[4], Ջին Սմարթ[4] և Էնդի Ումբերգեր[4]
Օպերատոր	Շեյմաս ՄակԳարվի
Երաժշտություն	Մարկ Այշեմ
Մոնտաժ	Ռիկ Փիրսոն
Պատմվածքի վայր	Վաշինգտոն[6], Հանովեր[6], Փլեյնֆիլդ[6], Չիկագո[6] և Ցյուրիխ[6]
Նկարահանման վայր	Ատլանտա
Կինոընկերություն	RatPac-Dune Entertainment
Տևողություն	128 րոպե
Բյուջե	44 000 000 $
Շահույթ	155 160 045 $
Պաշտոնական կայքէջ

Սյուժե

Քրիստիան Վուլֆը (Բեն Աֆլեք) հետապնդում է հայտնի հանցագործների։ Նա ունի աուտիզմ։ Արտակարգ լավ տիրապետելով մաթեմատիկայի, նա հաշվապահ է, ով անցկացնում է հաշվապահության «սև» աուդիտ՝ հանցագործ ընկերությունների կողմից անհետացած գումարները գտնելու համար։ Քանի որ նրա աշխատանքը շատ վտանգավոր է, Վուլֆն ունի հմտություններ, որով կարող է ինքն իրեն պաշտպանել․ նա հրաշալի հրաձիգ է և տիրապետում է մարտական տեխնիկայի։

Մի անգամ նրան կարգադրել էին գտնել բարձր տեխնոլոգիա արտադրող մի կազմակերպության անհետացած գումարները։ Կազմակերպությունը օրինական էր աշխատում, սակայն խնդիրներ առաջանում են նաև այնտեղ։

Դերակատարներ

Դերակատար	Դեր
Բեն Աֆլեք	Քրիստիան Վուլֆ
Աննա Քենդրիկ	Դանա Քեմինգս
Ջոնաթան Քիմբլ Սիմոնս	Ռեյ Քինգ
Սինթիա-Ադայ Ռոբինսոն	Մերիբեթ Մադինա
Ջոն Բերնթալ	Բրեքսթոն
Ջոն Լլինթգոու	Լաբար Բլեքբրն
Ջին Սմարթ	Ռիտա Բլեքբրն
Էնդի Ամբերգեր	Էդ Չիլթոն
Ջեֆրի Թեմբոր	Ֆրենսիս Սիլվերբերգ
Ռոն Փրատեր	Ֆրենկ Ռայս
Սյուզան Ուիլյամս	Դոլորես Ռայս
Էլիսոն Ռայթ	Ջյուսթին
Ջեյսոն Դեյվիս	Նյարդաբան, Ջյուսթինի հայրը
Ռոբերտ Ս․ Թրեվիլեր	Քրիստիանի հայրը
Մերի Քրաֆթ	Քրիստիանի մայրը
Սեթ Լի	Փոքրիկ Քրիստիան
Ջեյք Փրեսլի	Փոքրիկ Բրեքսթոն
Իզի Ֆինեչ	Փորիկ Ջասթին

Արտադրություն

2011 թվականին Բիլ Քուդրուփի սցենարը հայտնվեց «լավագույն սցենարների սև ցուցակում»^[8][9]։ 2013 թվականի ապրիլին գլխավոր դերի համար առաջարկվում էր Ուիլ Սմիթի թեկնածությունը։ Որոշ ժամանակ ռեժիսոր ցանկանում էին դառնալ Մել Գիբսոնը և Կոեն եղբայրները։ 2014 թվականի հոկտեմբերի 1-ին հայտնի դարձավ, որ գլխավոր դերը կատարելու է Բեն Աֆլեքը^[10][11]։ 2014 թվականի նոյեմբերի 14-ին Variety֊ին և The Hollywood Reporter֊ը հայտարարեցին, որ Աննա Քենդրիկը և Ջոնաթան Քիմբլ Սիմոնսը լինելու են հիմնական դերասանական կազմում^[12][13]։ Նոյեմբերի 14-ին հայտնի դարձավ, որ Ջոն Բերնթալը կատարելու է դեր ֆիլմում^[14]։ 2015 թվականի հունվարի 6-ին և 14-ին հայտնի դարձավ, որ Սինթիա-Ադայ Ռոբինսոնը, Ջեֆրի Թեմբորը և Ջոն Լլինթգոուն լինելու են ֆիլմի հիմնական կամում^[15][16][17]։

Նկարահանումներ

Նկարահանումները սկսել են 2015 թվականի հունվարի 19-ին Ատլանտայում^[18][19]։ Ամբողջ ֆիլմը նկարահանվել է 35 միլիմետրանոց կինոժապավենի վրա, չնայած թվային տեխնոլոգիաներին անցնելու ընդհանուր միտմանը։ Օպերատոր Շեյմս ՄաքԳրավին ընտրել է այս տեխնիկան, քանի որ նա ճկունորեն կարողանում է հաղթահարել ցանկացած դժվարություն^[20]։

Շարունակություն

2017 թվականի հունիսի 6-ին հայտարարվեց, որ լինելու է «Հաշվապահը» ֆիլմի սիքվելը։ Ֆիլմ վերադառնալու են Բեն Աֆլեքը, ռեժիսոր Քևին Օ՛Քոնորը և սցենարիստ Բիլ Քուդրուփը^[21]։