Աննա Քենդրիկ

Աննա Քենդրիկ (անգլ.՝ Anna Kendrick, օգոստոսի 9, 1985(1985-08-09)^[1][2][3], Փորթլենդ, Մեն, ԱՄՆ^[4])^[6], ամերիկացի դերասանուհի և երգչուհի։ Աննան սկսել է իր կարիերան, երբ դեռ երեխա էր։ 1998 թվականին նա խաղացել է Դինա Լորդի դերում «Broadway»-ի «Բարձր հասարակություն» մյուզիքլում, որի համար նա նոմինացվել է Թոնի մրցանակի որպես մյուզիքլ ամենալավ գլխավոր դերասանուհի։ 2009 թվականին նա միջազգային հեղինակություն ձեռք բերեց «Օդում վերև» ֆիլմում Նատալի Քեների դերում խաղալուց հետո։ Այս ֆիլմի համար նա առաջադրվել է Բրիտանական ակադեմիայի ֆիլմերի մրցանակի, Ոսկե գլոբուսի, Էկրանային դերասանների մրցանակի և Օսկար երկրորդ պլանի լավագույն դերասանուհու համար։

Աննա Քենդրիկ Anna Kendrick
Ծնվել է	օգոստոսի 9, 1985(1985-08-09)[1][2][3] (39 տարեկան)
Ծննդավայր	Փորթլենդ, Մեն, ԱՄՆ[4]
Քաղաքացիություն	ԱՄՆ
Ազգություն	ԱՄՆ
Կրթություն	Deering High School? (2003), Բեյթս քոլեջ և Lincoln Middle School?
Երկեր	Up in the Air?, Կատարյալ ձայն, Մթնշաղ, Սքոթ Փիլիգրիմն ընդդեմ բոլորի և Scrappy Little Nobody?
Մասնագիտություն	երգչուհի, դերասանուհի
Գործունեություն	1998-այժմ
Պարգևներ և մրցանակներ	Թատերական համաշխարհային մրցանակ [5]
Ստորագրություն
Anna Kendrick Վիքիպահեստում

Քենդրիկի այլ դերերից են Ֆրիտցի Վագները «Ճամբար»-ում, Ջեսիկա Սթենլին «Մթնշաղ. Նորալուսին»-ում, Սթեյսի Փիլգրիմը «Սքոթ Փիլգրիմը ընդդեմ աշխարհի»-ում, Բեկա Միտչելտ «Կատարյալ ձայն»-ում և «Կատարյալ ձայն 2»-ում, Ժանետը «Զգոնության վերջ»-ում և Սինդերելան «Անտառում»-ում։ Նա նաև խաղացել է Ջեյսոն Ռոբերտ Բրաունի «Վերջին հինգ տարիները» ֆիլմի ադապտացված տարբերակի մյուզիքլում։

Վաղ կյանքը

Քենդրիկը ծնվել է Փորթլենդ, հաշվապահ Ջենիսի (նի Քուք) և պատմության ուսուցիչ Վիլիամ Քենրիկի, ով նույնպես աշխատում էր ֆինանսական ոլորտում, ընտանիքում^[7]։ Մայրական կողմի պապիկը Ռոնալդն է, իսկ տատիկը Ռութ (նի Սմոլ) Քուկը (1918-2011)^[8][9]։ Քենդրիկը ունի իրենից մեծ եղբայր՝ դերասան Մայքլ Քուք Քենդրիկը, ով խաղացել է 2000 թվականի «Looking for an Echo» ֆիլմում։ Աննան սովորել է Փորթլենդ գտնվող Դիրինգի ավագ դպրոցում^[10]։

Կարիերա

Քենդրիկը 2009 թվականի Տորոնտոյի միջազգային կինոյի փառատոն

1995–2007: Վաղ կարիերա, թատրոն, և «Մթնշաղ»

Քենդրիկը սկսել է իր կարիերան 10 տարեկանում։ Ծնողները օգնում էին նրան և հաճախ նրան տանում էին Փորթլենդ-ից Նյու Յորք լսումների համար։ Նրա առաջին նշանավոր դերը Դինահի դերն էր 1998 թվականի օգոստոսի «Broadway»-ի «Բարձր հասարակություն» մյուզիքլում, երբ Քենդրիկը դեռևս 12 տարեկան էր։ Նա այս ներկայացման համար վաստակեց Համաշխարհային թատրոնի մրցանակ և առաջադրվեց Թոնի մրցանակի և Դրամա դեսկի մրցանակի^[11], Քենդրիկը նաև խաղացել է Ֆրեդրիկա Արմֆելդտի դերը Նյու Յոքր Սիթի օպերայում^[12]։ Իսկ 2003 թվականին նրա ֆիլմային դեբյուտն էր՝ կատակերգական մյուզիքլ «Ճամբար»-ը^[13]։

2007 թվականին նա խաղում է «Հրթիռային գիտություն» ֆիլմում Ջինի Ռայերսոնի դերը, ով ավագ դպրոցում արագ խոսելու առաջնության մասնակից է։ Քենդրիկը ասել է, որ այդ դերը շատ բարդ ու վախեցնող իրական ազգային ուսանողական առաջնության բանավեճը դիտելուց հետո։ Քենդրիկի ներկայացումը գովաբանվել է քննադատների կողմից, իսկ Քենդրիկը առաջադրվել է Անկախ մրցանակի որպես երկրորդ պլանի լավագույն դերասանուհի^[14]։ Հետագայում, նրան հրավիրում են «Մթնշաղ»-ում Ջեսիկա Սթենլիի դերը խաղալու համար^[15]։ Սակայն Քենդրիկը շուտով հիվանդանում է և չի կարողանում մասնակցել, սակայն նրան դեր է տրվում հաջորդ սեսիայի համար^[16]։

2009–այժմ։ «Օդում վերև»

Քենդրիկը 2010 թվականին

Քենդրիկի թատրոնում երգելու փորձերը տվեցին նրան հնարավորություն նկարահանվելու «Մարկ Փիսի փորձը» ֆիլմում, որտեղ նա հանդես է գալիս որպես ավագ դպրոցի շրջանավարտ, ով ներգրավված է երաժշտական թատրոնում^[13][17]։ Նա նաև խաղացել է 2009 թվականի «Մեկ ուրիշ տեղ» ֆիլմում, որտեղ նա խաղում է իր առաջին գլխավոր դերը^[13] Գլխավոր դերը է խաղացել նաև ռեժիսոր Ջեյսոն Ռեյթմենի «Օդում վերև» ֆիլմում, որը հիմնված է Վոլթեր Քիրնի «Օդում վերև» նովելի վրա^[18]։ «Օդում վերև» ֆիլմի դերի համար Կինոքննադատների ազգային խորհուրդը արժանացրել է նրան Երկրորդ պլանի լավագույն դերասանուհու կոչման^[19]։ Բայց այս Քենդրիկը արժանացել է նոմինացիաների այլ մի շարք քննադատական պարգևների կողմից, ինչպիսիք են՝ Ոսկե գլոբուսը^[20][21],, Օսկար։

Նա խաղացել է Ջեսիկա Սթենլիի դերը «Մթնշաղ. Խավարում» ֆիլմում։ Սցենարի հեղինակ Մելիսա Ռոզենբերգը մշակել է ավարտական ելույթի ճառ այդ հերոսի համար, ինչը նովելի մաս չէր կազմում^[22]։ Քենդրիկը նաև նկարահանվել է Էդգար Ռայթի ադապտացրած «Սքոթ Փիլգրիմն ընդդեմ աշխարհի» ֆիլմում^[23]։ Քենդրիկը խաղացել է Սթեյսի Փիլգրիմի դերը, ով գլխավոր հերոսի քույրն էր։ 2010 թվականին Քենդրիկը նկարահանվում է ԷլՍիԴի հնչյունային համակարգի «Փոու Փոու» երգի երաժշտական տեսահոլովակում^[24]։ 2010 թվականի հոկտեմբերին նա մասնակցում է 2010 թվականի Մեխիկոյի թոփ հմայք մրցանակաբաշխությանը, որտեղ նա նվաճում է «Ամենալավ միջազգային դերասանուհի» մրցանակը^[25]։

2011 թվականին նա նկարահանվում է դրամատիկական կատակերգությունում՝ «50/50» ֆիլմում։ Նա նաև խաղում է «Մթնշաղ. Լուսաբաց` Մաս 1»-ում Ջեսիկ Սթենլիի դերը։ 2012 թվականին նա խաղում է «Ինչ ակնկալել, երբ ակնկալում ես» ֆիլմում Ռոզիի դերը։ Նաև հնչյունավորել է Քորթնի հերոսին «ՊարաՆորման» անիմացիոն ֆիլմում^[26]։ Քենդրիկը խաղացել է «Կատարյալ ձայն» ֆիլմում Բեկայի դերը, ով քոլեջի ըմբոստ ուսանողուհի է և, ունենալով լավ ձայն, ընդգրկվում է դպրոցի ակապպելլա խմբում։ Քենդրիկը նաև մասնակցում է ֆիլմի սաունդթրեքի ձայնագրմանը։ 2012 թվականին նա նկարահանվում է «Զգոնության վերջ» ոստիկանական դրամայում՝ խաղալով Ժանետի դերը, և «Միություն, որը դու պահում ես» քաղաքական թրիլերում։

2013 թվականին Քենդրիկը ձայնագրում է «Բաժակներ» երգը «Կատարյալ ձայն» ֆիլմի համար։ Այս երգը դառնում է Բիլբոարդի մեծահասակների փոփ երգերի շարքում երկրորդ հիթը։ Քենդրիկի SNL-ում հյուրընկալման դեբյուտը 2014 թվականի ապրիլի 5-ն էր Ֆարելի հետ^[27]։

2014 թվականին Քենդրիկը նկարահանվում է «Վերջին հինգ տարիները» ֆիլմում, որի պրեմիերան տեղի է ունենում սեպտեմբերին Տորոնտոյի ֆիլմերի փառատոնի ժամանակ^[28][29][30]։ Նա նաև նկարահանվում է «Շնորհավոր Սուրբ Ծնունդ», «Կյանք Բեթից հետո», «Ձայները» և «Տորթ» ֆիմերում։

2015 թվականին նա նկարահանվում է «Կատարյալ ձայն 2» ֆիլմում, որը «Կատարյալ ձայն»-ի շարունակությունն է։ Նա խաղում է Բեկա Միտչելի դերը։ Ֆիլմի դեպքերը տեղի են ունենում նախորդից երեք տարի հետո։ Քենդրիկը նաև խաղում է «Պեղում կրակի համար»-ում։

Քենդրիկը նկարահանվում է մի քանի ֆիլմերում, որոնք դեռևս հետարտադրությունում են կամ դեռ չեն հեռարձակվել։ Այդ ֆիլմերից են «Հոլարները», «Ստացի՛ր աշխատանք», «Պարոն Ռայթ» և

«Հաշվապահը»։ Քենդրիկը նաև պետք է խաղա Ռեբել Վիլսոնի հետ «Կատարյալ ձայն 3»-ում, որը պետք է հեռարձակվի 2017 թվականին^[31]։

Ֆիլմագրություն

Ֆիլմ

Տարի	Անվանում	Դեր	Նշումներ
2003	Ճամբար	Ֆրիտցի Վագներ
2007	Հրթիռային գիտություն	Ջինի Ռայերսոն
2008	Մթնշաղ	Ջեսիկա Սթենլի
2009	Մեկ ուրիշ տեղ	Սառա
2009	Մարկ Փիսի փորձը	Մեգ Բրիքմեն
2009	Մթնշաղ. Նորալուսին	Ջեսիկա Սթենլի
2009	Օդում վերև՛'	Նատալի Քեներ
2010	Մթնշաղ. Խավարում	Ջեսիկա Սթենլի
2010	Սքոթ Փիլգրիմը ընդդեմ աշխարհի	Սթեյսի Փիլգրիմ
2011	50/50	Քեթրին ՄակՔեյ
2011	Մթնշաղ. Լուսաբաց` Մաս 1	Ջեսիկա Սթենլի
2012	Ինչ ակնկալել, երբ դու ակնկալում ես	Ռոսի Բրենան
2012	ՊարաՆորման	Քորթնի Բեբքոք (հնչյունավորում)
2012	Զգոնության վերջ	Ժանետ
2012	Կատարյալ ձայն	Բեկա Միտչել
2012	Մթնշաղ. Լուսաբաց` Մաս 2	Ջեսիկա Սթենլի
2012	Միություն, որը դու պահում ես	Դիանա
2013	Խմող ընկերները	Ջիլ
2013	Ռեպտչր-Պալուզա	Լինդսեյ Լեվիս
2014	Շնորհավոր Սուրբ Ծնունդ	Ջենի
2014	Կյանք Բեթից հետո	Էրիկա Վեքսլեր
2014	Ձայներ	Լիզա
2014	Վերջին հինգ տարիները	Քեթի Հայթ
2014	Տորթ	Նինա
2014	Դեպի անտառները	Սայնդերելա
2015	Պեղում կրակի համար[32]	Ալիսիա
2015	Կատարյալ ձայն 2	Բեկա Միտչել
2015	Հոլարները	Ռեբեկա
2015	Ստացի՛ր աշխատանք	Ջիլիան Ստյուարտ
2015	Պարոն Ռայթ	Մարթա
2016	Հարսանեկան տենդ	Էլիս
2016	Տրոլներ	Վարդ
2016	Հաշվապահը	Դանա
2017	Սեղան №19	Էլոիզ ՄակԳարին
2017	Կատարյալ ձայն 3	Բեկա Միտչել («Բելլա»)
2018	Պարզ խնդրանք	Սթեֆանի Սմոզերս

Հեռուստատեսություն

Տարի	Անվանում	Դեր	Notes
2003	Քաղաքագլուխը	Սեդի Վինթերհոլթեր	Ֆիլմ
2007	Վիվա Լոֆլին	Հոլլի	Սերիա։ «Ինչ է ցանկանում կետը»
2009	Վախն ինքն իր հետ	Շելբի	Սերիա։ «Հոգու արկղը»
2012	Ընտանիքի մարդը	Նորա (հնչյունավորում)	Սերիա։ «Ներքին խնդիրներ»
2013	Կատակերգություն Բենգ, Բենգ	Ինքն իրեն	Սերիա։ «Աննա Քենդրիկը կրում է գծավոր վերնաշապիկ և մուգ կարմիր գույնի տաբատ»
2014	Շաբաթ օրվա ուրախ գիշերը	Ինքն իրեն (հյուր)	Սերիա։ «Աննա Քենդրիկ/Ֆարել Վիլյամս»[33]

Թատրոն

Տարի	Անվանում	Դեր	Նշումներ
1998	Բարձր հասարակություն	Դինա Լորդ	Սբ․ Ջեյմս թատրոն
2003	Մի քիչ գիշերային երաժշտություն	Ֆրեդրիկա Արմֆելդտ	Նյու Յորքի օպերա

Երաժշտական տեսահոլովակներ

Տարի	Անվանում	Կատարող
2010	«Փոու Փոու»	ԷլՍիԴի հնչյունային համակարգ
2012	«Ամեն դեպքում արա՛ այն»	Բեն Ֆոլդս Ֆայֆ
2013	«Բաժակների երգը»	Ինքն իրեն

Սկավառագրություն

Սինգլներ

Անվանում	Տարի	Դիրքը աղյուսակներում							Հավաստագրեր	Ալբոմ
		US	AUS	AUT	CAN	IRE	NZ	UK
«Բաժակների երգը»	2013	6	44	75	12	26	26	71	RIAA: 3× պլատին[34] ARIA: պլատին[35] RMNZ: ոսկի	«Կատարյալ ձայն» ֆիլմի սաունդթրեք