Ծաղկաշեն (Գեղարքունիքի մարզ)

Ծաղկաշեն, գյուղ Հայաստանի Գեղարքունիքի մարզի Գավառ համայնքում^[2]։

Անվան այլ կիրառումների համար տե՛ս՝ Ծաղկաշեն (այլ կիրառումներ)

Գյուղ
Ծաղկաշեն
Երկիր	Հայաստան
Մարզ	Գեղարքունիքի մարզԳեղարքունիքի մարզ
Համայնք	Գեղարքունիքի մարզ և Կամոյի շրջան
Մակերես	13,2 կմ²
ԲԾՄ	2160 մ
Պաշտոնական լեզու	Հայերեն
Բնակչություն	▼470 մարդ (2011)[1]
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Ծաղկաշեն (Գեղարքունիքի մարզ) (Հայաստան) Ծաղկաշեն (Գեղարքունիքի մարզ) (Գեղարքունիքի մարզ)
Ծաղկաշեն Վիքիպահեստում

Գտնվում է Գեղամա լեռների արևելյան լանջին, Գելոյիձոր գետի ափին, մարզկենտրոն Գավառից մոտ 6 կմ հարավ-արևմուտք։ Բնակավայրը գտնվում է ծովի մակարդակից 2120-2180 մ բարձրության վրա։ Բնակչությունը՝ 470 մարդ (2011 թ.)^[3], հայեր։

Քյարիմքենդ անվան տակ ընդգրկված է եղել Ցարական Ռուսաստանի Երևանի նահանգի Նոր Բայազետի գավառում։ Խորհրդային տարիներին մասն է կազմել Հայկական ԽՍՀ Նոր Բայազետի գավառի, 1930 թվականից՝ Նոր Բայազետի շրջանի։ Վերանվանվել է Ծաղկաշեն 1942 թ. մարտի 2-ին^[4]։ 1995 թվականից մտնում է Հայաստանի Գեղարքունիքի մարզի մեջ։

Բնակչությունը զբաղվում է անասնապահությամբ։ Ծաղկաշենի արևմտյան մասում կա Սուրբ Հովհաննես եկեղեցի (9-10 րդ դդ.), 9-16-րդ դդ. խաչքարերով գերեզմանոց։ Գյուղից 3 կմ հարավ-արևմուտք գտնվում են «Ուխտավեր» գյուղատեղին (13-17-րդ դդ.) և համանուն մատուռը (13-14 րդ դդ.)^[5]։

Բնակչություն

Ըստ Հայաստանի 2011 թ. մարդահամարի արդյունքների՝ Ծաղկաշենի մշտական բնակչությունը կազմել է 470, առկա բնակչությունը՝ 414 մարդ^[3]։ Բնակիչները հայեր են, որոնց նախնիների մեծ մասը գաղթել է Ալաշկերտի Արծափ գյուղից, մնացածները՝ Գանձակից^[4]։ Ծաղկաշենի բնակչության փոփոխությունը ժամանակի ընթացքում՝ ստորև.

Տարի	Բնակչություն
1873	289 մարդ	[6]
1897	526 մարդ	[6]
1926	785 մարդ	[6]
1939	787 մարդ	[6]
1959	424 մարդ	[6]
1970	448 մարդ	[6]
1979	384 մարդ	[6]
1989	453 մարդ	[6]
2001	551 մարդ	[6]
2011	470 մարդ	[1]

Տես նաև

• Գեղարքունիքի մարզ