Իվան Վոլինկին

Իվան Կիրիլովիչ Վոլինկին (ռուս.՝ Ива́н Кири́ллович Волы́нкин, մարտի 11, 1959(1959-03-11)), ռուս դիվանագետ։ Հայաստանում ՌԴ արտակարգ և լիազոր դեսպան։

Իվան Վոլինկին
Ծնվել է	մարտի 11, 1959(1959-03-11) (65 տարեկան)
Քաղաքացիություն	Ռուսաստան
Կրթություն	Միջազգային հարաբերությունների Մոսկվայի պետական ինստիտուտ
Մասնագիտություն	դիվանագետ
Զբաղեցրած պաշտոններ	ambassador of Russia to Armenia?
Պարգևներ և մրցանակներ	և
Ivan Volynkin Վիքիպահեստում

Կենսագրություն

1981 թվականին ավարտել է Միջազգային հարաբերությունների Մոսկվայի պետական ինստիտուտը։ Դիվանագիտական աշխատանքով սկսել է զբաղվել 1981 թվականից։

• 1981—1987 թվականներին եղել է Հարավսլավիայում ԽՍՀՄ դեսպանատան աշխատակից։
• 1991—1996 թվականներին եղել է Հարավսլավիայում Ռուսաստանի դեսպանատան աշխատակից։
• 1999—2002 թվականներին աշխատել է Սան Ֆրանցիսկոյում (ԱՄՆ) Ռուսաստանի դեսպանատանը որպես հյուպատոսության գլխավոր աշխատակից։
• 2003 թվականին եղել է Սերբիայում և Չեռնոգորիայում Ռուսաստանի դեսպանության աշխատակից։
• 2005—2008 թվականներին աշխատել է Վրաստանում Ռուսաստանի դեսպանությունում որպես խորհրդական-դեսպանորդ։
• 2008 թվականի օգոստոս-նոյեմբեր ամիսներին եղել է Մակեդոնիայի Հանրապետությունում Ռուսաստանի դեսպանության խորհրդական-դեսպանորդը։
• 2009—2013 թվականներին եղել է Ռուսաստանի արտաքին գործերի նախարար Սերգեյ Լավրովի օգնականը, նաև Ռուսաստանի ԱԳՆ Գլխավոր քարտուղարության տնօրենի տեղակալ։
• 2013 թվականի մարտի 21-ին^[1] նշանակվել է Հայաստանում Ռուսաստանի արտակարգ և լիազոր դեսպան։ Հավատարմագրերը հանձնել է 2013 թվականի մայիսի 25-ին^[2]։

Դիվանագիտական աստիճան

• Երկրորդ կարգի արտակարգ և լիազոր դեսպանորդ (2007 թվականի հոկտեմբերի 24)^[3].
• Առաջին կարգի արտակարգ և լիազոր դեսպանորդ (2014 հունիսի 4)^[4]։

Ընտանիք

Ամուսնացած է, ունի չափահաս դուստր և որդի։

Ծանոթագրություններ

1. ՌԴ Նախագահի 21.03.2013 № 262 հրամանը «Ի. Կ. Վոլինկինին Հայաստանի Հանրապետությունում Ռուսաստանի Դաշնության արտակարգ և լիազոր դեսպան նշանակելու մասին»(չաշխատող հղում)
2. Հայաստանի Հանրապետությունում Ռուսաստանի Դաշնության արտակարգ և լիազոր դեսպան Իվան Վոլինկինը հավատարմագրերն է հանձնել Հայաստանի Հանրապետության Նախագահ Սերժ Սարգսյանին
3. «ՌԴ Նախագահի 24.10.2007 № 1412 հրամանը «Դիվանագիտական աստիճան շնորհելու մասին»». Արխիվացված է օրիգինալից 2014 թ․ հուլիսի 14-ին. Վերցված է 2017 թ․ հունիսի 12-ին.
4. ՌԴ Նախագահի 04.06.2014 № 397 հրամանը «Դիվանագիտական աստիճան շնորհելու մասին»

Արտաքին հղումներ

• Վոլինկինի կենսագրությունը Հայաստանում Ռուսաստանի դեսպանության կայքում
• Վոլինկինի կենսագրությունը ՌԴ ԱԳՆ կայքում