Երեք տենոր

Երեք տենոր, դասական օպերային թատրոնի ճանաչված եռյակ, ստեղծված իսպանացի երգիչներ Պլասիդո Դոմինգոյի, Խոսե Կարերասի և իտալացի երգիչ Լուչանո Պավարոտտիի մասնակցությամբ։ Այդ անվան ներքո նրանք համերգներ են ունեցել 1990-2003 թվականներին։ Նրանց համագործակցությունը սկսվել է 1990 թվականի հուլիսի 7-ին հինավուրց «Կարակալայի բաղնիքներում» տեղի ունեցած համերգից հետո` 1990 թվականին ֆուտբոլի աշխարհի առաջնության նախօյակին։ Հունաստանի օպերային թատրոնի նվագախմբի դիրիժորը Զուբին Մետան էր^[1]։

Երեք տենոր
Ժանրեր	օպերա և դասական փոփ
Գործիքներ	վոկալ
Գործունեություն	1990

Պատմություն

Իտալացի ռեժիսոր Մարիո Դրադեն ծրագրում էր 1990 թվականին Հռոմում անցկացնել իր առաջին համերգը։ Համերգի ամբողջ նպատակը հավաքել միջոցներ Խոսե Կարերասի «José Carreras International Leukaemia Foundation» ֆոնդի համար։ Բացի դրանից այդ համերգը առիթ էր Լուչանո Պավարոտիի և Խոսե Դոմինգոյի համար ողջունելու իրենց ընկերոջ` Խոսե Կարերասի վերադարձը օպերային արվեստ, քանի որ դրանից առաջ վերջինս լեյկոզի հաջող կուրս էր անցել։ Արդյունքում նրանք միասին ներկայացան Լոս-Անջելոսի Դոջեր ստադիոնում 1994 թվականին Մարսյան դաշտում կայանալիք աշխարհի առաջնության նախօրյակին, Էյֆելյան աշտարակի ստորոտում 1998 թվականին ֆուտբոլի աշխարհի առաջնությանը, ինչպես նաև 2002 թվականին Հոնկոնգի առաջնության խաղերին։

1990-1994 թվականներին մեծ հաջողություններից հետո տենորները մեկնեցին համաշխարհային ուղևորության՝ ներկայանալով մեծ արենաներում և մարզադաշտերում։ 1996 թվականին նրանք համերգներ ունեցան Տոկիոյի Ազգային օլիմպիական մարզադահլիճում, Լոնդոնի «Ուեմբլի» ստադիոնում, Վիենայի Էրնստ-Հապել ստադիոնում, Նյու Յորքի «Giants Stadium» ստադիոնում, Գյուտեբերգի Ուլեվի ստադիոնում, Մյունխենի Օլիմպիական մարզադաշտում, Դյուսելդորֆի «Rheinstadion» ստաֆիոնում, և նոր տարվա նախօրյակին Վանկուվերի Դի-Սի Պեյսի ստադիոնում։ 1997 թվականին համերգները շարունակվեցին Մելբուրնի Կրիկետ Գրաունդ ստադիոնում, Տորոնտոյի Ռոջերս կենտրոնում, Մայամիի Սան Լայֆ ստադիոնում և Բարսելոնայի Կամպ Նոու ստադիոնում։ Եզրափակիչ համերգը պետք է տեղի ունենար Հյուսթոնում, բայց տեղի չունեցավ տոմսերի քիչ քանակի վաճառքի պատճառով։

Սկավառակագրություն

• Carreras Domingo Pavarotti in Concert
• The Three Tenors in Concert 1994 (Երկու ալբոմներն են տեղ են գտել առաջին հորիզոնականներում և ունեցել են արտոնագրված վաճառք ինչպես ոսկե, այնպես էլ մուլտիպլատինային մակարդակներով)
• The Three Tenors in Concert — Paris 1998
• The Three Tenor Christmas. 2000 Sony

Գրականություն

• Lewis M. The Private Lives of the Three Tenors: Behind the Scenes with Plácido Domingo, Luciano Pavarotti, and José Carreras. Boulevard Books, 1998.
• Shear N. The Three Tenors. Metro Books, 1998.

Պատկերասրահ

• 
  Պլասիդո Դոմինգո
• 
  Լուչանո Պավարոտտի
• 
  Խոսե Կարերաս

Ծանոթագրություններ

1. «Autunno 1990» (իտալերեն). Hit Parade Italia. 1990. Վերցված է 2014 թ․ սեպտեմբերի 12-ին.