Անտոնի Բրոդովսկի

Անտոնի Բրոդովսկի (լեհ.՝ Antoni Brodowski, դեկտեմբերի 26, 1784(1784-12-26)^[1][2], Վարշավա, Ռեչ Պոսպոլիտա - մարտի 31, 1832(1832-03-31)^{[3][4][5][…]}, Վարշավա, Ռուսական կայսրություն), լեհ նկարիչ, մանկավարժ, լեհական նկարչության կլասիցիզմի ամենամեծ ներկայացուցիչը։

Անտոնի Բրոդովսկի
Ծնվել է	դեկտեմբերի 26, 1784(1784-12-26)[1][2]
Ծննդավայր	Վարշավա, Ռեչ Պոսպոլիտա
Վախճանվել է	մարտի 31, 1832(1832-03-31)[3][4][5][…] (47 տարեկան)
Մահվան վայր	Վարշավա, Ռուսական կայսրություն
Քաղաքացիություն	Ռուսական կայսրություն և Ռեչ Պոսպոլիտա
Մասնագիտություն	նկարիչ
Ժանր	դիմապատկեր
Թեմաներ	գեղանկարչություն
Աշակերտներ	Aleksander Lesser?
Անդամակցություն	Գիտության ընկերների վարշավյան ընկերություն
Զավակներ	Tadeusz Brodowski?[6] և Józef Brodowski?
Antoni Brodowski Վիքիպահեստում

Կենսագրություն

Անտոնի Բրոդովսկին ծնվել է 1784 թվականին Վարշավայում։ Բրոդովսկու ուսուցիչներն են եղել Ֆելիքս Իվո Լեյխերը, Կապպլերը և այլք։ Նկարչություն է ուսումնասիրել Փարիզում Ժակ Լուի Դավիդի և Ֆրանսուա Ժերարի մոտ։

1814 թվականին վերադարձել է Վարշավա։ «Սավուղի զայրույթն ընդդեմ Դավթի» նկարի համար ոսկե մեդալի արժանանալուց հետո ստանում է Վարշավայի համալսարանի կերպարվեստի ֆակուլտետի գեղանկարչության և նկարչության պրոֆեսորի պաշտոնը։

1822 թվականին Բրոդովսկին ընդունվում է Վարշավայի գիտության ընկերների ասոցիացիա։ Նկարչի աշակերտներից են եղել Ռաֆալ Հաձևիչը, Յան Նեպոմուցեն Գլովացկին և Յակուբ Տատարկևիչը։

Բրոդովսկին նկարել է դիցաբանական և աստվածաշնչյան թեմաներ, ինչպես նաև ունի պատմական կտավներ և բազմաթիվ դիմանկարներ։ Նրա որդիները` Յուզեֆն ու Տադեուշը, նույնպես նկարիչներ են եղել։

Անտոնիո Բրոդովսկին «Արվեստի դպրոցի դիրքորոշում» (1824) տեսական աշխատանքի հեղինակն է։

Ստեղծագործություններ

Էդիպն ու Անտիգոնան

• Յուլիան Նեմցևիչի դիմանկարը
• Արքեպիսկոպոս Շեպան Խոլովչիկի դիմանկարը (1828)
• Ստանիսլավ Պոտոցկու դիմանկարը
• Թագավորի եղբոր դիմանկարը
• Սավուղի զայրույթն ընդդեմ Դավթի
• Էդիպն ու Անտիգոնան
• Յուզեֆ Պոնյատովսկու դիմանկարը
• Պարիսը փրյուգիական թասակով
• Ալեքսանդր I-ը Վարշավայի համալսարանին դիպլոմ է հանձնում
• Լյուդովիկ Օսինսկու դիմանկարը
• Վոյցեխ Բոգուսլավսու դիմանկարը

Ծանոթագրություններ

1. Bibliothèque nationale de France data.bnf.fr (ֆր.): տվյալների բաց շտեմարան — 2011.
2. Կերպարվեստի արխիվ — 2003.
3. RKDartists (նիդերլ.)
4. Anton Brodowski — OUP, 2006. — ISBN 978-0-19-977378-7
5. Sroczyńska K. Brodowski, Antoni // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T011450
6. Union List of Artist Names — 2010.

Գրականություն

• Бродовский, Антон // Энциклопедический словарь Брокгауза и Ефрона : в 86 т. (82 т. и 4 доп.). - СПб., 1890-1907.

Վիքիպահեստն ունի նյութեր, որոնք վերաբերում են «Անտոնի Բրոդովսկի» հոդվածին։