Tesla Roadster (2008)

Tesla Roadster, սպորտային էլեկտրոմոբիլ, ամերիկյան «Tesla» ընկերության առաջին ավտոմեքենան։ Թողարկվել է 2008-2012 թվականներին, հավաքվել է շուրջ 2600 մեքենա^[1][2]։ Ավտոմեքենան արժե շուրջ 110 հազար ԱՄՆ դոլար^[3]։

Tesla Roadster
Ընդհանուր տվյալներ
Տեսակ	ավտոմեքենայի մոդել
Արտադրող	Տեսլա
Հաջորդ	Tesla Roadster (second generation)? և Tesla Model S?
Դաս	Սպորտային ավտոմեքենա, էլեկտրական ավտոմեքենա և Էլեկտրական մարտկոցային մեքենա
Անիվային բազա	2352 միլիմետր
Կայք	teslamotors.com
Tesla Roadster (2008) Վիքիպահեստում

Պաշտոնապես ներկայացվել է 2006 թվականի հուլիսի 19-ին Կալիֆոռնիայի Սանտա Մոնիկա քաղաքում։

Tesla Roadster-ը կարող է բացել մինչև 100 կմ/ժ արագություն 4 վայրկյանից քիչ ժամանակում։ Առավելագույն արագությունը սահմանափակված է 201,1 կմ/ժ-ով^[4]։ Լիթիումիոնային (Li-ion) մարտկոցը բավականացնում է 300-ից 400 կմ վարելու համար։ Ակումուլյատորի ամբողջական լիցքավորման համար հարկավոր է 3,5 ժամ։

Պատմություն

Ըստ ընկերության հայտարարության՝ սերիական արտադրությունը սկսվել է 2008 թվականի մարտի 17-ին, թեպետ գնորդներին վաճառքը սկսվել է մի քանի ամիս անց^[5]։

2009 թվականի սեպտեմբերի դրությամբ վաճառվել էր 700 ռոդսթեր^[6]։

2010 թվականին ընկերությունը սկսել է արտադրել և վաճառել աջակողմյան ղեկ ունեցող մեքենաներ Մեծ Բրիտանիայի, Ավստրալիայի, Ճապոնիայի, Հոնկոնգի և Սինգապուրի շուկաների համար։ Նույն տարում ներկայացվել է Tesla Roadster 2,5 տարբերակը^[7]։

2010 թվականի մայիսին Tesla Motors ընկերությունը Տոյոտայից ստացել է 50 միլիոն դոլար ներդրում, որով ձեռք է բերել նախկինում Տոյոտային պատկանող NUMMI փակ գործարանը։

2500 մեքենա մատակարարելու մասին Lotus-ի հետ պայմանագրի ժամկետն ավարտվել է 2011 թվականի վերջին։ 2011 թվականի օգոստոսին ընկերությունը դադարել է հայտեր ընդունել ամերիկյան շուկայում^[8]։ Tesla Roadster մոդելի արտադրությունը դադարել է 2012 թվականի հունվարին։ 2012 թվականի ամռանը Գուդվուդում ներկայացվել է Roadster 2.5 ռեստայլինգացված տարբերակը, մեքենան ուներ փոփոխված ռադիատորային ցանց, առջևի և հետևի բախարգելներ։

2014 թվականի սեպտեմբերի 29-ին Tesla Motors-ը հայտարարել է մոդելի աննշան թարմացման մասին։ Այն կոչվուկմ էր՝ Tesla Roadster 3.0 և ուներ բարելավված աերոդինամիկա, մինչև 70 կՎտ/ժամ հզորությամբ ակումուլյատոր^[9]։

Roadster-ի նոր սերուդը, որը ստեղծվել էր Model 3-ի հիմքով պլանավորվում էր թողարկել 2019 թվականին^[10][11]։

2010 թվականին Դետրոյթի միջազգային ավտոսրահում ներկայացվել է Tesla Roadster-ի հոբելյանական նմուշը։ Ընկերության ղեկավար Իլոն Մասկը հայտարարել է, որ թողարկվել է Tesla Roadster-ի 1000 օրինակ։ 1000-րդ Tesla Roadster-ը առանձնանում է յուրահատուկ ինտերիերով։ Այն արժե 175 հազար դոլար, և մեքենայի վաճառքից ստացված գումարը օգտագործվում է բարեգործական նպատակներով^[12]։ 2018 թվականի փետրվարի 6-ին Իլոն Մասկի անձնական Tesla Roadster-ը ուղարկվել է տիեզերք՝ որպես SpaceX ընկերության կողմից ստեղծված «Falcon Heavy» կրորղ հրթիռի օգտակար բեռ^[13][14]։ Tesla Roadster-ը առաջին սերիական ավտոմեքենան էր տիեզերքում․ Մինչ այդ ուղարկվել է միայն 3 հատուկ մշաված լուսնային ավտոմեքենա^[15]։

Tesla Model S

Հիմնական հոդված՝ Tesla Model S

2009 թվականին ընդունվել է Tesla-ի նոր, ավելի էժան մոդելի՝ Tesla Model S-ի շուրջ 1000 նախապատվեր^[6]։ Այն ներկայացվում է որպես սովորական ավտոմեքենայի փոխարինող, ունի ակումլյատորի՝ առանց լիցքավորման 257, 418 և 483 կմ վազքի ընտրության հնարավորություն։ Մինչև 100 կմ/ժ արագությունը հավաքում է 5-6 վայրկյանում, ակումլյատորը լիցքավորվում է մինչև 75 % 45 րոպեում։ Model S-ի արժեքը շուրջ 2 անգամ ցածր է և կազմում է 49 հազար դոլար՝ ԱՄՆ կառավարության հարկերը ներառյալ։ Արտադրությունը պլանավորվում էր 2010 թվականի վերջին։

Brabus

2008 թվականի նոյեմբերի 29-ին Brabus արհեստանոցը ներկայացրել է ռոդսթերի ավարտուն տարբերակը։ Նոր մոդելի հիմնական առանձնաահատկությունը «շրջապատող աղմուկի գեներատորն» էր։ Դրա շնորհիվ մեքենան ուներ V8 շարժիչով մեքենայի կամ մրցավազքային մոդելի ձայն։ Հասանելի էին նաև Beam և Warp մտացածին ձայները։ Ձայնի ինտենսիվությունը և ուժգնությունը կարգավորվում է ավտոմատ կերպով՝ կախված արագությունից։ Ռոդսթերն ունի 19 դյույմանոց դիսկեր, սպիտակ է, սրահը սև և սպիտակ է՝ կաշվի, զամշի և ալյումինի հատվածներով^[16]։

Պատկերասրահ

• 
  Tesla Roadster Sport
• 
  Tesla Roadster-ի տեսքը հետևից
• 
  Tesla Roadster-ի ինտերիերը

Ծանոթագրություններ

1. Damon Lavrinc (2011 թ․ դեկտեմբերի 16). «This is the last Tesla Roadster». Autoblog Green. Արխիվացված է օրիգինալից 2012 թ․ հունվարի 7-ին. Վերցված է 2011 թ․ դեկտեմբերի 17-ին.
2. Bortzfield, Bill (2011 թ․ դեկտեմբերի 23). «First Coast Gears: Tesla celebrates "Final 5" Roadsters, attention now turns to Model S». First Coast News. Վերցված է 2014 թ․ փետրվարի 25-ին.(չաշխատող հղում)
3. «TESLA FINALLY TURNS A PROFIT». Wired. 2009 թ․ հուլիսի 8.
4. 125 миль в час, «アーカイブされたコピー». Արխիվացված է օրիգինալից 2007 թ․ հոկտեմբերի 24-ին. Վերցված է 2010 թ․ հուլիսի 20-ին. Tesla Motors — performance specs(անգլ.)
5. We have begun regular production of the Tesla Roadster(անգլ.)
6. Tesla Delivers 700th Vehicle, Closes New $82.5M Round
7. «Электросуперкар Tesla Motors». Արխիվացված է օրիգինալից 2013 թ․ սեպտեմբերի 21-ին. Վերցված է 2013 թ․ օգոստոսի 23-ին.
8. «Farewell Roadster: Tesla Will Stop Taking Orders for its Iconic EV in Two Months». Արխիվացված է օրիգինալից 2012 թ․ հունիսի 2-ին.
9. «Увеличенный запас хода Тесла Roadster 3.0». Արխիվացված է օրիգինալից 2014 թ․ դեկտեմբերի 30-ին. Վերցված է 2022 թ․ մայիսի 12-ին.
10. «В сети появилась свежая информация о Tesla Roadster второго поколения». UINCAR. 10.08.2015. Արխիվացված է օրիգինալից 2016 թ․ մարտի 9-ին. Վերցված է 2015 թ․ օգոստոսի 10-ին.
11. Ballaban, Michael (2015 թ․ հուլիսի 17). «The Tesla Model S Just Got Upgraded to LUDICROUS SPEED». Jalopnik.
12. Артем Терехов (15 января 2010). «Электросуперкар Tesla Roadster отмечает юбилей». 3DNews. Արխիվացված է օրիգինալից 2010 թ․ հունվարի 16-ին. Վերցված է 17 января 2010-ին.
13. «SpaceX запустила в космос ракету Falcon Heavy с кабриолетом Tesla». Русская служба Би-би-си. 2018 թ․ փետրվարի 7. Վերցված է 2018 թ․ փետրվարի 7-ին.
14. Mark Matousek (2018 թ․ փետրվարի 6). «http://www.businessinsider.com/why-elon-musk-is-launching-tesla-roadster-into-space-2018-2». Business Insider. {{cite web}}: External link in |title= (օգնություն)
15. Kyle Hyatt (2018 թ․ փետրվարի 6). «Elon Musk's Tesla Roadster is a little late to the space car party». CNET.
16. «Ателье Brabus занялось тюнингом электромобилей». Лента.ру. 14 ноября 2008. Արխիվացված է օրիգինալից 2012 թ․ փետրվարի 16-ին. Վերցված է 17 января 2010-ին.

Արտաքին հղումներ

• Roadster-ը արտադրոցի կայքում
• Tesla-ն կօգտոգործի Daimler AG-ի տեխնոլոգիաները 13.06.2008
• «Tesla-ն հոսանքի տակ տիրոջը տանում է գործնական շքեղության» Արխիվացված 2020-08-04 Wayback Machine - Membrana.ru