![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7f/Cormac_McCarthy_%2528Child_of_God_author_portrait_-_high-res%2529.jpg/640px-Cormac_McCarthy_%2528Child_of_God_author_portrait_-_high-res%2529.jpg&w=640&q=50)
Քորմաք Մաքքարթի
From Wikipedia, the free encyclopedia
Քորմաք Մաքքարթի (անգլ.՝ Cormac McCarthy, ծնյալ Չարլզ Մաքքարթի (անգլ.՝ Charles McCarthy)[20], հուլիսի 20, 1933(1933-07-20)[2][3][4][…], Փրովիդենս, ԱՄՆ - հունիսի 13, 2023(2023-06-13)[5][6], Սանտա Ֆե, ԱՄՆ[6]), ժամանակակից ամերիկացի վիպասան, թատերագիր, սցենարիստ։ Արդեն հեղինակել է տասը վեպ՝ կիրառելով հարավգոթական, արևմտյան, ապոկալիպսիսային ու հետապոկալիպսիսային ոճերի տարրեր։
Քորմաք Մաքքարթի անգլ.՝ Cormac McCarthy | |
---|---|
![]() | |
Ծննդյան անուն | անգլ.՝ Charles Joseph McCarthy Jr.[1] |
Ծնվել է | հուլիսի 20, 1933(1933-07-20)[2][3][4][…] |
Ծննդավայր | Փրովիդենս, ԱՄՆ |
Վախճանվել է | հունիսի 13, 2023(2023-06-13)[5][6] (89 տարեկան) |
Վախճանի վայր | Սանտա Ֆե, ԱՄՆ[6] |
Գերեզման | անհայտ[7] |
Մասնագիտություն | վիպասան, դրամատուրգ, գրող, կինոսցենարիստ և սցենարիստ |
Լեզու | անգլերեն և իսպաներեն[8] |
Քաղաքացիություն | ![]() |
Կրթություն | Թենեսիի համալսարան (1953)[9] և Knoxville Catholic High School? (1951)[10] |
Ուշագրավ աշխատանքներ | Suttree?, Blood Meridian?, All the Pretty Horses?, The Border Trilogy?, Սա ծերերի տեղը չէ, The Road?, Stella Maris? և The Passenger? |
Անդամակցություն | Արվեստների և գիտությունների ամերիկյան ակադեմիա[11] |
Աշխատավայր | Սանտա Ֆե ինստիտուտ |
Պարգևներ | |
Ներշնչվել է
| |
![]() | |
Կայք | cormacmccarthybooks.com |
![]() |
Մաքքարթիի հինգերորդ վեպը՝ «Արյան միջօրեական»-ը (Blood Meridian, 1985), տեղ է զբաղեցրել 2005 թվականին Time ամսագրի կազմած «1923 թվականից ի վեր հրատարակված 100 լավագույն անգլիալեզու գրքեր» ցանկում[21]։
«Բոլոր չքնաղ նժույգները» (All the Pretty Horses, 1992) վեպի համար նրան շնորհվել են Գրքի ազգային մրցանակ[22] և Գրաքննադատների ազգային շրջանակի մրցանակ։ 2005 թվականին հրատարակված «Ծերերին տեղ չկա» (No Country for Old Men) վեպի հիման վրա նկարահանվել է նույնանուն գեղարվեստական կինոնկար, որն ամերիկյան կինոակադեմիայի «Օսկար» մրցանակ է շահել չորս անվանակագերում, այդ թվում՝ «Լավագույն կինոնկար» անվանակարգում[23]։ Էկրանավորվել են նաև նրա «Բոլոր չքնաղ նժույգները», «Ճանապարհը» (The Road) և «Աստծո երեխան» (Child of God) վեպերը[24], իսկ «Խավարից դուրս» (Outer Dark) ստեղծագործության հիման վրա էլ նկարահանվել է կարճամետրաժ կինանկար՝ 15 րոպե տևողությամբ։
2006 թվականին լույս տեսած «Ճանապարհը» վեպի համար Մաքքարթին 2007 թվականին «Գեղարվեստական արձակ» անվանակարգում շահել է Պուլիտցերյան մրցանակ[25] և James Tait Black Memorial մրցանակ[26]։ 2010 թվականին The Times-ը «Ճանապարհը» վեպին առաջին տեղն է հատկացրել իր կազմած «Անցած տասը տարիների 100 լավագույն գեղարվեստական և ոչ գեղարվեստական գրքեր» ցանկում։ Գրաքննադատ Հարոլդ Բլումը Մաքքարթիին հռչակել է իր ժամանակի ամերիկացի չորս լավագույն վիպասաններից մեկը՝ Դոն Դելիլոյի, Թոմաս Փինչոնի և Ֆիլիպ Ռոթի հետ մեկտեղ[27], իսկ «Արյան միջօրեականը» համարել է «մեծագույն գիրքը Վիլյամ Ֆոլքների As I Lay Dying վեպի լույսընծայումից ի վեր»[28]։
Քորմաք Մաքքարթիին հաճախ անվանում են «մեր ժամանակների Ֆոլքներ», նրան հիշատակում են որպես գրականության ասպարեզում Նոբելյան մրցանակի ամենահավանական հավակնորդի։