Փրինսթոնի համալսարան (անգլ.՝ Princeton University), մասնավոր հետազոտական համալսարան, ԱՄՆ-ի ամենահին և ամենահայտնի համալսարաններից մեկը։ Երկրի ամենահեղինակավոր բուհերից է[21]։ Գտնվում է Նյու Ջերսի նահանգի Փրինսթոն քաղաքում։
Արագ փաստեր Փրինսթոնի համալսարանանգլ.՝ Princeton University, Տեսակ ...
Համալսարանը «Բաղեղի լիգայի» ութ համալսարաններից մեկն է և գաղութային ինը քոլեջներից մեկը, որ հիմնադրվել է Ամերիկյան հեղափոխությունից առաջ։ Փրինսթոնի համալսարանը բակալավրի և մագիստրոսի վկայականներ է տալիս բնագիտական, հումանիտար, հասարակական և տեխնիկական գիտությունների բնագավառներում։ Համալսարանը չունի բժշկության, իրավունքի, բիզնեսի, աստվածաբանության դպրոցներ, սակայն մասնագիտական աստիճաններ է առաջարկում Վուդրո Վիլսոնի անվան հասարակական և միջազգային հարաբերությունների, ինչպես նաև Ճարտարապետության դպրոցներում։ Համալսարանը աշխարհում առաջատարներից է մեկ ուսանողին բաժին հասնող էնդաումենտի աստիճանով[22]։