Ռավի Վարմա

Ռաջա Ռավի Վարմա (մալայալամ՝ രാജാ രവിവർമ്മ, ապրիլի 29, 1848(1848-04-29)^[1][2][3], Kilimanoor, Thiruvananthapuram district, Տրավանկոր^[4] - հոկտեմբերի 2, 1906(1906-10-02)^[1][2][3], Attingal, Thiruvananthapuram district, Տրավանկոր, Բրիտանական Հնդկաստան, Բրիտանական կայսրություն)^[5], հնդիկ նկարիչ, բազմաթիվ աշխատությունների հեղինակ, այդ թվում հնդկական էպոսներ «Մահաբհարաթաի» և «Ռամայանաի» թեմաներով։

Ռավի Վարմա մալայալամ՝ രാജാ രവി വര്മ്മ
Ծնվել է	ապրիլի 29, 1848(1848-04-29)[1][2][3]
Ծննդավայր	Kilimanoor, Thiruvananthapuram district, Տրավանկոր[4]
Վախճանվել է	հոկտեմբերի 2, 1906(1906-10-02)[1][2][3] (58 տարեկան)
Մահվան վայր	Attingal, Thiruvananthapuram district, Տրավանկոր, Բրիտանական Հնդկաստան, Բրիտանական կայսրություն
Քաղաքացիություն	Տրավանկոր
Կրթություն	University College Thiruvananthapuram?
Մասնագիտություն	նկարիչ և ստեղծող
Ժանր	դիմապատկեր
Թեմաներ	Իչիհասի
Ուշագրավ աշխատանքներ	Shakuntala?
Զավակներ	Rama Varma?
ստորագրություն
Raja Ravi Varma Վիքիպահեստում

Կենսագրություն

Ռավի Վարման (լրիվ անունը՝ Ռավի Վարմա Քոյլ Թամփուռան) ծնվել է 1848 թվականի ապրիլի 29-ին Տրիվանդրամի (այժմ՝ Կերալա նահանգում) հարևանությամբ գտնվող Քիլիմանուր իշխանական պալատում, Տրավանգոր պետության Մահառաջաների ընտանիքում^[6]։ Դեռ վաղ մանկության տարիներին նա ցուցաբերել է բավականին մեծ ընդունակություններ նկարչության հանդեպ, որոնց բացահայտմանը ակտիվորեն աջակցել է հորեղբայրը։ Արդեն 14 տարեկանից Ռավի Վարման իշխանական պալատում սովորում էր հնդկական ավանդական գեղանկարչություն, իսկ 1863 թվականին մեկ ամիս շարունակ եվրոպական գեղանկարչության դասեր է ստացել պալատ հրավիրված բրիտանացի դիմանկարիչ Թեոդոր Իյենսենից^[7]։

Միջազգային ցուցահանդեսներ

1873 թվականին Ռավի Վարման մասնակցել է Մադրասում անցկացված միջազգային արվեստի ցուցահանդեսին, որտեղ նրա «Լեդի Նաիրը առավոտյան պճնասեղանի առջև» նկարը ճանաչվել է լավագույնը։ Նկարիչը համաշխարհային համբավ է ձեռք բերել նույն թվականին Վիեննայում կայացած ցուցահանդեսից հետո, որտեղ նույնպես արժանացել է գլխավոր մրցանակի։

Ռավի Վարման երբեք չի ունեցել ռաջայի պաշտոնական տիտղոս, սակայն Եվրոպայում նա հայտնի է դարձել որպես նկարիչ-իշխան Ռաջա Ռավի։

Ռաջա Ռավի Վարմա տպարան

Մինչ նրա հայտնվելը հնդկական արվեստը կարելի էր բնութագրել որպես պատկերավոր, սիմվոլիկ, վերացական, երկրաչափական, բայց ոչ մի կերպ իրականություն արտացոլող։ Հայտնի է, որ հինդու աստվածները երբեք չեն նույնացվել մարդու դեմքի հետ։ Նրանց բազմաթիվ պարզունակ նկարները փոխանցում էին, հիմնականում, բնութագրական հատկությունների նկարագրությունը։ Բայց այն բանից հետո, երբ 1894 թվականին Բոմբեյում կառուցվեց Ռավի Վարմա տպարանը, ամեն ինչ փոխվեց։ Շուտով սրբապատկերներ յուրաքանչյուր միջին խավի ընտանիքում` Շիմլայից մինչև Տրիվանդրում և Կալկաթայից մինչև Բոմբայ, հայտնվեցին Լաքշմիի, Սարասվատիի, Ռամի, Սիտայի, Հանումանի և շատ ուրիշների նյութապես մատչելի և իրատեսական սրբապատկերները, որոնք մինչ այժմ լայնորեն օգտագործվում են^[8]։

Պատկերասրահ

• 
• 
• 
  Դաթարեյա
• 
  Արջունա և Սուբհադրա
• 
  Կրիշնայի տեսիլքը
• 
  Շակունտալա
• 
  Հյուսիսհնդկական աղջիկ
• 
  Երաժշտական գործիքներ
• 
  Կինը մտորումների մեջ
• 
  Շրի Ռաման հաղթում է Վարունային Ռամայանայից
• 
  Շրի Շանմուխա
• 
  Տրավանկուրի ազնվականները

Գրականություն

• Потабенко С.И. Изобразительное искусство Индии в новое и новейшее время (конец XVIII - середина XIX в.) М., 1981. С.49-52.
• Raja Ravi Varma: Painter of Colonial India by Rupika Chawla, Pub: Mapin Publishing, Ahmedabad, March 2010, ISBN 9780944142417
• Raja Ravi Varma - Oleographs Catalogue by Dr. D.Jegat Ishwari, Pub: ShriParasuraman, Chennai, 2010, ISBN 9788191002614
• Raja Ravi Varma - The Most Celebrated Painter of India: 1848-1906, Parsram Mangharam, Bangalore, 2007
• Raja Ravi Varma - The Painter Prince: 1848-1906, Parsram Mangharam, Bangalore, 2003

Ծանոթագրություններ

1. Bibliothèque nationale de France data.bnf.fr (ֆր.): տվյալների բաց շտեմարան — 2011.
2. Encyclopædia Britannica
3. Kumar R. S. Varma, (Raja) Ravi // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — doi:10.1093/GAO/9781884446054.ARTICLE.T087983
4. http://www.tribuneindia.com/2009/20090703/ttlife.htm
5. «Рави Варма». Google Arts & Culture (ռուսերեն). Վերցված է 2020 թ․ օգոստոսի 20-ին.
6. «Raja Ravi Varma, the painter who helped Indians bring their gods home – Civilsdaily». www.civilsdaily.com. Վերցված է 2020 թ․ օգոստոսի 20-ին.
7. «The Sunday Tribune - Spectrum - Article». www.tribuneindia.com. Վերցված է 2020 թ․ օգոստոսի 20-ին.
8. «Раджа Рави Варма | изобразительное, прикладное искусство | Индия по-русски ~ живой путеводитель». indonet.ru. Վերցված է 2020 թ․ օգոստոսի 20-ին.

Արտաքին հղումներ

Ռավի Վարմա էջը Վիքիպահեստում

• Биография(անգլ.)

Վիքիպահեստն ունի նյութեր, որոնք վերաբերում են «Ռավի Վարմա» հոդվածին։