From Wikipedia, the free encyclopedia
Մուստաֆա Նադարևիչ (Мустафа Надаревић, մայիսի 2, 1943, Բանյա Լուկա, Բոսնիայի և Հերցեգովինայի Սոցիալիստական Հանրապետություն, ՀՍՖՀ - նոյեմբերի 22, 2020[1][2], Զագրեբ, Խորվաթիա[3]), բոսնիացի դերասան։
![]() սերբ.՝ Мустафа Надаревић | |
---|---|
![]() | |
Ծնվել է | մայիսի 2, 1943 |
Ծննդավայր | Բանյա Լուկա, Բոսնիայի և Հերցեգովինայի Սոցիալիստական Հանրապետություն, ՀՍՖՀ |
Մահացել է | նոյեմբերի 22, 2020[1][2] (77 տարեկան) |
Մահվան վայր | Զագրեբ, Խորվաթիա |
Քաղաքացիություն | ![]() ![]() |
Մասնագիտություն | դերասան |
Պարգևներ և մրցանակներ | |
Մուստաֆա Նադարևիչը բոսնիացի ծնողների զավակ է։ Ծնվել է Բանյա Լուկայում (ներկայունս՝ Բոսնիա և Հերցեգովինայում)։ Ստեղծագործական գործունեությամբ արժանացել է Բալկանյան երկրների առավել ինքնատիպ դերասանների շարքին դասվելու պատվին։ Հարավսլավիայի նախկին դաշնային հանրապետության կինեմատոգրաֆում հիմնականում հանդես է եկել պարտիզանների դերերի կատարմամբ։ Հիշարժան են հատկապես նրա դերակատարումները «Հայրիկը գործուղման մեջ է» (1985), «Deja vu» (1987), «Գլեմբեյների ընտանիքը» (1988), «Կատարյալ շրջան» (1997) կինոնկարներում[4]։ Ընդ որում՝ կինոռեժիսոր Անտուն Վռդուլյակի նկարահանած «Գլեմբայների ընտանիքը» ֆիլմում Լեոնե Գլեմբայի կերպարի մարմնավորումը համարվում է նշանակալից, անկյունաքարային երևույթ հարավսլավական կինոյի պատմության մեջ[5][6][7]. այդ դերակատարումը Նադարևիչին բերել է Պուլայի 1988 թվականի կինոփառատոնի Golden Arena մրցանակ՝ «Լավագույն դերասան» անվանակարգում, ինչպես նաև՝ այլ պարգևներ։
1991 թվականին էլ Նադարևիչն արժանացել է Մոսկվայի միջազգային կինոփառատոնի «Լավագույն դերասան» մրցանակին «Անաղմուկ վառոդ» ֆիլմի (1990) գլխավոր հերոսի կերպարը տպավորիչ կերպով մարմնավորելու համար[8]։
Հեռուստատեսությունում նրա ստեղծագործական նվաճումներից է համարվում «Луд, збуњен, нормалан» սիտկոմում Իզետ Ֆազլինովիչի դերի կատարումը։
Նադարովիչն ամուսնացել է նորաձև հագուստի դիզայներ, սլովենացի Սլավիցա Ռադովիչի հետ (1964 թ. ապրիլի 25 – 2012 հունիսի 7)[9], ով 48 տարեկանում մահացել է կրծքի քաղցկեղից՝ այդ ծանր հիվանդության դեմ մոտավորապես տասը տարի մաքառելուց հետո։ Նրանք միասին ապրել են շուրջ քսան տարի[10]։
2020 թվականի հունվարին բժիշկները Նադարևիչի մոտ թոքերի քաղցկեղ են ախտորոշել[11]։ Այդ նույն տարվա նոյեմբերի 22-ին նա կնքել է իր մահկանացուն Զագրեբում գտնվող իր տանը[12][13][14]։
Տարին | Մրցանակը | Անվանակարգը | Առաջադրված աշխատանքը | Արդյունքը | Ref. |
---|---|---|---|---|---|
1991 | Արծաթե սբ. Գևորգ | Լավագույն դերասան | Անաղմուկ վառոդ | Հաղթանակ | [15] |
1988 | Golden Arena | Լավագույն դերասան | Գլեմբայները | Հաղթանակ | |
1995 | Տղամարդու երկրորդ պլանի դերի լավագույն կատարում | Washed Out | Հաղթանակ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.