Խաքանի Շիրվանի
Պարսիկ բանաստեղծ / From Wikipedia, the free encyclopedia
Խաքանի Շիրվանի (նաև՝ Խականի, Խաղանի, պարս.՝ خاقانی شروانی, իսկական անունը՝ Աֆզալադդին Բադիլ իբն Ալի իբն Օսման, մոտ 1121[1], Շիրվան, Շիրվանշահերի պետություն[2] - մոտ 1199, Թավրիզ, Ելտկուզյանների պետություն)[3], պարսիկ բանաստեղծ և արձակագիր։ Հայրը մուսուլման է եղել, իսկ մայրը՝ իսլամն ընդունած նեստորական քրիստոնյա[4]։ Վաղ երիտասարդության տարիներին գրական ճանաչում ստանալով՝ Խաքանին հրավիրվել է շիրվանշահերի պալատ։ Գրել է ներբող-կասիդաներ՝ Խաքանի (թագավորին պատկանող) կեղծանունով։ 1156 թվականին ճանապարհորդել է Մերձավոր Արևելքում, որի տպավորությունների արդյունք են Տիզբոնի ավերակների վերաբերյալ «Մադաինի ավերակները» (հայերեն հրատարակություն՝ «Մեդաին») փիլիսոփայական կասիդան և «Երկու Իրաքների նվերը» պոեմը (ավարտել է 1157 թվականին)։ 1159 թվականին Շիրվանից գաղտնի հեռանալու փորձի համար շահ Ահսաթանի հրամանով Խաքանին բանտարկվել է։ Այդ ժամանակ էլ գրել է «Բանտայիններ» կասիդաների շարանը, որը բանաստեղծի խռովարար ոգու արտահայտությունն է։
Խաքանի Շիրվանի պարս.՝ خاقانی | |
---|---|
Ծնվել է | մոտ 1121[1] |
Ծննդավայր | Շիրվան, Շիրվանշահերի պետություն[2] |
Վախճանվել է | մոտ 1199 |
Վախճանի վայր | Թավրիզ, Ելտկուզյանների պետություն |
Գերեզման | Maqbaratoshoara |
Մասնագիտություն | բանաստեղծ և գրող |
Լեզու | պարսկերեն և արաբերեն |
Քաղաքացիություն | Շիրվանշահերի պետություն |
Ժանրեր | բանաստեղծություն պոեմ |
Խաքանի Շիրվանի Վիքիքաղվածքում | |
Khaqani Վիքիպահեստում |
Խաքանին ստեղծագործել է պարսկերեն և արաբերեն։ Զարգացրել ու կատարելագործել է գազելի ու կասիդայի ժանրերը։ Նրա պոեզիայում հիմնականը սիրո, մարդկային անհատի երջանկության, ազատության թեմաներն են։ Խաքանիի պոեզիան իր ազդեցությունն է թողել Միջին Արևելքի գրականության զարգացման վրա։