From Wikipedia, the free encyclopedia
Լեոնիդ Վյաչեսլավովիչ Կուրավլյով (ռուս.՝ Леонид Вячеславович Куравлёв, հոկտեմբերի 8, 1936, Մոսկվա, ԽՍՀՄ - հունվարի 30, 2022[1], Խամովնիկի շրջան, Մոսկվայի կենտրոնական վարչական շրջան, Մոսկվա, Ռուսաստան[2]), թատրոնի և կինոյի խորհրդային և ռուսական դերասան։ ՌԽՖՍՀ վաստակավոր արտիստ (1965թ.), ՌԽՖՍՀ ժողովրդական արտիստ (1976 թ.):
![]() ռուս.՝ Леонид Вячеславович Куравлёв | |
---|---|
![]() | |
Ծնվել է | հոկտեմբերի 8, 1936 |
Ծննդավայր | Մոսկվա, ԽՍՀՄ |
Մահացել է | հունվարի 30, 2022[1] (85 տարեկան) |
Մահվան վայր | Խամովնիկի շրջան, Մոսկվայի կենտրոնական վարչական շրջան, Մոսկվա, Ռուսաստան[2] |
Գերեզման | Տրոեկուրովյան գերեզմանատուն |
Կրթություն | Մոսկվայի Գերասիմովի անվան կինեմատոգրաֆիայի ինստիտուտ |
Քաղաքացիություն | ![]() ![]() |
Մասնագիտություն | դերասան, կրկնօրինակող, հաղորդավար և հեռուստահաղորդավար |
Պարգևներ և մրցանակներ | |
Լեոնիդ Կուրավլյովը ծնվել է Մոսկվայում։ Նրա հայրը` «Սալյուտ» ավիագործարանում փականագործ էր[3], իսկ մայրը` վարսահարդար[4]: 1941 թ. նրա մորը, ստահոդ մեղադրանքով աքսորել են հյուսիս` Մուրմանսկի մարզի Զաշեեկ գյուղը, որտեղ Լեոնիդը, Իմանդրա լճի ափին անց է կացրել իր մանկության մի քանի տարիները[5]։ Դպրոցում նա սովորում էր ոչ այնքան լավ, հատկապես դժվարանում էր մաթեմատիկայի, քիմիայի և ֆիզիկայի ասպարեզներում։ Ինչպես հետագայում խոստովանել էր Կուրավլյովը, դա իր ազդեցությունն է ունեցել մասնագիտության ընտրության հարցում։
1953 թվականին նա փորձել է ընդունվել Կինեմատոգրաֆիայի համամիութենական պետական ինստիտուտը, սակայն առաջին փորձն անհաջողության է մատնվել։ Հաջորդ փորձը կայացել է 1955 թվականին։ Այս անգամ հաջողությամբ հանձնել է քննությունները և ընդունվել դերասանական բաժին։
Կինոյում Լեոնիդ Կուրավլյովի դեբյուտը կայացել է, երբ դեռ նա ուսանող էր։ Դա 1958 թվականին նկարահանված «Այսօր արձակում չի լինելու» կինոնկարն էր։ 1960 թվականին նկարահանվել է Միխայիլ Շվեյցերի «Միչման Պանինը» կինոնկարում։ Լեոնիդ Կուրավլյովը վառ արտահայտված բնավորության դերասան է։
1990-ական թվականների վերջերին, հեռուստատեսությամբ վարում էր «Գրքերի աշխարհը Լեոնիդ Կուրավլյովի հետ» հաղորդումը, որտեղ պատմում էր նոր լույս տեսած գրքերի մասին։
1960 թվականին Լեոնիդ Կուրավլյովն ամուսնացել է Նինա Կուրավլյովայի հետ։ Վերջինս անգլերենի ուսուցչուհի էր և դպրոցի տնօրեն[4]։ Նրանք ծանոթացել էին, երբ Լեոնիդը 16 տարեկան էր, իսկ Նինան` 13։ Միասին ապրել են 52 տարի[6]։ Համատեղ կյանքի ընթացքում ունեցել են երկու երեխա` մեկ դուստր և մեկ որդի[4]: Նինա Կուրավլյովան մահացել է 2012 թվականին[7]։ Կնոջ մահից հետո Լեոնիդ Կուրավլյովը վարել է մեկուսի կյանք[8]։ Մահացել է 2022 թվականի հունվարի 30-ին[9]։
Թվական | Անվանում | Բնօրինակ անվանում | Կերպար |
---|---|---|---|
1958 | Այսօր արձակում չի լինելու | Сегодня увольнения не будет | զինվոր Մորոզով |
1960 | Միչման Պանինը | Мичман Панин | Պյոտր Կամուշկին |
1960 | Լեբյաժեից հայտնում են | Из Лебяжьего сообщают | Սենյա Գրոմով |
1961 | Երկու կյանք | Две жизни | Միտյայ |
1961 | Երբ ծառերը մեծ էին | Когда деревья были большими | Լյոնկա |
1963 | Առնետն սկուտեղի վրա | Крыса на подносе | նկարիչ |
1964 | Ապրում է այսպիսի տղա | Живёт такой парень | Պավել Կոլոկոլնիկով |
1966 | Ձեր որդին և եղբայրը | Ваш сын и брат | Ստեփան |
1966 | Ավագ քույրը | Старшая сестра | Վոլոդյա |
1967 | Վիյ | Вий | Խոմա Բրուտ |
1968 | Ոսկե հորթը | Золотой телёнок | Շուրա Բալագանով |
1968 | Գրականության դասը | Урок литературы | Սավելի Սիդորով |
1972 | Ռոբինզոն Կրուզոյի կյանքն ու զարմանալի արկածները | Жизнь и удивительные приключения Робинзона Крузо | Ռոբինզոն |
1973 | Իվան Վասիլևիչը փոխում է մասնագիտությունը | Иван Васильевич меняет профессию | Ժորժ Միլոսլավսկի |
1973 | Գարնան տասնյոթ ակնթարթ | Семнадцать мгновений весны | Կուրտ Այսման |
1973 | Այս ուրախ մոլորակը | Эта весёлая планета | Իգրեկ |
1975 | Աֆոնյա | Афоня | Աֆանասի Բորշչով |
1975 | Չի կարող պատահել | Не может быть! | Վլադիմիր Զավիտուշկին |
1975 | Վերջին զոհը | Последняя жертва | Լավր Միրոնիչ |
1976 | Անհայրություն | Безотцовщина | Կեշա |
1976 | Դու` ինձ, ես` քեզ | Ты — мне, я — тебе! | Իվան Կաշկին, Սերգեյ Կաշկին |
1977 | Միմինո | Мимино | պրոֆեսոր Խաչիկյան |
1977 | Թիմուրը և իր ջոկատը | Тимур и его команда | Գեորգի Գարաև |
1979 | Սիրելիներից մի բաժանվեք | С любимыми не расставайтесь | Վալերա |
1979 | Ունայնություն ունայնությանց | Суета сует | Վոլոդյա |
1979 | Փոքրիկ ողբերգություններ | Маленькие трагедии | Ադրիան Պրոխորով, Լեպորելո |
1979 | Հանդիպման վայրը փոխել չի կարելի | Место встречи изменить нельзя | գող` «Կոպչյոնի» |
1982 | Պահպանեք տղամարդկանց | Берегите мужчин! | Վլադիմիր Ռադիոնով |
1982 | Փնտրեք կնոջը | Ищите женщину | տեսուչ Գրանդեն |
1984 | ՏԱՍՍ-ը լիազորված է հայտարարելու | ТАСС уполномочен заявить… | Անդրեյ Զոտով |
1985 | Վտանգավոր է կյանքի համար | Опасно для жизни! | Սպարտակ Մոլոդցով |
1985 | Ամենահմայիչն ու գրավիչը | Самая обаятельная и привлекательная | Գենա Սիսոև |
1988 | Անմեղության կանխավարկած | Презумпция невиновности | Ռուսլան Բոնդարև |
1990 | Պատրաստված է ԽՍՀՄ-ում | Сделано в СССР | Իվան Մոիսեևիչ |
1992 | Դերիբասովսկայայում լավ եղանակ է կամ Բրայթոն-Բիչում կրկին անձրևներ են գալիս | На Дерибасовской хорошая погода, или На Брайтон-Бич опять идут дожди | Միխայիլ Գորբաչով |
1992 | Ինչո՞ւ է ալիբի պետք ազնիվ մարդուն | Зачем алиби честному человеку? | Սերգեյ Ալեքսեևիչ Շալուդկին |
1993 | Թագուհու անձնական կյանքը | Личная жизнь королевы | Ռուսաստանի դեսպանը |
1994 | Վարպետը և Մարգարիտան | Мастер и Маргарита | Նիկանոր Բոսոյ |
2002 | Բրիգադա | Бригада | Պյոտր Իլյիչ |
2009 | Վարպետների գիրքը | Книга мастеров | բոյար |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.