From Wikipedia, the free encyclopedia
Բիրմինգհեմի թանգարան և պատկերասրահ (անգլ.՝ Birmingham Museum and Art Gallery (BM&AG)), թանգարան և պատկերասրահ Անգլիայի Բիրմինգհեմ քաղաքում։ Այն ունի միջազգային նշանակության հավաքածու, որն ընդգրկում է կերպարվեստը, խեցեգործությունը, մետաղագործությունը, ոսկերչությունը, բնության պատմությունը, հնէաբանությունը, ազգագրությունը, երկիի պատմությունը և արդյունաբ պատմությունը[3]։
Բիրմինգհեմի թանգարան և պատկերասրահ | |
---|---|
![]() | |
Տեսակ | պատկերասրահ, տեղական թանգարան և անկախ թանգարան |
Երկիր | ![]() |
Տեղագրություն | Բիրմինգհեմ |
Կազմված է | Birmingham History Galleries? |
Մասն է | Birmingham Museums Trust? |
Հասցե | Chamberlain Square, Birmingham B3 3DH[2] |
Հիմնադրվել է | 1885 |
Այցելուներ | 856 000 մարդ |
Կայք | bmag.org.uk(անգլ.) և birminghammuseums.org.uk/bmag(անգլ.) |
![]() | |
![]() |
Թանգարան/պատկերասրահը կառավարվում է Բիրմինգհեմյան թանգարանների տրեստի կողմից, որը Միացյալ Թագավորության ամենամեծ, անկախ թանգարանային տրեստն է, որը նաև ղեկավարում է ութ այլ թանգարաններ ամբողջ քաղաքում[4]։ Մուտքը Թանգարան և պատկերասրահում անվճար է, սակայն Գազ Հոլի որոշ խոշոր ցուցահանդեսներ մուքավճար են պահանջում։
1829 թվականին Բիրմինգհեմի Արվեստագետների Միությունը ստեղծեց մասնավոր ցուցահանդեսների շենք Բիրմինգհեմի Նյու Սթրիթում, մինչդեռ ժամանակաշրջանի հանրային կրթության պատմական նախադեպը ստեղծեց 1833 թվականի Գործարանային օրենքը՝ կրթության համար առաջին ֆինանսավորումը։
1845 թվականին Թանգարանների մասին օրենքը [հաստատված] «10000 և ավելի բնակչություն ունեցող քաղաքներին իրավունք էր տալիս հավաքել կես լումա թանգարաններ հիմնելու համար»[5] 1864 թվականին բացվեց առաջին հանրային ցուցադրության սենյակը, երբ Ընկերությունը և այլ նվիրատուներ ներկայացրեցին 64 նկար, ինչպես նաև Սուլթանգանջ Բուդդան Բիրմինգհեմի խորհրդին և դրանք պահվեցին Ազատ գրադարանի շենքում, բայց տարածքի սղության պատճառով նկարները ստիպված տեղափոխեցին Ասթոն Սրահ[6]։ Ջոզեֆ Հենրի Նեթֆոլդը (1827–1881) Դեյվիդ Կոքսի քսանհինգ նկարները կտակել է Բիրմինգհեմի արվեստի պատկերասրահին պայմանով՝ որ այն բացվելու է կիրակի օրերին[7]։
1880 թվականի հունիսին տեղացի նկարիչ Ալեն Էդվարդ Էվերիտը ընդունեց Ազատ արվեստի պատկերասրահի պատվավոր համադրողի պաշտոնը, որը քաղաքային հաստատություն էր, որը հանդիսանում էր Բիրմինգհեմի թանգարանի և արվեստի պատկերասրահի նախատիպը[8]։
Ջեսի Քոլինգսը, Բիրմինգհեմի քաղաքապետը 1878–79, պատասխանատու էր Բիրմինգհեմի անվճար գրադարանների համար և Բիրմինգհեմի արվեստի պատկերասրահի իսկական ջատագովն էր։ Սըր Ռիչարդի և Ջորջ Թանգյեի կողմից արված 10,000 ֆունտ ստեռլինգ նվերը սկսեց նոր արշավ արվեստի պատկերասրահ և, 1885 թվականին, այլ նվիրատվություններից և խորհրդի կողմից 40000 ֆունտ ստեռլինգից հետո, Ուելսի արքայազնը պաշտոնապես բացեց նոր պատկերասրահը 1885 թվականի նոյեմբերի 28-ին շաբաթ օրը[6][9]։ Թանգարանը և արվեստի պատկերասրահը զբաղեցրել են Խորհրդի տան ընդարձակ մասը՝ քաղաքապետարանի Գազի մասնաշենքի նոր գրասենյակների վերևում (որն իրականում սուբսիդավորում էր ձեռնարկությունը՝ այդպիսով շրջանցելով Հանրային գրադարանների մասին 1850 թ. օրենքը, որը սահմանափակում էր արվեստում հանրային միջոցների օգտագործումը)։ Շենքը նախագծվել է Յովիլ Թոմասոնի կողմից[10]։ Նոր շենքի (և հարակից Խորհրդի տան) մետաղյա աշխատանքները կատարվել են Հարթ, Սան, Փիրդ&Կո բիրմինգհեմյան ֆիրմայի կողմից և տարածվել են ինչպես ներքին, այնպես էլ արտաքին տեսքի վրա, ներառյալ պատկերասրահի հիմնական տարածքում առանձնահատուկ պողպատե սյուները՝ դեկորատիվ արվեստը ցուցադրելու համար[11]։ Բարձր պատշգամբը, որը ծածկված է Ֆրենսիս Ջոն Ուիլյամսոնի ֆրոնտոնով, որը ներկայացնում է Բիրմինգհեմի այլաբանությունը, որը նպաստում է կերպարվեստին, ժամացույցի աշտարակի հետ միասին համարվում էին արտաքինի «ամենաակնառու գծերը»՝ բացվելուց հետո[12]։ 1900 թվականին հավաքածուն, հատկապես նրա ժամանակակից բրիտանական ֆոնդերը, Արվեստի ամսագրի կողմից համարվում էր «լավագույն և գեղեցիկներից մեկը» Բրիտանիայում[13]։
Մինչև 1946 թվականը, երբ քվեարկվում էր գույքահարկի ձեռքբերման համար, թանգարանը հիմնվում էր մասնավոր անհատների առատաձեռնությունների վրա[6]։ Ջոն Ֆինին տրամադրեց 50000 ֆունտ ստեռլինգ՝ հետագա պատկերասրահ տրամադրելու համար։
Յոթ պատկերասրահ պետք է վերակառուցվեին 1940 թվականին ռմբակոծվելուց հետո[6]։ Երկրորդ համաշխարհային պատերազմից անմիջապես հետո «Հզոր Մերի» Մերի Վուդալը (1901–1988) նշանակվեց արվեստի պահապան՝ տնօրեն, Թրենչարդ Քոքսի գլխավորությամբ։ Վուդալը և Քոքսը, Լոնդոնի արվեստի աշխարհի հետ իրենց կապերի շնորհիվ, կարողացան գրավել ցուցահանդեսներ, շատ հրապարակայնություն և նվիրատվություններ պատկերասրահին։ 1956 թվականին Վուդալը փոխարինեց Քոքսին, երբ վերջինս դարձավ Վիկտորիայի և Ալբերտի թանգարանի տնօրեն[14]։ Ջոն Վուդվորդը (1921–1988) եղել է արվեստի պահապան 1956-1964 թվականներին։
1951 թվականին Բիրմինգհեմի Գիտության և արդյունաբերության թանգարանը ընդգրկվեց BM&AG-ում։ 2001 թվականին Գիտության թանգարանը փակվեց՝ որոշ ցուցանմուշներ տեղափոխելով Thinktank Բիրմինգհեմի գիտության թանգարան, որը շահագործվում էր անկախ Thinktank Trust-ի կողմից, որն այդ ժամանակվանից դարձել է Բիրմինգհեմյան թանգարանների տրեստի մի մասը։
Գլխավոր մուտքը գտնվում է Չեմբերլեն հրապարակում, ժամացույցի աշտարակի տակ, որը հայտնի է որպես «Մեծ Բրում»։ Մուտքի սրահի հուշահամալիրում գրված է «Արդյունաբերության ձեռքբերումներով մենք խթանում ենք արվեստը»[6]։ Ընդարձակման բլոկը մուտքեր ունի Էդմունդ փողոցի գազային սրահի և Գրեյթ Չարլզ փողոց։ Ուոթերհոլը՝ ունի իր սեփական մուտքը Էդմունդ փողոցում։
2010 թվականի հոկտեմբերին Ուոթերհոլը փակվեց որպես BM&AG պատկերասրահ՝ 2010–11 թվականներին Բիրմինգհեմի թանգարանների և արվեստի պատկերասրահի բյուջեից 1,5 միլիոն ֆունտ ստեռլինգ կրճատման արդյունքում։ Վերջին BM&AG ցուցահանդեսը, որն այն ժամանակ տեղի ունեցավ Ուոթերհոլում, Սթիվ Մաքքարիի հետահայաց ցուցահանդեսն էր, որը տևեց 2010 թվականի հունիսի 26-ից մինչև հոկտեմբերի 17-ը։ Ուոթերհոլը և Գազ Հոլը վերաբացվեցին ցուցահանդեսների համար ամբողջ տարվա ընթացքում։
BM&AG-ը, որը նախկինում ղեկավարվում էր Բիրմինգհեմի քաղաքային խորհրդի կողմից, այժմ Thinktank-ի հետ միասին հանդիսանում է Բիրմինգհեմյան թանգարանների տրեստի մի մաս։
Համաշխարհային համաճարակի պատճառով թանգարանը փակվեց 2020 թվականի հոկտեմբերին:Թանգարանը փակ մնաց ամբողջ 2021 թվականին՝ որպես թանգարանի տարածքում գտնվող Խորհրդի համալիրը վերակառուցելու նախագծի մի մաս։ Թանգարանը մասամբ վերաբացվել է 2022 թվականի ապրիլին՝ մի շարք ցուցադրություններով։ Այն կրկին կփակվի 2022 թվականի դեկտեմբերին՝ 2024 թվականին սպասվող ամբողջական վերաբացումից առաջ[15]։
Պատկերասրահն առավել հայտնի է 14-ից 21-րդ դարերի նկարների իր ընդարձակ հավաքածուներով։ Դրանք ներառում են Նախառաֆայելյան եղբայրության գործերը և Էդվարդ Բերն-Ջոնսի ստեղծագործությունների աշխարհի ամենամեծ հավաքածուն։ Յուղաներկով աշխատած հայտնի նկարիչների գործերի շարքին են դասվում հետևյալները՝
Անգլիական դպրոց
Հոլանդական դպրոցի նկարները ներառում են Յան վան Գոյենի և Վիլեմ վան դե Վելդե Կրտսերի նկարներից յուրաքանչյուրը։
Հնությունների հավաքածուն ներառում է մետաղադրամներ հին ժամանակներից մինչև միջնադար, արտեֆակտներ Հին Հնդկաստանից, Կենտրոնական Ասիայից, Հին Կիպրոսից, Հին Եգիպտոսից։ Թանգարանում պահվում են նաև Իրաքի բրիտանական հնագիտության դպրոցի՝ Նիմրուդի փղոսկրի 28 կտոր[30]։ Կան նյութեր դասական Հունաստանից, Հռոմեական կայսրությունից և Լատինական Ամերիկայից։ Կա նաև միջնադարյան նյութեր, որոնց մեծ մասն այժմ ցուցադրվում է Բիրմինգհեմի պատմության պատկերասրահում, որը մշտական ցուցադրվում է թանգարանի՝ չորրորդ հարկում։
2014 թվականի նոյեմբերին բացվեց հատուկ պատկերասրահ՝ ցուցադրելու Ստաֆորդշիր Հոարդը։ Հայտնաբերվել է մոտակա Համմերվիչ գյուղում 2009 թվականին, այն եղել է երբևէ հայտնաբերված անգլո-սաքսոնական ոսկու ամենամեծ պահեստը։
Ինչ վերաբերում է տեղական և արդյունաբերական պատմությանը, Բիրմինգհեմի HP Sauce գործարանի աշտարակը հայտնի ուղենիշ էր Ասթոն մայրուղուն, որը քանդվեց 2007 թվականի ամռանը[31]։ Աշտարակի վերևի հսկա պատկերանշանն այժմ թանգարանի հավաքածուում է։.
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.