Վիքիմեդիայի նախագծի ցանկ From Wikipedia, the free encyclopedia
Ամերիկյան երկրներում առկա բոլոր դե յուրե արժույթները նշված են այստեղ, ներառյալ այն երկրների արժույթները, որոնք ինքնիշխան չեն։ Ամերիկյան երկրներում պաշտոնական օգտագործման 39 արժույթ կա գրանցված։
Ամերիկյան երկրներում ամենահաճախ օգտագործվող արժույթը Միացյալ Նահանգների դոլարն է[1]։ Այն աշխարհի ամենամեծ պահուստային արժույթն է[2], որի արդյունքում ստացված տնտեսական արժեքը Միացյալ Նահանգներին տարեկան բերում է 100 միլիարդ դոլարի օգուտ[3]։ Այնուամենայնիվ, նրա՝ որպես պահուստային արժույթի դիրքը վնասում է ամերկացի արտահանողներին, քանի որ դա մեծացնում է Միացյալ նահանգների դոլարի արժեքը[4][5]։ Միացյալ Նահանգների դոլարը նաև «ստանդարտ» է միջազգային ապրանքային շուկաներում[1]։ «Դոլարացում» անունով հայտնի երևույթում Միացյալ Նահանգների դոլարը ընդունվել է որպես որոշակի այլ երկրների պաշտոնական արժույթ[6]։ Այնուամենայնիվ, կիսադոլարացումը ևս առկա է մի քանի այլ երկրներում, որտեղ ԱՄՆ դոլարը ճանաչվում է որպես օրինական վճարամիջոց այլ արժույթի հետ մեկտեղ, և ոչ պաշտոնական դոլարացումը առկա է շատ շրջաններում, որտեղ ԱՄՆ դոլարը լայնորեն օգտագործվում է և ընդունվում է, թեպետ այն ճանաչված չէ որպես օրինական վճարամիջոց[6]։ Էկվադորն օգտագործում է ԱՄՆ դոլարը[7] (Ֆրանսիական անդրծովյան դեպարտամենտը՝ Ֆրանսիական Գվիանան օգտագործում է եվրո՝ Ֆրանսիայի արժույթը)։
Բրազիլական ռեալը համարվում է Հարավամերիկյան հզոր արժույթ. Լուիս Ինասիու Լուլա դա Սիլվա և Դիլմա Ռուսեֆ նախագահների շնորհիվ ռեալի արժեքը համարյա եռակի աճ ունեցավ, որի արդյունքում տեղի ունեցան տնտեսության հսկայական փոփոխություններ, միջին խավի մարդիկ մեծ օգուտներ ունեցան[8]։ Նվազագույն աշխատավարձը բարձրացավ և Բրազիլիայի՝ որպես առաջատար հումքի, ներառյալ՝ սոյայի և երկաթի հանքաքար արտահանողի դիրքը ընդգծվեց, բայց նրանք պատասխանատու են Բրազիլիայի բարելավված տնտեսության համար, ինչը վնասել էր «արտադրության մրցունակությանը»[8]՝ բերելով արտահանման ծավալների նվազման[9]։
Չիլիական արժույթը՝ Չիլիական պեսոն, ևս հզոր է[10]։ Այնուամենայնիվ, սա նորից նշանակում է, որ արտադրական պայքար է մղվում, քանի որ ավելի էժան ներկրումները թանկացնում էին բիզնեսը[10]։ 2011 թվականի հունվարին, երբ Չիլին հայտարարեց, որ 2011թ.-ին երկիրը ծրագրում է գնել 12 միլիարդ դոլարի արտարժութային պաշարներ, պեսոն միանգամից արժեքի անկում ապրեց[10]։ Երկրի գլխավոր արտահանումը պղինձն էր դեպի Չինաստան և Հնդկաստան[10]։ Արժույթի ուժը հանգեցրեց չափազանց բարձր աշխատավարձերի և բարձր գնաճի[10]։
Արևելակարիբյան դոլարը ամենաօգտագործվող արժույթն է մի շարք Կարիբյան ավազանի երկրներում։ Արևելակարիբյան դոլարը կախված է եղել Միացյալ Նահանգների դոլարից 35 տարուց ավել՝ սկսված 1976թ.-ից[11], նախկինում կախված լինելով ֆունտ ստերլինգից[11]։ 1965թ.-ին Արևելակարիբյան Արժութային մարմինը (հաջորդում է Բրիտանական Կարիբյան արժութային խորհրդին) հաստատեց արժույթի տարածումը, բայց Բահամյան կղզիները հետ քաշվեցին կազմակերպությունից՝ ստեղծելով իրենց բանկը[12]։ Արևելակարիբյան դոլարը օգտագործվում էր Արևելակարիբյան պետությունների կազմակերպությունների և Անգիլիայի (Բրիտանական անդրծովյան տարածքներ) բոլոր յոթ երկրներում. միայն Բրիտանական Վիրջինյան կղզիներն են օգտագործում ուրիշ արժույթ[13]. Բրիտանական անդրծովյան տարածքներում ԱՄՆ դոլարն է պաշտոնական արժույթ[14][15]։ Կուբան և Պանաման օգտագործում են երկու արժույթ։ Կուբան փորձում է աստիճանաբար դուրս հանել կուբայական փոխարկելի պեսոն՝ երկուսը միավորելով Կուբայական պեսոյում[16]։ Թեպետ չկա ոչ մի հաստատված ժամանակահատված բարեփոխման համար, չնայած մեջբերելով կուբացի տնտեսագետներին՝ Ռոյթերսը տալիս է 18 ամսվա գնահատում (2013թ.-ի հոկտեմբերից)[16]։ Պանաման ոչ պաշտոնապես օգտագործում է ԱՄՆ դոլարը[17], բայց հավելյալ օգտագործում է Պանամական բալբոան որպես օրինական վճարամիջոց[18]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.