Ամառային օլիմպիական խաղեր 1980 (մետաղադրամներ)
From Wikipedia, the free encyclopedia
«22-րդ ամառային օլիմպիական խաղեր» կամ «Մոսկվա 1980» մետաղադրամները թողարկվել են ԽՍՀՄ Պետական բանկի կողմից 1977-1980 թվականներին և նվիրված են 1980 թվականի Մոսկվայի օլիմպիադային։
Շարքի շրջանակներում թողարկվել մետաղադրամների 45 տարատեսակներ՝
- 6 մետաղադրամներ մելքիորից և 1 ռուբլի անվանական արժեքով,
- 14 մետաղադրամներ 900 հարգի արծաթից և 5 ռուբլի անվանական արժեքով,
- 14 մետաղադրամներ 900 հարգի արծաթից և 10 ռուբլի անվանական արժեքով,
- 6 մետաղադրամներ 900 հարգի ոսկուց և 100 ռուբլի անվանական արժեքով,
- 5 մետաղադրամներ 999 հարգի պլատինից և 150 ռուբլի անվանական արժեքով։
Դիմերեսը՝ պետական զինանշանն ու պետության անվանումը (ռուս.՝ СССР), անվանական արժեքը՝ նրանցից հորիզոնական գծով բաժանված, եզերվում է շրջագծով։
Դարձերեսը՝ համապատասխան թեմատիկ պատկերը, մոսկովյան օլիմպիադայի խորհրդանիշը, դրամահատարանի դրոշմակնիքը (բացառությամբ մելքիորե մետաղադրամների), թողարկման տարեթիվը, եզրով վերևում՝ ռուս.՝ «ИГРЫ XXII ОЛИМПИАДЫ • МОСКВА • 1980» գրառումը։ Դրամաշուրթը՝ ատամնավոր։
Էսքիզները՝ Վիկտոր Երմակովի, «Օլիմպիադայի խորհրդանիշ», «Կիև» և «Մինսկ» մետաղադրամներինը՝ Յուրի Լուկյանովի, «Լենինգրադ» մետաղադրամինը՝ Վլադիմիր Նիկիտինի։ Մետաղադրամները հատվել են Լենինգրադի և Մոսկվայի դրամահատարաններում։