Աբուլ (Ախալքալաքի շրջան)

Աբուլ (վրաց.՝ აბული), հայաբնակ գյուղ Վրաստանի Սամցխե-Ջավախք մարզի Ախալքալաքի շրջանում, Աբուլ լեռան հարավարևմտյան ստորոտում, Ախալքալաք քաղաքից 10 կմ դեպի արևելք։ Գտնվում է ծովի մակարդակից 1960 մ բարձրության վրա։

Այս հոդվածը Վրաստանի բնակավայրի մասին է։ Այլ գործածությունների համար այցելեք Աբուլ (այլ կիրառումներ)։

Գյուղ
Աբուլ
վրաց.՝ აბული
Երկիր	Վրաստան
Մարզ	Սամցխե-ՋավախքՍամցխե-Ջավախք
Շրջան	Ախալքալաքի
Համայնք	Ախալքալաքի շրջան
ԲԾՄ	1960 մետր
Բնակչություն	535 մարդ (2014)
Ազգային կազմ	Հայեր 99,4 %
Կրոնական կազմ	Հայ Առաքելական եկեղեցի
Ժամային գոտի	UTC+4
Աբուլ (Ախալքալաքի շրջան) (Վրաստան) Աբուլ (Ախալքալաքի շրջան) (Սամցխե-Ջավախեթի մարզ)

Բնակչությունը

1968 թվականին ուներ 1250 հայ բնակիչ։ 1987 թվականի տվյալներով ունեցել է 161 տուն և 686 բնակիչ։

Հաշվառման տարեթիվը	Բնակիչների թվաքանակը
2002[1]	627
2014[2]	535

Բնակիչներն հիմնականում զբաղվում են անասնապահությամբ, կարտոֆիլի և հացահատիկի մշակությամբ։

1986 թվականի դրությամբ գյուղն ուներ ութամյա դպրոց, բուժկայան։

Պատմական հուշարձաններ

Գյուղի մոտակայքում կա հին գյուղատեղի (Խարաբա), որտեղ առկա են անտիկ շրջանի կիկլոպյան ամրոցի և միջնադարյան պարսպի մնացորդներ, որի պատերն ունեն 4 մ հաստություն։ Հայտնաբերվել են նաև ժայռափոր գերեզման-դամբարաններ, ինչպես նաև մ.թ.ա. 3-2-րդ հազարամյակներին վերաբերվող դամբարանադաշտ։ Գյուղատեղիում պահպանվել են նաև ավերված եկեղեցու սրբատաշ քարերը, ինչպես նաև խոյաձև տապանաքարեր, կոթողների խաչազարդ պատվանդաններ ունեցող գերեզմանոց ( XV-XVII դարեր)։ Գերեզմանոցից հայտնաբերվել են ուշ բրոնզե դարին վերագրվող խեցեղեններ։

Գյուղում կա հինավուրց եկեղեցի ( X-XI դարեր, Սուրբ Հարություն)։ Մյուս եկեղեցին (Սուրբ Աստվածածին), կառուցվել է 1880-ական թվականներին։

Աբուլը 1830 թվականին հիմնադրել են Էրզրումի վիլայեթից գաղթած հայերը։

Ծանոթագրություններ

1. «საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები» (PDF). Արխիվացված է օրիգինալից (PDF) 2013 թ․ սեպտեմբերի 19-ին. Վերցված է 2012 թ․ հուլիսի 5-ին.
2. «მოსახლეობის საყოველთაო აღწერა 2014». საქართველოს სტატისტიკის ეროვნული სამსახური. ნოემბერი 2014. Վերցված է 16 აგვისტო 2016-ին.

Արտաքին հղումներ

• Աբուլ գյուղի մասին տեղեկագիր RAA կայքում

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 45)։