wjes w Budyskim wokrjesu, měšćanski dźěl Budyšina From Wikipedia, the free encyclopedia
Sćijecy (prjedy tež Sćiwjecy; němsce Stiebitz) su wjes w Hornjej Łužicy, kotraž je wot lěta 1994[2] z měšćanskim dźělom Budyšina. Maja 587 wobydlerjow a přestrjeń wot 4,73nbsp;km². K Sćijecam słušeja tež Ratarjecy.
| |||||
město: | Budyšin | ||||
zagmejnowanje: | 1994 | ||||
wobydlerstwo: | 587 (31. decembra 2023)[1] | ||||
wysokosć: | 208 metrow n.m.hł. | ||||
51.17583333333314.392777777778208 | |||||
póstowe čisło: | 02625 | ||||
předwólba: | 03591 | ||||
wotwodźene słowa: |
| ||||
![]() Połoženje Sćijec w Budyšinje | |||||
wikidata: Sćijecy (Q160458) |
Sćijecy leža na zapadnej kromje města Budyšina, při čimž nadeńdźe so stara wjes při Wjazońčanskej dróze južnje železniskeje čary Drježdźany–Zhorjelc, nowši dźěl pak sewjernje wot njeje při krajnej dróze na směr Biskopicy, něhdyšej B 6. Přez stare Sćijecy ćeče Sćiječanska rěčka, kiž wuliwa so blisko Sprjewinych kupjelow do Sprjewje.
Michał Rostok naliči 1887 slědowace serbske ležownostne mjena: Pola dračoweho hata, Pola rěki, Pola skały, Pola suchej łuki, W Helach, Liponca (tež: na horje), Pola cyhelčiny, Pola sucheho hata, Na Rynčec horje, Pola starej dróhi, Pola Rynčec hata, Pola Witichec skały, Janašec hora, Pola němskej dróhi, Rynčec lipy, W dole.[3]
Prěnje historiske naspomnjenje Sćijec jako sydło ryćerja Martinus de Stewicz pochadźa z lěta 1242.[2] Ležownostne knjejstwo měješe přez lětstotki Budyska měšćanska rada.
Wot lěta 1890 mějachu Sćijecy zastanišćo při železniskej čarje Budyšin–Rakecy, kotraž wjedźeše wot 1908 hač do Wojerec. W lěće 1999 zastajichu wosobowy wobchad a 2001 so čara zawrě.
Hač do lěta 1994 běchu Sćijecy samostatna gmejna, wot 1936 z wjesnym dźělom Ratarjecy.
Hlej tež: Kulturne pomniki w Sćijecach
Po Mukowej statistice z lětow 1884/85 rěčachu tehdy 70 wot cyłkownje 96 Sćiječanow serbsce (73 %).[4] Arnošt Černik zwěsći w lěće 1956 jenož hišće snadny serbskorěčny podźěl wobydlerstwa wot 6,7 %.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.