wjes w Hornjej Łužicy; gmejnski dźěl Budyšina From Wikipedia, the free encyclopedia
Wownjow (prjedy tež Hownjow;[2] němsce Oehna) je hornjołužiska wjeska z něhdźe połsta wobydlerjemi, kotraž słuša wot lěta 1973 k městu Budyšinej. Wot 2020 płaći jako swójski měšćanski dźěl.
| |||||
město: | Budyšin | ||||
zagmejnowanje: | 1936 (do Bórka) | ||||
wobydlerstwo: | 65 (31. decembra 2023)[1] | ||||
wysokosć: | 175–195 metrow n.m.hł. | ||||
51.19972222222214.443333333333175–195 | |||||
póstowe čisło: | 02625 | ||||
předwólba: | 03591 | ||||
wotwodźene słowa: |
| ||||
![]() Połoženje Wownjowa w Budyšinje | |||||
wikidata: Wownjow (Q18691696) |
Wownjow leži něhdźe 2,5nbsp;km sewjerowuchodnje Budyskeho stareho města při južnym brjoze spjateho jězora na lěwej stronje Sprjewje, kotraž wustupuje tule přez wusku wudrjeńcu Ćělca (němsce Abgott) ze skalneje doliny do nižiny.
Susodne wjeski su Bórk na wuchodźe, Ćichońca na juhozapadźe a Nowe Małsecy na sewjerozapadźe. Něhdźe 650 metrow před Wownjowskim přibrjohom leži tak mjenowana „ptača kupa“ w jězorje, kotraž steji pod přirodoškitom.
Wjes naspomni so k prěnjemu razej hižo w lěće 1245 jako sydło knjeza Rainoldus de Eunowe.
Hač do lěta 1936 bě Wownjow samostatna gmejna, potom so do Bórka zagmejnowa, z kotrymž w lěće 1973 do Budyšina přińdźe. Hač do lěta 2020 słušeše wjeska oficielnje k měšćanskemu dźělej Ćichońca.
We 1880tych lětach měješe Wownjow po Arnošta Mukowej statistice 112 wobydlerjow, mjez nimi 100 Serbow (89 %) a 12 Němcow.[3]
W lěće 1925 bě wot 109 wobydlerjow 98 ewangelskich a dźesać katolskich. Ewangelscy wěriwi přisłušeja znajmjeńša ze 16. lětstotka Budyskej tachantskej wosadźe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.