wjes w Budyskim wokrjesu, gmejnski dźěl Hodźija From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Njezdašecy (němsce Nedaschütz) su wjeska ze 160 wobydlerjemi[2] wosrjedź wuchodosakskeho wokrjesa Budyšin, kotraž słuša wot 1994 ke gmejnje Hodźij. Njezdašecy leža w Hornjej Łužicy.
| |||||
| gmejna: | Hodźij | ||||
| zagmejnowanje: | 1936 (do Koblic) | ||||
| wobydlerstwo: | 160 (31. decembra 2022)[1] | ||||
| přestrjeń: | 3,31 km² | ||||
| wysokosć: | 180–200 metrow n.m.hł. | ||||
51.18722222222214.285277777778180–200 | |||||
| póstowe čisło: | 02633 | ||||
| předwólba: | 035930 | ||||
| wotwodźene słowa: |
| ||||
 Čornica blisko Njezdašec | |||||
wikidata: Njezdašecy (Q10767743) | |||||
Njezdašecy leža w Hornjołužiskich honach něhdźe jědnaće kilometrow zapadnje Budyšina a něhdźe tři kilometry sewjerozapadnje gmejnskeho centruma Hodźija. Wjeska leži mjez 180–200 m nad mórskej hładźinu při Čornicy, kotraž tu přez wudrjeńcu Njezdaščanskeje skały čeće. Susodne wjeski su Koblicy a Běčicy w sewjeru, Darin we wuchodźe, Mała Praha w juhu, Lutyjecy w juhozapadźe a Dobranecy w zapadźe.
Njedaloko wsy nadeńdźetej so Kobličanske a Dobrančanske hrodźišćo.
Sydlišćo je ze stawizniskeho wida kulowc. Prěnje historiske naspomnjenje jako knježe sydło Nedaswicz pochadźa z lěta 1317.[3] Kaž Hodźij njesłušachu Njezdašecy do Hornjołužiskeho markhrabinstwa, ale běchu jako prjedawše wobsydstwo Mišnjanskich biskopow hižo wot 1559 dźěl sakskeho kurwjerchowstwa.
Hač do lěta 1936 běchu Njezdašecy samostatna gmejna z Małej Prahu jako wjesny dźěl. Po tym přisłušachu ke Koblicam a wot lěta 1994 k Hodźijej.
W lěće 1884 měješe wjeska po Mukowej statistice 201 wobydlerjow, mjez nimi 181 Serbow (90 %).[4]
Křesćanscy Njezdašenjo su přewažnje protestanća a přisłušeja Hodźijskej wosadźe.
.svg){kind=small}