Žičeń

Žičeń (němsce Seitschen) je wjes ze 186 wobydlerjemi^[2] pola Hodźija w hornjołužiskim wokrjesu Budyšin.

Žičeń
Seitschen

Połoženje Žičenja na karće Hornjeje Łužicy DEC
gmejna:	Hodźij
zagmejnowanje:	1974
wobydlerstwo:	186 (31. decembra 2022)[1]
přestrjeń:	2,4 km²
wysokosć:	210 metrow n.m.hł.
51.16416666666714.327222222222210
póstowe čisło:	02633
předwólba:	035930
wotwodźene słowa:	wobydler/ka: Žičan/-ka adjektiw: Žičeński skłonowanje: Žičenja, Žičenjej, Žičeń, Žičenjom, w Žičenju
Žičenčanski hród Žičenčanski hród
wikidata: Žičeń (Q160523)

Geografija

Wjes, kotraž je po sydlišćowej formje hasowc, nadeńdźe so w hornjołužiskich honach južnje Hodźija při lěwym brjoze Dołheje wody, kotraž přeběži mjez Žičenkom a Žičenjom, pod Žičeńskim hrodźišćom, hłuboku skału.

Susodne wjeski su, nimo Hodźija na sewjeru, Praskow na sewjerowuchodźe, Mała Boršć a Dźiwoćicy na wuchodźe, Žičenk na juhowuchodźe, Brězynka za Žičeńskim dwórnišćom na juhu a Brěza na zapadźe.

Ležownostne mjena

Michał Rostok naliči 1887 slědowace serbske ležownostne mjena za Wulki Žičeń: Pola wjerby, Pastwišća, Tórfowa łuka (= při tórfłucy), Na čornej horje, W starej zemi, Dołhe wosrědki, Wićežne kerki, W strónjach, Na wuzkim, Wowči hat, Lišča hora, Kranjeny hat, Šnapowe polo, Kača łuža, Žičanski hat, Zeleny doł, Dołha łuka, Wowčerjec studnička, Mały hatk, Micojty hat.^[3]

Stawizny

Prěnje historiske naspomnjenje jako Sciciani bě hižo w lěće 1017, z tym słuša k najstaršim znatym sydlišćam Hornjeje Łužicy.^[4] Wot 11. lětstotka sem bě Žičeń z knježim sydłom a słušeše do Hodźijskej wosadźe.

Hač do lěta 1936 tworještej (Wulki) Žičeń a Žičenk samostatnej gmejnje, kotrejž so w tutym lěće zjednoćištej. W lěće 1974 bu Žičeń do Hodźija zagmejnowany.

Wobydlerstwo

Po statistice Arnošta Muki měješe wjes we 1880tych lětach cyłkownje 236 wobydlerjow, z nich 201 Serbow (85 %) a 35 Němcow.^[5] Arnošt Černik zwěsći w lěće 1956 serbski podźěl wobydlerstwa wot jenož hišće 21,6 %.^[6]

Pětr Młónk je so tam 19. měrca 1805 narodźił.

Wobchad

Žičeń ma wot lěta 1846 zastanišćo (něhdyše dwórnišćo) při železniskej čarje Drježdźany–Zhorjelc.

Wobrazy

• 
  Powětrowy wobraz Žičenja
• 
  Železniski wiadukt blisko wsy
• 
  Wopomnjenski kamjeń we wsy
• 
  Na dwórnišću
• 
  Wojerski pomnik

Žórła

1. staw: 31. decembra 2022; Podaća gmejnskeho zarjada Hodźij
2. 31. decembra 2022; Podaća gmejnskeho zarjada Hodźij
3. Michał Rostok: Ležownostne mjena. W: ČMS 40 (1887), str. 3–50, tu str. 14 (digitalizat).
4. Žičeń w Digitalnym stawizniskim zapisu městnow Sakskeje (němsce)
5. Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 59. → wšě wjeski
6. Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 246. [504 wobydlerjo, z nich 70 dorosćenych z aktiwnymi znajomosćemi serbšćiny, 18 z pasiwnymi, 21 serbskich dźěći a młodostnych, 395 bjez znajomosćow] → wšě wjeski

Wotkaz

 Commons: Žičeń – Zběrka wobrazow, widejow a awdiodatajow

Wjesne dźěle Hodźija

Hodźij:	Bóšericy | Brěza | Darin | Debiškow | Janecy | Zemichow
Koblicy:	Běčicy |  Čěškecy  |  Dobranecy |  Mała Praha |  Njezdašecy
Mała Boršć:	Dźiwoćicy | Hornja Boršć | Nowe Błohašecy | Praskow | Tři Hwězdy
Prěčecy:	Baćoń | Čornecy | Haslow | Liboń | Myšecy | Pozdecy | Sulšecy
Spytecy:	Lutyjecy | Nowe Spytecy
Žičeń:	Žičenk