Kupoj (němsce Kauppa) je wjeska ze 77 wobydlerjemi,[2] kotraž słuša wot lěta 1994 k Wulkodubrawskej gmejnje.
| |||||
gmejna: | Wulka Dubrawa | ||||
zagmejnowanje: | 1936 (do Komorowa) | ||||
wobydlerstwo: | 77 (31. decembra 2022)[1] | ||||
přestrjeń: | 2.27 km² | ||||
wysokosć: | 139 metrow n.m.hł. | ||||
51.29138888888914.488611111111139 | |||||
póstowe čisło: | 02694 | ||||
předwólba: | 035934 | ||||
wotwodźene słowa: |
| ||||
![]() Něhdyše ryćerkubło w 1980tych lětach | |||||
wikidata: Kupoj (Q1737146) |
Wjeska nadeńdźe so při Małej Sprjewi na južnej kromje biosferoweho rezerwata Hornjołužiskeje hole a hatow a je na třoch bokach wobdata wot rybnikow. Susodnej wsy stej Komorow na wuchodźe a Jatřob na sewjerozapadźe.
Michał Rostok naliči 1887 slědowace serbske ležownostne mjena w Kupoji: Kupjana Šina, Mroki, Sćeršće, Wulki hat, Stary hat, Nowy hat, Hlinjany hat, Pobočny hat, Korjeńtny hat, Srěnja truha, Kušic łuki, Wulke łuki, Noparjec kupa, Chmjelnica, Sćerski hat, Kišec pjeńki, Bródki, Bowa hora (Bohowa?), Šołćic kut, Haki, Srane kerki, Minakałske brjohi, Wulki haj, Mały haj, Pod kupu, Pjeńki, Łučki, Behnjate (hdźež „wowče bahno“ rosće).[3]
Wjes naspomni so k prěnjemu razej wokoło lěta 1400 jako Kupe.[4] Wjesne mjeno so najskerje na geografiske połoženje wosrjedź bahnojteje łučiny Małeje Sprjewje poćahuje. Kupoj bě hižo w 15. lětstotku z knježim sydłom a słuša znajmjeńša ze 17. lětstotka ke Klukšanskej ewangelskej wosadźe.
We 1880tych lětach měješe Kupoj po statistice Arnošta Muki cyłkownje 285 wobydlerjow, z nich 257 Serbow (90 %) a 28 Němcow.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.