Jatřob
wjes w Budyskim wokrjesu, gmejnski dźěl Wulkeje Dubrawy From Wikipedia, the free encyclopedia
Jatřob (němsce Jetscheba) je wjeska na wuchodźe sakskeho wokrjesa Budyšin, wot 1994 ke gmejnje Wulka Dubrawa słušaca. Wjeska leži w Hornjej Łužicy a serbskim sydlenskim rumje.
| |||||
| gmejna: | Wulka Dubrawa | ||||
| zagmejnowanje: | 1936 (do Komorowa) | ||||
| wobydlerstwo: | 73 (31. decembra 2022)[1] | ||||
| přestrjeń: | 6,08 km² | ||||
| wysokosć: | 138 metrow n.m.hł. | ||||
51.29694444444414.483611111111138 | |||||
| póstowe čisło: | 02694 | ||||
| předwólba: | 035934 | ||||
| wotwodźene słowa: |
| ||||
wikidata: Jatřob (Q160540) | |||||
Jatřob leži w krajinje hornjołužiskeje hole a hatow něhdźe 14 kilometrow sewjernje Budyšina w přirěčnej łučinje Małeje Sprjewje. na sewjeru wupřestrěwaja so mjez Jatřobjom a wjeskomaj Rudej a Manjow lěsnišćo. Susodnej wjesce stej Kupoj na juhowuchodźe a Minakał na zapadźe.
Ležownostne mjena
Michał Rostok naliči 1887 slědowace serbske ležownostne mjena w Jatřobju: Hrjebje, Mjezrěki, Sćiny, Brězyny, Bunjowka, Popołk, Šěroke, Zahony, Přeroj, Hejkowač, Husak, Doły, Zahoncy, Chołmjana hora, Křiwc, Zachołm, Piskowač, Rudźany hat, Na rjabach, Prěni kut, Srěni kut, Łuhi, Wólše, Pod wuhonom, Stary hat, Wowče hórdy, Chójnowy hat, Pod chójcu, Kukače, Hajk, Zachójčki, Běłe hórki, Wulki wuhon, Za wopušemi.[2]
Sydlišćo so w lěće 1419 jako Jetzrebie prěni raz naspomni.[3] Hižo ze starodawna bě Jatřob wjesny dźěl Kupoje, tak so w lěće 1621 jako wudwór Kupojskeho ryćerkubła registruje. Wobě wjesce so 1936 do Komorowa a 1994 do Wulkeje Dubrawy zagmejnujetej. Za čas nacionalsocializma so wjesne mjeno 1938 na Habichtau germanizowaše, ale w lěće 1949 zaso wróćo přemjenuje.
Arnošt Muka zliči za swoju statistiku Serbow we 1880tych lětach 285 wobydlerjow za Kupoj a Jatřob, mjez kotrymiž běchu 257 Serbja (90 %).[4] W lěće 2022 bydleše w Jatřobje 73 wobydlerjow.
Ewangelscy Jatřobjenjo přisłušeja znajmjeńša z lěta 1614 ke Klukšanskej wosadźe.
- Arnošt Lodni (1873–1948), wučer, drustwownik a kulturny prócowar
- Horst Adam (* 1939), serbski žurnalist a publicist, šefredaktor Noweho Casnika
- Kauppa/Kupoj mit Jetscheba/Jatřob. W: Oberlausitzer Heide- und Teichlandschaft (= Werte der deutschen Heimat. Zwjazk 67). 1. nakład. Böhlau, Köln/Weimar/Wien 2005, ISBN 978-3-412-08903-0, str. 199–202.
- M. Kral: Stawizniske powěsće z našich serbskich wsow [=Serbska ludowa knihownja, čo. 44]. Budyšin, 1937, str. 205–214.
.svg){kind=small}
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
