Běčicy
wjes w Hornjej Łužicy; gmejna Hodźij From Wikipedia, the free encyclopedia
Běčicy (němsce Pietzschwitz) su hornjołužiska wjes při Dołhej wodźe, kotraž słuša ke gmejnje Hodźij. Maja 93 wobydlerjow.[2]
| |||||
gmejna: | Hodźij | ||||
zagmejnowanje: | 1936 (do Koblic) | ||||
wobydlerstwo: | 93 (31. decembra 2022)[1] | ||||
wysokosć: | 172 metrow n.m.hł. | ||||
51.19944444444414.296388888889172 | |||||
póstowe čisło: | 02633 | ||||
předwólba: | 035930 | ||||
wotwodźene słowa: |
| ||||
Zajězd do něhdyšeho knježeho dwora w Běčicach | |||||
wikidata: Běčicy (Q10366821) |
Geografija
Wjeska nadeńdźe so něhdźe tři kilometry sewjerozapadnje Hodźija při woběmaj bokomaj Dołheje wody, krótko před jeje wuliwom do Čornicy, a njedaloko awtodróhi A 4. Susodne wsy su Prěčecy na sewjerowuchodźe, Darin na juhu, Njezdašecy na juhozapadźe, Koblicy na zapadźe kaž tež Čěškecy na sewjerozapadźe.
Ležownostne mjena
Michał Rostok naliči 1887 slědowace serbske ležownostne mjena: Popec kuty, Barec strónje, Deleńkec wopuš, Při plantaži, Jězor, Dubrawka, Na ladach, Na liščej horje, Na młynskej horje, Pola wuhona, Pola pěskowej jamy, Pola dubčka, Deleńkec łuka, Pola křižneho puća, Pola Muterec kerčkow.[3]
Stawizny
Po sydlišćowej formje jedna so wo rozšěrjeny nawsowc. Prěnje historiske naspomnjenje jako allodium (kubło) wěsteho knjeza Hermannus de Pictzwicz pochadźa z lěta 1225. Ležownostne knjejstwo wukonješe přez lětstotki ryćerkubło we wsy samej. Cyrkwinsce słuša wjes ze starodawna do Hodźijskeje wosady.[4] Kaž Hodźij njesłušachu Běčicy do Hornjołužiskeho markhrabinstwa, ale běchu jako prjedawše wobsydstwo Mišnjanskich biskopow hižo wot 1559 dźěl sakskeho kurwjerchowstwa.
Hač do lěta 1936 tworjachu Běčicy samostatnu gmejnu, doniž so do Koblic njezagmejnowachu. Wot lěta 1994 su dźěl Hodźijskeje gmejny.
Wobydlerstwo
W lěće 1884 měješe wjes po Mukowej statistice 116 wobydlerjow, mjez nimi 103 Serbow (89 %).[5] 1925 bě wot cyłkownje 140 wobydlerjow 135 ewangelskich a pjeć katolikow.
Wosobiny
- Michał Frencel (1628–1706) – farar, rěčespytnik, sobuzałožer hornjoserbskeje spisowneje rěče; rodźeny w Běčicach
Žórła
Wotkaz
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.