Lipič
wjes w Budyskim wokrjesu, gmejnski dźěl Radworja From Wikipedia, the free encyclopedia
wjes w Budyskim wokrjesu, gmejnski dźěl Radworja From Wikipedia, the free encyclopedia
Lipič (němsce Lippitsch) je wjes z 203 wobydlerjemi[2] we wuchodźe hornjołužiskeho wokrjesa Budyšin. Słuša wot lěta 1999 ke gmejnje Radwor a leži 136 m nad mórskej hładźinu wosrjedź krajiny hornjołužiskeje hole a hatow sewjernje Minakała při Sprjewicy.
| |||||
gmejna: | Radwor | ||||
zagmejnowanje: | 1977 (do Minakała) | ||||
wobydlerstwo: | 203 (31. decembra 2022)[1] | ||||
přestrjeń: | 6,82 km² | ||||
wysokosć: | 136 metrow n.m.hł. | ||||
51.31194444444414.441388888889136 | |||||
póstowe čisło: | 02627 | ||||
předwólba: | 035935 | ||||
wotwodźene słowa: |
| ||||
Sprjewica blisko Lipiča | |||||
wikidata: Lipič (Q160543) |
Susodne wjeski su Wjesel na wuchodźe, Hat a Minakał na juhowuchodźe, Psowje na juhozapadźe a Hermanecy na sewjerozapadźe. Sewjernje Lipiča namaka so jedna z najwjetšich lěsnych kónčinow Hornjeje Łužicy.
Sydlerskostawiznisce je Lipič nawsowc. Prěnje historiske naspomnjenje jako Lyppitcz je z lěta 1350[3]. Znajmjeńša ze 16. lětstotka bě wjes tež knježe sydło.
Po Wienskim kongresu lěta 1815 přińdźe cyły sewjer Hornjeje Łužicy k Pruskej, Lipič wosta pak sakski. Hranica běžeše hač do lěta 1945 mjez Lipičom a Hermanecami přez Mału Sprjewju.
Hač do lěta 1977 bě Lipič samostatna gmejna, mjez 1977 a 1999 Minakałski wjesny dźěl.
W lěće 1884 měješe wjes po Mukowej statistice 219 wobydlerjow, mjez nimi 206 Serbow (94 %).[4] Arnošt Černik zwěsći 1956 serbski podźěl wobydlerstwa wot hišće 63,7 %.[5]
Po ludličenju w lěće 2011 bydlachu we wsy 185 wobydlerjow w přerěznej starobje wot 45,9 lět (Sakska: 46,4).[6]
Křesćanscy Lipičenjo su přewažnje protestanća, kiž přisłušeja Minakałskej wosadźe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.