Kirnitzsch
prawy přitok Łobja w Sakskej a Čěskej Šwicy / From Wikipedia, the free encyclopedia
Kirnitzsch (čěsce Křinice, němsce prjedy tež Kirnischt) je prawy přitok Łobja w sewjernej Čěskej a Sakskej. Wot cyłkownje 45,3 kilometrow běži 14,9 km w Čěskej a 30,4 km w Němskej.
Křinice | |
We wudrjeńcy rěki Kirnitzsch pola Ottendorfa | |
ćeče přez | Čěsku, Saksku |
žórło | w Šluknovskim wuběžku zapadnje Studánki (50° 54′ 42″ S, 14° 33′ 4″ W50.91166666666714.551111111111 ) |
wysokosć | 490 m |
wuliw | w Žandowje do Łobja (50° 55′ 0″ S, 14° 9′ 36″ W50.91666666666714.16 ) |
wysokosć | 105 m |
mórski basenk | Sewjerne morjo |
dołhosć | 45,3 km |
přestrjeń rěčiny | 157 km² |
Wona wužórli so we Łužiskich horinach w Šluknovskim wuběžku na samym sewjeru Čěskeje zapadnje wjeski Studánka na teritoriju města Warnoćicy a běži potom hłownje do zapadneho směra přez městačko Krásná Lípa. Za wjesku Kyjov zastupi do wuskeje, hłubokeje wudrjeńcy mjez skałami Połobskich pěskowčin (Čěskeje Šwicy). Tam twori rěčka na wósom kilometrach – hač do něhdyšeje hraničneje wjeski Hinterdittersbach – statnu hranicu mjez Němskej a Čěskej. Na němskim boku wjedźe statna dróha 165 (Zebnica–Žandow) přez Kirnitzschowy doł. W Žandowje běži rěka přez Kurowy park nimo kliniki a wuliwa so naposledku wosrjedź města do Łobja.
Wuska wudrjeńca rěki je na woběmaj bokomaj hranicy woblubowane wulětnišćo. Mjez Lichtenhainskim wodopadom a Žandowom jězdźi wot lěta 1898 tramwajka, kotraž słuži předewšěm turistam.