Połobske pěskowčiny
horiny w Sakskej a Čěskej / From Wikipedia, the free encyclopedia
Połobske pěskowčiny (čěsce Labské pískovce abo Děčínská vrchovina, němsce Elbsandsteingebirge) su hłownje z pěskowca wobstejace srjedźne horiny při hornim běhu Łobja w Sakskej a sewjernej Čěskej. Wone so rozpřestrěwaja na přestrjeni 700 km² a sahaja do wysokosće wot 723 metrow. Němski dźěl mjenuje so husto Sakska Šwica, čěski dźěl je znaty jako Čěska Šwica (České Švýcarsko).
Najwyši wjeršk Połobskich pěskowčin je Děčínský Sněžník (Hoher Schneeberg) z 722,8 metrami na čěskim boku. Najwyša hora w sakskim podźělu je Wulki Zschirnstein (561 m).