Krásná Lípa
město w Čěskej From Wikipedia, the free encyclopedia
město w Čěskej From Wikipedia, the free encyclopedia
Krásná Lípa (němsce Schönlinde) je městačko we Łužiskich horinach na sewjeru Čěskeje, juhozapadnje Rumburka a zapadnje Warnoćic. Słuša k Děčínskemu wokrjesej Wusčanskeho kraja (Ústecký kraj).
| ||
Wopon | ||
---|---|---|
| ||
Zakładne daty | ||
stat | Čěska | |
kraj | Wusće | |
wysokosć | 426 metrow n.m.hł. | |
přestrjeń | 31,42 km² | |
wobydlerstwo | 3.458 (1. jan 2018)[1] | |
hustosć zasydlenja | 110 wob. na km² | |
póstowe čisło | 407 46 | |
adresa | Masarykova 6 407 46 Krásná Lípa | |
webstrona | krasnalipa.cz | |
Cyrkej swj. Marje Madleny wosrjedź města | ||
Krásná Lípa nadeńdźe so při hornim běhu rěčki Kirnitzsch (čěsce Křinice) při přechodźe mjez Łužiskimi horami a Połobskimi pěskowčinami. Susodne gmejny su Staré Křečany na sewjeru, Rumburk na sewjerowuchodźe, Varnsdorf na wuchodźe, Rybniště a Chřibská na juhu kaž tež Doubice na zapadźe.
Přez Krásnu Lípu wjedźe železniska čara Bakov nad Jizerou–Ebersbach. W měsće namaka so regionalny muzej Čěskeje Šwicy.
Wjes załoži so njedaloko 1339 zničeneho hrodu Krásný Buk při starym wikowanskim puću mjez Čechami a Hornjej Łužicu a naspomni so prěni raz w lěće 1361. Bě tehdom hižo jedna z mało wosadnych wsow na teritoriju knjejstwa Tolštejn, ke kotremuž słušeše hač do lěta 1573. W druhej połojcy 19. lětstotka wuwiwaše so Schönlinde do jednoho ze srjedźišćow tekstilneje industrije w Sewjernych Čechach a dósta jako tajke w lěće 1870 měšćanske prawa. 1910 měješe nimale 7000 wobydlerjow. Po kóncu Druheje swětoweje wójny bu němskorěčne wobydlerstwo wusydlene, tak zo je ličba wobydlerstwa dźensa wo wjele niša.
Schönlinde bě ródne město sakskeho stawiznarja a archiwara Karlheinz Blaschke (* 1927).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.