hranica mjez suwerenymaj statomaj From Wikipedia, the free encyclopedia
Statna hranica je hranična linija mjez statomaj abo dźělnje suwerenymaj zwjazkowymaj statomaj. Charakteristiske geografiske elementy kaž rěki, horiny abo mórske pobrjohi so husto wužiwaja, zo bychu so hranicy definowali. Statna hranica je husto z měznikami markěrowana a tuž widźomna.
Statne hranicy so zwjetša kontroluja a smědźa so jenož při hraničnych přechodach přeprěčić, hdźež so kontroluja pućowacy ludźo a twory. Wosebite rjadowanja płaća na př. w Schengenskim pasmje, hdźež je zasadnje dowolene, hranicy wšudźe přestupić. Je-li překročenje principielnje dowolene, rěčimy wo wotewrjenych hranicach, hewak wo zawrjenych. Tajke eksistuja mjez druhim mjez Marokkom a Algeriskej, mjez Armenskej a Turkowskej abo mjez Sewjernej a Južnej Koreju. Někotre hranicy – tež tak mjenowane wotewrjene – su nimo toho wobtwjerdźene přez płoty abo samo murje, kaž na přikład hranica mjez Zjednoćenymi statami a Mexikom, wonkowna hranica Europskeje unije abo tež bywša nutřkoněmska hranica mjez NDR a zwjazkowej republiku.
We Łužicy namakamy statne hranicy mjez Zwjazkowej republiku Němskej, republiku Pólskej a Čěskej republiku, při čimž wotpowěduje němsko-čěska hranica zdobom historiskej južnej hranicy Hornjeje Łužicy.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.