wjes w Budyskim wokrjesu, gmejnski dźěl Hodźija From Wikipedia, the free encyclopedia
Dźiwoćicy (němsce Siebitz) su wjeska ze 74 wobydlerjemi[2] w hornjołužiskim wokrjesu Budyšin. Słušeja ke gmejnje Hodźij a leža 221 metrow nad mórskej hładźinu. Ze starodawna su Dźiwoćicy wjesny dźěl Małeje Boršće.
| |||||
gmejna: | Hodźij | ||||
wobydlerstwo: | 74 (31. decembra 2022)[1] | ||||
wysokosć: | 221 metrow n.m.hł. | ||||
51.16472222222214.346111111111221 | |||||
póstowe čisło: | 02633 | ||||
předwólba: | 035930 | ||||
wotwodźene słowa: |
| ||||
![]() Powětrowy wobraz Dźiwoćic | |||||
wikidata: Dźiwoćicy (Q10376535) |
Susodne wjeski su Mała Boršć w sewjerowuchodźe, Družkecy w juhu a Žičeń ze Žičenkom w zapadźe.
Michał Rostok naliči 1887 slědowace serbske ležownostne mjena w Dźiwoćicach: Korbały (čorna hora), Butřanki, Wińca, Mała wińca, Hornje kerki, Młynski hat, Nowa dróha, Stara dróha, Kulec hory (Kurwic hory), Larasec lěsk, Tórfowe jamy, Pasnik (pola wara), Srěnja łuka, Hrodźiško, Prěnje kerčki, Druhe kerčki, Tymješća, Na ladach.[3]
Po sydlišćowej formje jedna so wo rozšěrjeny kulowc. Prěnje historiske naspomnjenje jako Dewecicz pochadźa z lěta 1374. Ležownostne knjejstwo wukonješe přez lětstotki ryćerkubło w susodnej Małej Boršći. Cyrkwinsce słušeja Dźiwoćicy ze starodawna do Hodźijskeje wosady.[4].
W lěće 1884 měješe wjes po Mukowej statistice 121 wobydlerjow, z nich 108 Serbow (89 %).[5]
Dźiwoćicy běchu ze sydłom Serbskeho ewangelsko-lutherskeho misionskeho towarstwa pod nawodom ludoweho basnika Pětra Młónka, kotrež so měsačnje w domje kublerja Łonjerja (Lehnert) w Cokowje zetkawaše.
Serbski ludowy basnik Pětr Młónk bydleše přez lětdźesatki na statoku čo. 3 w Dźiwoćicach. Domske je so jako kulturny pomnik hač do dźensnišeho wobchowało.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.