From Wikipedia, the free encyclopedia
O xabón[1] ou xabrón[2] é un produto que se utiliza para a hixiene persoal e para lavar determinados obxectos,[3] inclusive utilizado para decorar. Encontrámolo en forma de pastillas, po ou cremas. En sentido estrito, existe unha grande diferenza entre xabón, un deterxente e un xampú. Hai tamén o xabón de lavandería, usado para lavar roupas.
O xabón xeralmente é o resultado da reacción química entre unha base (xeralmente hidróxido de sodio ou hidróxido de potasio) e algún ácido graxo. Esta reacción é denominada saponificación. O ácido graxo pode ser por exemplo: graxa de porco, aceite de coco ou de oliva e tamén de glicerina. O xabón é solúbel en auga e, polas súas propiedades deterxentes , é usado para lavar.
Conta coas variantes dialectais xabrón, sabrón e xabonete[4].