Wuppertal

Wuppertal
Epónimo	río Wupper
Localización
	51°16′00″N 7°11′00″L
Estado	Alemaña
Estado federado	Renania do Norte-Westfalia - Nordrhein-Westfalen
Rexión administrativa	Rexión de Düsseldorf
Contén a división administrativa	Barmen ; Cronenberg ; Elberfeld ; Elberfeld-West ; Heckinghausen ; Langerfeld-Beyenburg ; Oberbarmen ; Ronsdorf ; Uellendahl-Katernberg ; Vohwinkel
Poboación
Poboación	358.876 (2022) (2.131,22 hab./km²)
Xeografía
Superficie	168,39 km²
Bañado por	río Wupper
Altitude	160 m-157 m
Comparte fronteira con	Hattingen ; Wülfrath ; Mettmann ; Velbert ; Langenberg ; Ennepe-Ruhr-Kreis ; Neviges ; Haan ; Remscheid ; Sprockhövel ; Solingen ; Schwelm ; Radevormwald ; Ennepetal ; Distrito de Mettmann
Creación	1929
Santo padrón	Lourenzo mártir
Organización política
• Xefe do goberno	Andreas Mucke (2015–)
Membro de	Landschaftsverband Rheinland (en) ; Städtetag Nordrhein-Westfalen (pt) ; Mayors for Peace (en) (1986–); Aliança Climática (pt) (1992–); association for pedestrian and bicycle-friendly cities, townships and districts in North Rhine Westphalia (en) (2019–)
Identificador descritivo
Código postal	42001–42399
Fuso horario	UTC+01:00
Prefixo telefónico	0202, 02058 e 02053
Código NUTS	DEA1A
Clave de rexión en Alemaña	051240000000
Número de municipio alemán	05124000
Outro
Irmandado con	Tabarka (pt) ; Dongguan (pt) ; Qingdao ; South Tyneside (en) (1951–); Saint-Étienne (1960–); Schöneberg (en) (1964–2000); Tempelhof-Schöneberg (pt) (1964–); Bersebá (1977–); Košice (1980–); Schwerin (1987–); Matagalpa (pt) (1987–); Ekaterimburgo (1993–); Legnica (pt) (1993–); Salfit (pt) (2022–)
Páxina web	wuppertal.de

Wuppertal é unha cidade alemá localizada no estado de Renania do Norte-Westfalia. Segundo o censo correspondente ao ano 2011 conta con 349.470 habitantes e unha superficie de 168 km², o que a converte na décimo sétima cidade de Alemaña.

Datos rápidos Epónimo, Localización ...

Pechar

Historia

Wuppertal fundouse o 1 de agosto de 1929, despois da unión das cidades de Elberfeld e Barmen, principalmente, así como outras cidades máis pequenas como Ronsdorf, Cronenberg e Vohwinkel. Nun primeiro momento chamouse Barmen-Elberfeld, pero despois dun referendo en 1930 paso a denominarse Wuppertal (Val do Wupper).

Barrios

Wuppertal divídese en 10 barrios:

Elberfeld: 64.714 habitantes.
Elberfeld Oeste: 27.426 habitantes.
Uellendahl-Katernberg: 37.147 habitantes.
Vohwinkel 30.506: habitantes.
Cronenberg: 20.963.
Barmen: 58.494 habitantes.
Oberbarmen: 42.277 habitantes.
Hecklinghausen: 21.005 habitantes.
Langerfeld-Beyenburg: 24.392 habitantes.
Ronsdorf: 20.976 habitantes.

Cultura

Museos

Museo Von der Heydt, museo inaugurado a comezos do século XIX, atópase no centro de Wuppertal-Elberfeld. Neste museo podemos atopar cadros e obras desde o século XVI ata obras e cadros de autores dos nosos tempos. No inventario deste museo podemos atopar unhas 3.000 pinturas de alto valor, 500 esculturas e uns 30.000 traballos gráfico o que o converte nun dos museos alemáns máis importantes internacionalmente. Entre estas obras pódense destacar cadros de autores holandeses, así como obras de Picasso, Monet ou Munch.

Casa de Friedrich Engels, Friedrich Engels é un teórico social e escritor alemán que naceu nesta cidades e que, xunto Karl Marx, sentou as bases do comunismo.

Skulpturenpark, Parque das Esculturas, creado por Tony Cragg en 2006 sobre un terreo privado de 15Ha, serve para expoñer tanto obras propias como alleas. Actualmente conta con 19 esculturas de bronce, aceiro e metal de Tony Cragg.

Wuppertaler Uhrenmuseum, Museo dos Reloxos de Wuppertal, conta cunha das maiores coleccións privadas de reloxos da humanidade e de todas as culturas. Conta con preto de 2000 reloxos nunha superficie duns 300 m².

Teatros

Wuppertal conta con diferentes teatros, coma o Opernhaus de Barmen, que foi construído no ano 1907 e que na segunda guerra mundial sufriu estragos moi grandes, polo que a súa reconstrución se prolongou ata 1956. Outro teatro importante foi o Schauspielhaus de Elberfeld, que foi construído en 1966 pero que a mediados de 2013 foi pechado por falta de cartos para a súa renovación, coma polo seu mantemento. Dentro dos teatros, tamén destaca o Teatro de Baile Pina Bausch, que foi creado pola coreógrafa do mesmo nome en 1973 e que foi dirixido por ela ata a súa morte en 2009.

Ademais destes tres teatros principais, Wuppertal, conta con outros teatros máis pequenos como poden ser: O TiC (Theater in Cronenberg - Teatro en Cronenberg): que ten un pequeno auditorio duns 80 asentos. Neste teatro preséntanse obras de todo tipo, comedias, sátiras, óperas rock etc. Convértese nun teatro apto para todos os públicos e alternativo e co cal se pode vivir a experiencia teatral dunha forma diferente e moi especial.

Müllers Marionettentheater, Teatro de Marionetas de Müller, foi fundado por Ursula e Günther Weißenborn en 1983 na cidade de Bremen e desde 1992 conta co seu propio teatro en Wuppertal. Os bonecos que empregan nas súas funcións son producidos nos seus propios obradoiros e fan actuacións especiais para empresas e escolas.

Kinder- und Jugendtheater (Teatro Xuvenil e de Nenos), é un teatro con obras dirixidas a nenos. Oferta pezas teatrais para Educación Infantil, Primaria, Secundaria e Bacharelato.

Taltontheater, é un teatro de carácter privado e que xa é recoñecido como un dos mellores teatros de Renania do Norte - Westfalia. Oferta diferentes pezas, desde clásicos, musicais, comedia ata Late Night, drama, ou festivais de contos

Deporte

En Wuppertal destacan varias Asociacións Deportivas (Sport Vereine, SV en alemán), que agrupan varias disciplinas deportivas. A máis numerosa da cidade conta con preto de 8.000 socios e é o SV Bayer Wuppertal, seguido polo Barmer TV 1846 Wuppertal que conta con case 2000 socios e o equipo de fútbol Wuppertaler SV que ten uns 1200 socios.

Baloncesto

Neste deporte destacou o BTV Gold-Zack Wuppertal, equipo feminino que conseguiu títulos nacionais e internacionais. Foi 11 veces campión alemán, 12 veces campión da Copa Alemá e 1 vez campión de Europa. En 2002 o principal patrocinador do equipo se retiraría e o equipo comezaría un declive.

Fútbol

O equipo máis coñecido e importante da cidade é o Wuppertaler SV, que participou na 1. Bundesliga catro temporadas seguidas na década de 1970, así como outras 7 temporadas na 2. Bundesliga. Na clasificación histórica da Federación Alemá de Fútbol, o equipo atópase na posición 38. Actualmente o equipo pasa por problemas económicos serios e atópase na 5ª división de fútbol alemán.

Véxase tamén

Outros artigos

Datos rápidos Listaxe, Cidade ...

Pechar

Ligazóns externas

Cultura Wuppertal Arquivado 27 de febreiro de 2014 en Wayback Machine.
Museo Von der Heydt
Ciencia e educación
Friedrich Engels (en alemán)
Datos estatísticos 2013 Wuppertal^{[Ligazón morta]} (en alemán)

Listaxe	Cidade	Estado	Pob.	Listaxe	Cidade	Estado	Pob.
1	Berlín	Berlín	3 531 201	11	Leipzig	Saxonia	531 809
2	Hamburgo	Hamburgo	1 810 698	12	Dresden	Saxonia	529 781
3	Múnic	Baviera	1 378 176	13	Hannover	Baixa Saxonia	525 875
4	Colonia	Renania do Norte-Westfalia	1 017 155	14	Nürnberg	Baviera	510 602
5	Frankfurt	Hessen	691 518	15	Duisburgo	Renania do Norte-Westfalia	488 005
6	Stuttgart	Baden-Württemberg	613 392	16	Bochum	Renania do Norte-Westfalia	373 976
7	Düsseldorf	Renania do Norte-Westfalia	592 393	17	Wuppertal	Renania do Norte-Westfalia	349 470
8	Dortmund	Renania do Norte-Westfalia	580 956	18	Bonn	Renania do Norte-Westfalia	327 913
9	Essen	Renania do Norte-Westfalia	573 468	19	Bielefeld	Renania do Norte-Westfalia	323 395
10	Bremen	Bremen	548 319	20	Mannheim	Baden-Württemberg	314 931
Datos do censo de 2011