Vilaoudriz, A Pontenova

Santiago de Vilaoudriz (á espera da oficialización da forma Santiago de Viloudriz)^[2] é unha parroquia do concello lucense da Pontenova, na comarca da Mariña Oriental. Segundo o padrón municipal (INE 2013) conta 108 habitantes (58 homes e 50 mulleres).

Vilaoudriz
Concello	A Pontenova[1]
Provincia	Lugo
Coordenadas	43°20′19″N 7°11′19″O
Poboación	78 hab. (2020)
Entidades de poboación	2[1]
[ editar datos en Wikidata ]

Toponimia

O topónimo Viloudriz ten dous elementos: Vila (do latín Vīlla) e mais a forma Auderici, xenitivo do antropónimo de orixe xermánica Audericus.^[2]

Historia

En 1900 constituíuse a Sociedad Minera de Villaodrid^[3] para a explotación dos xacementos de limonita por parte dunha sociedade vasca, activa ata a guerra civil española. A importancia desta actividade provocou a construción en 1905 da liña Ribadeo - Vilaoudriz de ferrocarril para transportar o mineral cara ao embarcadoiro de mineral de Ribadeo. Os fornos das minas construíronse con ladrillos da próxima fábrica de Sargadelos, situada no concello de Cervo. As minas achábanse maioritariamente nesta parroquia, mentres que os fornos de calcinación se construíron na Pontenova^[4].

En 1961 constituíuse a parroquia da Pontenova, segregándose os seus lugares de Vilaoudriz e Vilameá.^[5]

Galería de imaxes

• 
  Túnel na estrada de acceso
• 
  Túnel de saída cara á Pontenova
• 
  Adro da igrexa

Lugares e parroquias

Lugares de Vilaoudriz

Lugares da parroquia da Vilaoudriz no concello da Pontenova (Lugo)
Salmeán | Vilaoudriz

Parroquias da Pontenova

Galicia | Provincia de Lugo | Parroquias da Pontenova
Bogo (San Pedro) | Conforto (Santa María) | A Pontenova (Sagrado Corazón) | Rececende (San Xoán) | Santo Estevo de Rececende (Santo Estevo) | Vilaboa (San Xulián) | Vilameá (San Vicente) | Vilaoudriz (Santiago) | Vilaouruz (San Martín) | Vilarmide (O Salvador) | Xudán (Santa María Madanela)